Uncategorized
Четворица уапсени по бомбашкиот напад врз хотелот „Серена“ во Кабул
Четири лица се уапсени под сомнение дека се вмешани во синоќешниот напад врз луксузниот хотел „Серена“ во центарот на Кабул, во кој загинаа седум лица, соопшти шефот на авганистанското разузнавање Амрулах Салах.
Четири лица се уапсени под сомнение дека се вмешани во синоќешниот напад врз луксузниот хотел „Серена“ во центарот на Кабул, во кој загинаа седум лица, соопшти шефот на авганистанското разузнавање Амрулах Салах.
Меѓу уапсените е и еден од напаѓачите, кој од непознати причини не го активирал експлозивот скриен под неговото сако.
Тројцата напаѓачи носеле експлозив под сакоата кога влегле во хотелот, но само едниот од нив го активирал. Вториот бил застрелан од обезбедувањето, додека третиот бил уапсен.
Четвртиот човек што ги придружувал напаѓачите е уапсен заедно со уште двајца соучесници во нивното засолниште во Кабул.
Одговорноста за нападот ја преземаа талибанците, а во експлозијата загинаа седум лица, меѓу кои и тројца странци-еден Американец, еден норвешки фотограф и една Филипинка, вработена во хотелот. Во нападот беа ранети седум лица, меѓу нив и неколку странци.
/крај/бг/ст
Copyright 2008
makfax
. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.