Uncategorized
Буш бара итна резолуција за Либан, Арапската лига против
Претседателот на САД Џорџ Буш изјави дека ги разбира противењата против француско-американскиот проект за резолуција на Советот за безбедност на ООН за Либан, но, ја истакна желбата тој документ да биде одобрен што е можно најбрзо.
Претседателот на САД Џорџ Буш изјави дека ги разбира противењата против француско-американскиот проект за резолуција на Советот за безбедност на ООН за Либан, но, ја истакна желбата тој документ да биде одобрен што е можно најбрзо.
„Ние ќе соработуваме со нашите партнери, за да ја подготвиме резолуцијата што е можно најбрзо", истакна Буш.
Разбирам дека либанската и израелската страна нема да се согласуваат со сите аспекти на резолуцијата, но, намерата на двете резолуција што се очекуваат подоцна, е да се поддржи либанската влада, додаде американскиот претседател.
Делегација на Арапската лига во Њујорк ќе се обиде да издејствува промена во француско-американската предлог резолуција во СБ на ООН, соопшти либански официјален извор.
Во делегацијата се најавуваат генералниот секретар на Арапската лига Амур Муса и катарскиот министер за надворешни работи, чија држава го претставува арапскиот свет во Советот за безбедност, посочи висок службеник во либанската влада, по вчерашната седница во Бејрут.
/крај/бгнес/ил/б
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.