Uncategorized
Најлесно се наоѓа работа во Прага, а стан во Лајпциг
Прага е град што нуди најдобри можности за вработување, а во германскиот Лајпциг најлесно се наоѓа сместување по поволни цени.
Прага е град што нуди најдобри можности за вработување, а во германскиот Лајпциг најлесно се наоѓа сместување по поволни цени.
Ова го покажа истражувањето на Евростат, кое рангира 75 градови во Европската унија во Хрватска и во Турција, според можностите за вработување и сместување,
Најдобри шанси за вработување, покрај Прага, нудат Копенхаген, Даблин, Аалборг, Антфербен, додека најтешко работа се наоѓа во Палермо, Франкфурт, Неапол, Дијарбекир и Мишколц (Унгарија).
Во Лајпциг најлесно се наоѓа добро сместување по поволна цена, а зад него следуваат данскиот Аалборг и португалската Брага. На дното на листата се најдоа Париз, Луксембург и Даблин.
Од градовите во регионот според шансите за наоѓање работа прва е Љубљана (24), па следуваат Софија (28), Букурешт (36), Атина (50), Загреб (51), Будимпешта (56) и Анкара (65)
Пристоен стан, по поволна цена во регионот најлесно се наоѓа во Анталија (24), која е пред Атина (26), Будимпешта (29), Софија (38), Љубљана (51), Истанбул (56), Загреб (63) и Букурешт (72). (крај)фи/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.