Контакт

Uncategorized

ДИК: Графолошко вештачење на потписот на жена во избирачко место во Гостивар, ВМРО-ДПМНЕ реагира

Објавено пред

Државната изборна комисија (ДИК) донесе одлука во четвртокот вечерта да се изврши графолошко вештачење воврска со избирачкото место 0396/1 во Гостивар каде според приговорот на Движењето БЕСА, членовите на Избирачкиот одбир утврдиле обид една жена да гласа по вторпат.

dobivaj vesti na viber

Графолошкото вештачење на потписот на жената се бара со цел да се утврди дали таа се обидела да гласа по вторпат или некој друг гласал во нејзино име.

Претседателот на избирачкиот одбор, кој заедно со останатите членови беа сослушани од страна на ДИК, посочи дека кога жената дошла да гласа било утврдено дека таа веќе гласала, односно стоел потпис во графата каде требала да се потпише по што од неа било побарано да се потпише на бел лист хартија со цел да се утврди дали се работи за ист потпис. Откако утврдиле дека се работи за ист потпис, било заклучено дека станува збор за обид да се гласа по вторпат.

Копјата се вкрстија, бидејќи станува збор за преседан и се тврди дека ДИК не е орган во кој може да се врши графолошко вештачење.

Претходно, ДИК ги одби останатите седум приговори поднесени од Беса, а во тек е расправата по приговорите на Коалицијата предводена од СДСМ од кои два се одниеби

Одлуката на Државната изборна комисија за графолошко вештачење на потпис на една граѓанка која наводно не можела да го искористи правото на глас е скандалозна, изјави Никола Тодоров, шефот на изборниот штаб на ВМРО-ДПМНЕ.

„Апелирам до членовите на ДИК уште еднаш да си ја проверат одлуката и да ја корегираат. И покрај тоа што од општинската изборна комисија беше потврдено дека станува збор за жена која се обидела два пати да го искористри правото на глас. Одлуката на ДИК за графолошко вештачење е незапаметена во македонското изборно законодавство. Не смее да се дозволи ДИК да работи спротивно на законските прописи“, рече Тодоров./крај/мф



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized

(Фото) Поранешната мисица по породувањето имала криза: Не сакам да ги разубавувам работите, страшно е

Објавено пред

Поранешната мисица Оливија Кулпо стана мајка во јули оваа година, а сега призна дека поминала низ мала криза на идентитетот по породувањето.

dobivaj vesti na viber

Оливија беше гостинка во подкастот „The Squeeze“ и зборуваше за родителството.

„Тоа е целосна промена. Без разлика дали ви се допаѓа или не, имате некој кој е физички зависен од вас, па нема да ги разубавувам работите. Страшно е“, рече Оливија.

Како што истакна, тоа можеби бил уште поголем шок за неа, со оглед на тоа што е многу амбициозна и пред да стане мајка, беше многу посветена на својата кариера.

И покрај сè, таа не би можела да направи многу без помошта на нејзиниот сопруг, а Оливија не крие дека тој е нејзината најголема поддршка.

„Многу сум благодарна што го имам мојот сопруг. Не би можела да го направам тоа без неговата поддршка, бебето има потреба од мене. Секој ден е различен и се обидувам да се опуштам затоа што времето брзо поминува“, беше искрена таа.

Оливија Кулпо и Кристијан Меккафри се заедно од 2019 година, а се венчаа на интимна церемонија во 2024 година. Моделот претходно ги изрази своите стравувања дали ќе може да основа семејство поради ендометриоза, но добрата вест дојде само девет месеци по свадбата.

фото: принтскрин

Прикажи повеќе...

Uncategorized

Бројот на дронови што упаѓаат во аеродромите низ Европа значително се зголеми

Објавено пред

Голем број беспилотни летала го нарушија воздушниот простор низ Европа во последните недели, предизвикувајќи тревога поради повторените упади со дронови и доведувајќи до затворање на аеродроми и откажување на летови.

dobivaj vesti na viber

Прстот се насочува кон Русија за роевите дронови, иако Москва негира вмешаност, а истражителите сè уште собираат докази.

Кој и да стои зад инцидентите, владите и регулаторите се под притисок да најдат решенија.

Во текот на изминатиот месец, службата за надзор „Енигма“ забележа најмалку 18 сомнителни дронови во Данска, Шведска, Норвешка и Германија.

Многу дронови, иако не сите, се забележани во близина на аеродромите.

Упадите со дронови ги мачат аеродромите како што се „Гетвик“ и „Хитроу“ во Велика Британија повеќе од пет години, но оваа година се забележа значително зголемување на инцидентите.

„Податоците укажуваат на одржлива активност во текот на неколку недели и потенцијално координирани упади во одредени денови“, изјави портпаролот на „Енигма“, без да прецизира.

Дроновите во близина на аеродромите се посебен проблем. Затворањето на аеродромите е скапо и се шири низ целата мрежа на авиокомпании, одложувајќи ги летовите низ Европа.

Уранија Георгуцаку, извршен директор на „Авиокомпании за Европа“ (A4E), изјави дека зголемените инциденти треба да го „забрзаат“ спроведувањето на протоколите за намалување на нарушувањата во „преоптоварениот и фрагментиран европски воздушен простор“.

Протоколите вклучуваат следење, проверка на фреквенцијата и блокирање.

Истражителите и цивилите се борат да идентификуваат какви видови дронови летаат, какви се нивните можности и кој ги контролира. Хаосот создаден од најновата серија инциденти може да биде знак за тактики на хибридно војување, рече Ерик Шутен, извршен директор на консултантската компанија за безбедност „Дајами“.

