Uncategorized
Расте бројот на цивилните жртви во Либан
Израел ги интензивира воените напади врз цели во Либан, а бројот на цивилните жртви континуирано расте, искачувајќи се на 61 загинат цивил и стотина ранети.
Израел ги интензивира воените напади врз цели во Либан, а бројот на цивилните жртви континуирано расте, искачувајќи се на 61 загинат цивил и стотина ранети.
Сите продавници и ресторани во Бејрут се затворени, а туристите се обидуваат да се евакуираат.
Четири цивили се убиени, а 63 други се ранети во последните израелските напади на Либан рано попладнево. Полицијата, потврди дека од почетокот на израелската офанзива пред два дена, бројот на цивилните жртви достигнал 61.
„Три цивили се убиени при бомбардирањата денес на околината на Бејрут, а четвртиот – во јужен Либан", додаде претставник на полицијата.
Израелската авијација и морнарицата повторно ги бомбардираше предградијата на јужен Бејрут, тврдејќи дека станува збор за бастион на Хезболах.
Истовремено, повторно е бомбардиран и аеродромот во престолнината, но и главниот автопат меѓу Бејрут и Дамаск, кој во моментов е надвор од употреба.
Израелската армија бомбардираше и во текот на ноќта, извршувајќи жестоки напади врз повеќе цели. Во тие напади три лица загинаа, а 55 беа повредени.
Дејствата на армијата се должат на таквата наредба која ја издаде доцна синоќа премиерот Ехуд Олмерт, на вонредната седница на Владата.
Офанзива започна во средата, како одговор на заробување на двајца израелски војници и убивање на неколку други.
Во истовреме, најмалку двајца израелци загинаа а над 100 се ранети во одговорот на либанските герилци. Тие истрелаа повеќе ракети од типот „каќуша“ врз северниот израелски град Хаифа.
Нападот врз третиот по големина израелски град за владата на Израел претставува ескалација на конфликтот, по што владин претставник на прес конференција за прв пат го употреби зборот „војна“.
Аналитичарите стравуваат од проширување на конфликтите и вклучување на Сирија и Иран. И двете земји важат за спонзори на шиитската група „Хезболах“.
Претседателот на Иран, Махмуд Ахмадинеџад предупреди денеска дека доколку Израел ја нападне Сирија, тоа ќе претставува напад врз сиот исламски свет, што ќе предизвика соодветна реакција.
Израелските операции ги осудија Европската унија, Русија и арапските земји, а официјален Вашингтон повика на воздржаност.
Во Њујорк е закажана итна седница на Советот за безбедност на ООН. Меѓутоа, предлог декларацијата со која се повикува Израел да ги запре нападите, синоќа беше блокирана од САД, со формално образложение дека недостасувал делот во кој ќе се бара од Либан да не ги поддржува групите на Хезболах.
/крај/тб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.
Uncategorized
Премиерот Џафери и владиниот државен врв во чест на 9 Мај: Цврсто стоиме на браникот против фашизмот и во одбрана на европската идеја
Владиниот државен врв ги одбележува денешниот голем и значаен датум за Република Северна Македонија и за демократскиот свет, 9 Мај – Денот на победата над фашизмот и Денот на Европа.
Делегација на Владата на Република Северна Македонија, предводена од претседателот на Владата, Талат Џафери, во состав со министерот за локална самоуправа, Ристо Пенов, и заменик-министерката за правда, Викторија Аврамовска-Мадиќ, положи цвеќе и им оддаде почит на борците од Народноослободителната борба пред споменикот „Ослободители на Скопје“ на платото пред Владата на Република Северна Македонија.
На официјалната церемонија, реализирана со воени почести, почит оддадоа и положија цвеќе и: делегација на Сојузот на борците од НОАВМ, предводена од Наум Бурески, претседател на Градскиот одбор на Сојузот на борците, од Кабинетот на претседателот на Република Северна Македонија, Билјана Блажевска, аѓутант, делегација на Собранието на Република Северна Македонија, предводена од Снежана Калевска-Ванчева, пратеничка, делегација на Армијата на Република Северна Македонија, предводена од бригаден генерал Орце Јордев, како и претставници од дипломатскиот кор во државата, меѓу кои и амбасадорот на Европската Унија, Дејвид Гир, делегација на Град Скопје, претставници на политички партии.
Претходно, во церемонија со воени почести, делегации од Владата, од Кабинетот на претседателот на државата, од Собранието, од Сојузот на борците од НОАВМ, претставници од дипломатскиот кор, од Град Скопје, од политичките партии, оддадоа почит и положија цвеќе на Партизанските гробишта во Бутел.
Република Северна Македонија секогаш била на вистинската страна на историјата. Така било за време на Втората светска војна кога земјата била рамо до рамо со прогресивните антифашистички сили. Нашата држава е создадена на рушевините на фашизмот, во извојуваната слобода и со прогресивната идеја за напредок. И, денес, во сложениот геополитички контекст, стоиме со сојузниците како рамноправна членка на НАТО и идна членка на Европската Унија темелејќи го развојот на демократијата.
Пораката на премиерот Талат Џафери и на Владата во чест на денешниот 9 Мај, Ден на победата над фашизмот и Ден на Европа, е дека цврсто стоиме и ќе стоиме на браникот пред какви било форми на современ фашизам, кои се закана за мирот и прогресот насекаде во светот. Исто така, со искрена почит кон големата европска идеја, на која се темели изградбата на Европската Унија, ќе продолжиме да придонесуваме во заштитата и афирмацијата на европските вредности како гаранти на мирот и перспективите и на Република Северна Македонија. Република Северна Македонија припаѓа во европското семејство на народи и држави и стремежот на граѓаните за членство во Европската Унија заедно ќе го оствариме.
Uncategorized
Oсмани: Ја победивме албанската опозиција со над 40.000 гласа, да се почитува волјата на народот
Прелиминарните резултати покажуваaт длабока победа на Европскиот Фронт, наспроти албанската опозиција со над 40 илјади гласа, изјави кандидатот за претседател, Бујар Османи, кој според првичните неофицијални резултати е пред неговиот опонент од албанскиот опозициски блок, Арбен Таравари.
„Оваа победа само докажува дека Европскиот фронт станува една голема локомотива за европската иднина на нашата држава“, рече Османи, додавајќи дека волјата на народот е јасна и треба да се почитува од сите.
Како што додаде, резултатите покажуваат дека се уште имаме поделено општество, притоа нагласувајќи дека Албанците, Турците, Бошњаците, Ромите кажале дека самите одлучуваат за својата иднина и никогаш нема да дозволат некој друг да одлучува за нив.
Приврзаниците на ДУИ вечерва се собраа на плоштадот „Скендербег“ во Скопје за да ја слават објавата на првичните неофицијални резултати од првиот круг.