Uncategorized
Новата палестинска влада кон крајот на следната недела
Новата палестинска влада на национален спас нема да биде формирана пред крајот на следната недела, соопшти денеска палестинскиот премиер Исмаил Ханија.
Новата палестинска влада на национален спас нема да биде формирана пред крајот на следната недела, соопшти денеска палестинскиот премиер Исмаил Ханија.
„Поради национален интерес, нема да ја прогласиме новата влада до крајот на следната недела“, рече Ханија на состанокот на владата во Газа.
Високи функционери од Хамас, движење од чии редови е премиерот, изјавија дека до застојот дошло при договарањето за нов министер за внатрешни работи.
Станува збор за клучниот владин сектор, со оглед на фактот што министерот ги контролира различните палестински безбедносни сили.
Претходно беше договорено оваа должност да ја преземе лице што не е поврзано ниту со Хамас, ниту, пак, со Фатах.
Лидерите на двете сопернички движења се договорија на 8 февруари на состанокот во Мека да формираат влада на национално единство.
Според нивниот договор, на Хамас би му припаднале девет, на Фатах шест ресори, додека уште шест министерски места ќе пополнат независните кандидати, а четири би именувале останатите палестински фракции.
/крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.