Uncategorized
Нови судири меѓу талибанците и коалиционите сили во Авганистан
![](https://makfax.com.mk/wp-content/uploads/2016/11/75e6fb1b-70d0-4198-a9e5-9ceaa61d44d5.jpeg)
Најмалку осум Авганистанци загинаа во експлозија и судир што уследи по самоубиствен бомбашки напад врз американски воен конвој во источен Авганистан.
Најмалку осум Авганистанци загинаа во експлозија и судир што уследи по самоубиствен бомбашки напад врз американски воен конвој во источен Авганистан.
Нема извештаи за настрадани на американска страна во инцидентот што се случил денеска во провинцијата Нангархар, пренесуваат агенциите.
Инцидентот предизвика голем протест на кој се собраа стотици авганистански цивили. Демонстрантите фрлаа камења врз локалната полиција и го блокираа целото подрачје во реонот на Џалалабад, кон границата со Пакистан.
Во одвоен инцидент при судир со талибански бунтовници во јужен Авганистан, загинаа двајца војници од коалицијата на НАТО, соопштија официјални извори. Идентитетот на загинатите војници не е соопштен.
Од друга страна, американски официјални извори одбија денеска да изнесат детали за акција од големи размери што изминатите два е изведена во една одалечена енклава во источен Авганистан.
Акцијата во реон на околу 30 километри од границата со Пакистан, наводно, била изведена по сознанија дека е можно таму да се кријат Осама бин Ладен и други лидери на Ал Каеда, пренесуваат американски електронски медиуми.
Американски претставници одбија да ја идентификуваат целта на нападот, наведувајќи, сепак, дека станува збор за „мета од висок приоритет“ Истите извори не ја исклучија можноста цел на нападот да бил Осама бин Ладен, додека авганистански извори наведоа дека тоа можел да биде друг висок лидер на Ал Каеда.
/крај/х/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Uncategorized
Средба на претседателот Африм Гаши со италијанскиот амбасадор Андреа Силвестри
![](https://makfax.com.mk/wp-content/uploads/2024/06/gashi-silvestri2.jpg)
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
![](https://makfax.com.mk/wp-content/uploads/2024/05/црква.jpg)
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
![](https://makfax.com.mk/wp-content/uploads/2024/05/thumbnail_Slika-1.jpg)
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.