Uncategorized
Берлин го избегна спорниот систем на гласање за уставот на ЕУ
Берлин посочи
седум отворени проблеми за кои ќе се дебатира во рамки на расправата за новиот
европски устав на Самитот на лидери на Европската унија (ЕУ) наредната недела,
но не и системот за гласање, објави
Интернет-сајтот ЕУобсервер.
Берлин посочи
седум отворени проблеми за кои ќе се дебатира во рамки на расправата за новиот
европски устав на Самитот на лидери на Европската унија (ЕУ) наредната недела,
но не и системот за гласање, објави
Интернет-сајтот ЕУобсервер.
Германското
претседателство на Унијата, во документ на шест страници што синоќа им го
испрати на државите-членки наведува дека средбите зад затворени врати
изминатите неколку месеци довеле до заклучок оти “постои општа желба да се
постави ова прашање и да се постигне напредок во врска со него“.
“Сите држави-членки
признаваат дека натамошна неизвесност на уставниот реформски процес би можела
да ја стави на коцка можноста да се спаси Унијата“, се наведува во документот.
Меѓутоа, неколку
прашања и натаму остануваат отворени, спроти, како што се именува, “одредувачкиот“
Самит за преговори за договорот што започнуваат на 21.јуни.
Станува збор за
прашањето на симболите и и двоумењето дали би требало да бидат вклучени, и дали
би требало јасно да се посочи дека законот на ЕУ има примат над националниот
закон.
Спорни се и
“можните терминолошки измени“, употребата на Повелбата за основните права,
“специфичноста“ на заендичката надворешна и безбедносна политика,
“разграничување на меродавноста“ меѓу ЕУ и државите-членки и улогата на
државните Парламенти.
И покрај
забелешките на Полска, прашањето за системот на гласање е изоставено од листата
на прашања што бараат “натамошна расправа“.
Полскиот врв,
неодамна, посочи дека Варшава е подготвена на компромис но не и на “капитулација“ за нејзиното
спротивставување на идниот систем на гласање во ЕУ.
Документот на
Берлин детално посочува три подрачја – структура на идниот договор, рамнотежа
на моќта меѓу државите-членки и Брисел и дополнителни елементи што би можеле да
бидат додадени.
Документот
забележува дека 18 држави што ја ратификуваа спогодбата прифатиле новиот
документ веќе да не се именува како устав и оти неговите елементи се дополнети
со закони за важечки спогодби што се сметаат за “големи отстапки“.
Берлин исто така
верува дека повеќето делегации се подготвени да внесат промени во договорот што
вклучуваат членови за климатските и енергетски промени, но само да тој степен
што нема да подразбираат повеќе моќ за Унијата.
Посочено е и дека
постои предлог да се одреди критериум за проширување на што би се дало “поголем
акцент“ во новиот текст.
Конечно,
германското Претседателство на ЕУ сугерира “враќање на класичниот метод на
промена на договорот“. Ова значи дека ќе се побара од државите-членки да го
усвојат “Реформскиот договор“ дополнет со спогодбите од Мастрихт и Рим, од значително
“поемотивниот“ Устав на ЕУ.
Шефовите на
дипломатии на ЕУ ќе расправаат за документот в сабота, пред Самитот на
политичките лидери закажан за наредниот четврток.
/крај/он/ис
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Средба на претседателот Африм Гаши со италијанскиот амбасадор Андреа Силвестри
Претседателот на Собранието на Република Северна Македонија, Африм Гаши, денеска оствари средба со Андреа Силвестри, амбасадор на Италијанската Репубика во РС Македонија.
Амбасадорот Силвестри му го честиташе изборот на Гаши за претседател на Собранието, како претседател избран со забележителен број гласови, посакувајќи му успешна работа и подвлекувајќи го демократскиот механизам на самиот избор. Притоа, му врачи честитка од претседателот на Италијанскиот сенат, Игнацио ла Русa, со желби за успех во натамошната работа.
Претседателот Гаши го запозна амбасадорот со тековните активности на законодавниот дом, претстојното формирање на комисиите и другите работни тела, и очекувањето за брзо формирање на новата Влада. Истакна дека како одговорен претседател ќе остане отворен за соработка со сите политички партии претставени во Собранието, бидејќи сите треба да работат за доброто на граѓаните и државата во целина. Во контекст на билатералната соработка меѓу двете земји, претседателот истакна дека високо ја вреднува соработката со пријателска Италија, земја силен поддржувач на РС Македонија на евроинтеграцискиот пат.
Амбасадорот Силвестри го информираше претседателот за постојните релации на планот на меѓупарламентарната соработка и изрази надеж дека успешната соработка ќе продолжи и во иднина по формирањето на пратеничката група во Собранието за соработка со Италијанскиот парламент. Беше споменато и неодамнешното одблежување на 30 години од воспоставените дипломатски односи меѓу Италија и Република Северна Македонија, при што амбасадорот му подари примерок од Публикацијата отпечатена по овој повод.
Двајцата соговорници разменија мислења за идната законодавна агенда, фокусот кон евроинтеграцијата на земјата и улогата на Собранието во тој процес, задржувањето на конструктивен и пријателски однос со сите соседи и градење на мостови на соработка со земјите од целот регион.
Uncategorized
Се обиделе да ограбат црква, па го нападнале клисарот: уапсени разбојници во Радовиш
Вчера во 13.30 часот во Радовиш, полициски службеници од Одделението за внатрешни работи Радовиш ги лишиле од слобода С.Р.(37) од Република Хрватска и А.К.(37) од Радовиш.
Тие се сомничат дека околу 07.30 часот од црква во Радовиш се обиделе да одземат пари, а откако биле забележани од клисарот во црквата, А.К. физички го нападнала, а С.Р. му се заканил со остар предмет, по што го напуштиле местото.
Во службен разговор во Полициската станица Радовиш тие го признале делото, по што биле задржани. За настанот бил запознаен јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.
Uncategorized
Мицкоски на средба со австрискиот амбасадор Памер: Идната влада ќе работи на уште позасилена соработка на економско поле помеѓу двете држави
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски денеска оствари средба со австрискиот амбасадор Мартин Памер.
Мицкоски му се заблагодари на Памер за поддршката што Македонија ја добива од Австрија на патот на евроинтеграциите.
Одличните односи помеѓу Македонија и Австрија на економско поле ќе бидат дополнително унапредувани и поттикнувано во наредниот период, истакна Мицкоски.
Воедно, беше потенциран и планот за борбата против корупцијата и криминалот, кои ќе бидат високо на агендата на идната влада.