Uncategorized
14 европски земји –соработнички на ЦИА во тајно апсење и трансфер на луѓе
Дури 14 европски земји меѓу кои членки на Унијата и нејзини кандидати учествувале во тајно апсење и трансфер на осомничени за тероризам од страна на ЦИА.
Дури 14 европски земји меѓу кои членки на Унијата и нејзини кандидати учествувале во тајно апсење и трансфер на осомничени за тероризам од страна на ЦИА.
Ова се наведува во финалниот извештај на Советот на Европа, кој спроведуваше седум месечна истрага за проблемот.
Во извештајот што денеска треба да биде презентиран во Советот од швајцарскиот пратеник Дик Марти, според неколку извори, меѓу споменатите земји во кои имало нелегални апсења и тајни затвори се посочува и Македонија.
Неодамна германската разузнавачка служба БНД призна дека знаела оти нејзин државјанин Калед ел Масри на почетокот од 2004 бил уапсен во Македонија и предаден на ЦИА, но тоа нејзиниот агент во земјата „го сметал за неважно“ и не ја известил централата.
Македонија неколку пати од највисоко ниво, исто така, демантираше дека Масри бил уапсен во земјата, посочувајќи дека тој легално влегол и излегол по нешто повеќе од две недели престој.
Во извештајот на Марти што имале прилика до го видат некои западни медиуми, се наведува дека „сега е јасно –иако се уште сме далеку од утврдување на вистината-дека властите во неколку европски земји активно учествувале со ЦИА во овие незаконски активности“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.