Uncategorized
Академиците со предупредување на Путин за влијанието на Црквата
Порастот на влијанието на Православната црква во Русија се заканува да
ја загрози секуларноста на државата и е закана за другите официјално признати
вери.
Порастот на влијанието на Православната црква во Русија се заканува да
ја загрози секуларноста на државата и е закана за другите официјално признати
вери.
Ова е предупредувањето од руските
академици, упатено вчера до рускиот претседател Владимир Путин.
„Се повеќе сме загрижени од
јакнењето на улогата на свештениците во руското општество, со мешањето на
црквата во сите сегменти на општествениот живот“, предупредуваат научниците во
отвореното писмо до Путин.
Тие посочуваат дека Православната
црква се повеќе зајакнува по распадот на СССР од 1991. година.
Академиците го критикуваат Путин
заради тоа што отворено ги поддржува активностите на црквата.
Путин, агент на некогашната тајна
полиција на КГБ, која свештениците ги третираше како субверзивни елементи,
денеска се декларира како православен верник и редовно се појавува на
поголемите православни манифестации.
Меѓу потписниците на отвореното
писмо до Путин се двајца добитници на Нобеловата награда за наука – Жорес
Алферов и Виталиј Гинзбург, како и осум влијателни членови на Руската академија
на науките.
/крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Силен земјотрес ја погоди Франција
Франција денеска ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Uncategorized
Сончево и топло со мала до умерена облачност, попладне нестабилно време со пороен дожд и грмежи
Сончево и топло со мала до умерена облачност. Ќе дува слаб до умерен ветер од јужен правец. Попладне наместа, особено во северните делови ќе биде нестабилно со пороен дожд и грмежи, а ќе има и услови за краткотрајно невреме со силен ветер и изолирана појава на град. Минималната температура ќе биде во интервал од 7 до 14, а максималната ќе достигне од 24 до 29 степени.
Во Скопје сончево и топло со мала до умерена облачност. Попладне во делови од котлината ќе биде нестабилно со пороен дожд и грмежи, а ќе има и услови за краткотрајно невреме. Минималната температура ќе се спушти до 10, а максималната ќе достигне до 27 степени.
Во следните денови ќе се задржи топло време, но во попладневните часови наместа ќе биде нестабилно со пороен дожд и грмежи. Локално ќе има услови процесите да бидат поинтензивни во форма на краткотрајно невреме, со силен ветер, интензивен пороен дожд и изолирана појава на град.
Uncategorized
Претежно облачно и посвежо со повремени врнежи од дожд
Времето денеска ќе биде претежно облачно и посвежо со повремени врнежи од дожд. Попладне наместа врнежите ќе бидат пообилни (над 20 л/м2), локално поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Минималната температура ќе биде во интервал од 7 до 15, а максималната ќе достигне од 13 до 19 степени.
Во Скопје претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Минималната температура ќе се спушти до 13, а максималната ќе достигне до 18 степени.
До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.