Неодамнешните инциденти со дронови и други повреди на воздушниот простор покажуваат дека Европа се соочува со хибридно војување на кое мора да се одговори со мерки што одат подалеку од традиционалната одбрана, изјави минатата недела претседателката на Европската комисија, Урсула фон дер Лајен. Таа рече дека целта на Русија е да „сее поделба“ во Европа.

Што е следно?
Германската влада предложи закон што ќе ѝ дозволи на нејзината полиција да соборува дронови доколку е потребно. Овој потег беше поттикнат од неколку дронови забележани околу аеродромот во Минхен претходно овој месец.

Но, распоредувањето ласери и ракети за соборување дронови во цивилниот воздушен простор претставува свои безбедносни предизвици, вклучувајќи го и ризикот од оштетување на цивилни авиони и пошироката инфраструктура.

„Навистина треба да знаете, бидете апсолутно сигурни дека нешто е непријателско. Само тогаш можете да интервенирате“, рече холандскиот експерт за дронови Вибе де Јагер. Тој предупреди дека многу аларми за дронови се покажуваат како лажни аларми.

Експертите велат дека се очекува упадите на дронови да станат почести низ цела Европа. А аеродромите не се единствените цивилни локации што би можеле да бидат ранливи на прекини во работата на дронови. Морските пристаништа, нуклеарните постројки, па дури и затворите, исто така, се цели.

Иако прекините ги истакнаа ранливостите, експертите велат дека најновите упади ќе ги принудат властите подобро да ги координираат контрамерките низ секторите.

„Се надевам дека ова навистина малку ќе ги промени работите“, рече Стијн Вилекенс, извршен директор на Active Drone Security Solutions.

фото: принтскрин

Прикажи повеќе...

Uncategorized

АХВ се вклучи во одбележувањето на 16 Октомври – Светскиот ден на храната

Објавено пред

Со мотото „Рака за рака за подобра храна и подобра иднина“, Агенцијата за храна и ветеринство (АХВ) се придружи на настанот што го организара Организацијата за земјоделство и храна на Обединетите нации – ФАО за одбележување на 16 Октомври –  Светскиот ден на храната.

dobivaj vesti na viber

Во рамките на настанот, кој во организација на ФАО се одржа во скопскиот Градски парк, а беше посветен и на одбележувањето на осумдесетгодишнината од основањето на ООН и ФАО, претставници на АХВ на граѓаните им подели едукативен материјал со совети за безбедна храна – летоци, лифлети и торбички.

ФАО во рамките на Светскиот ден на храната годинава повикува на глобална соработка за создавање мирна, одржлива, просперитетна и безбедна иднина со храна. Со заедничка работа преку владите, организациите, секторите и заедниците активно се работи на трансформирање на земјоделско-прехранбениот сектор во насока на обезбедување услови секој граѓанин да има пристап до здрава исхрана живеејќи во хармонија со планетата.

Агенцијата за храна и ветеринарство и оваа година ја поддржа кампањата на ФАО за одбележување на Светскиот ден на храната истакнувајќи го ставот дека граѓаните во државава јадат безбедна храна. АХВ како институција е дел од синџирот за контрола на безбедноста на храната во земјата од домашно производство и од увоз водејќи сметка таа редовно да се контролира во рамките на редовните и вонредните контроли и многубројните мониторинг-програми, кои се спроведуваат во АХВ, чии досегашни анализи потврдуваат дека македонските граѓани јадат безбедна храна.

Прикажи повеќе...

Најново

Македонија17 минути

„Стевчо Јакимовски да каже како неговото семејство се стекнало со градежни парцели во Жданец и луксузна хациенда во Грција“, прашува ВМРО-ДПМНЕ

„Стевчо Јакимовски, кој постојано зборува за јавниот интерес, треба конечно да објасни како парцели што според деталниот урбанистички план биле...

Свет58 минути

(Видео) Масовен руски напад врз Украина, лансирани дронови и ракети: оштетени се станбени згради

Повеќето украински региони останаа без електрична енергија по уште еден масовен руски напад со ракети и дронови врз цивилна и...

Европа2 часа

Франција го менува законот за силување по случајот со Жизел Пелико

Сенаторите вчера ги одобрија измените во францускиот закон за силување што би вклучувале експлицитна согласност, со што законодавството на земјата...

Свет2 часа

Трамп: Средбата со Кси беше неверојатна

Претседателот на САД, Доналд Трамп, ја опиша денешната средба со кинескиот претседател Кси Џинпинг како неверојатна, пофалувајќи го кинескиот лидер...

Свет3 часа

По 30 години, Трамп нареди тестирање на американско нуклеарно оружје

Пред средбата со кинескиот претседател Кси Џинпинг, американскиот претседател Доналд Трамп му нареди на Министерството за одбрана на САД веднаш...

Свет4 часа

(Видео) Ураганот предизвика огромна штета: премиерот на Јамајка објави снимки од воздух

Бројот на жртви од ураганот Мелиса се зголеми додека минуваше покрај Куба и се движеше кон Бахамите, еден ден откако...

Европа4 часа

Орбан: Европејците сакаат да започнат војна, ние не сакаме да се бориме

Унгарскиот премиер Виктор Орбан најави започнување на антивоена кампања, која ќе биде придружена со мировни собири низ цела Унгарија. „Опасноста...

Свет4 часа

Заврши средбата меѓу Трамп и кинескиот претседател

Американскиот претседател Доналд Трамп разговараше со кинескиот претседател Кси Џинпинг во јужнокорејската воздухопловна база, при што двајцата лидери звучеа оптимистички...

Македонија19 часа

Евроинтеграцијата е дијалог, а не диктат: Сиљановска-Давкова се обрати на Парискиот мировен форум

Претседателката Гордана Сиљановска-Давкова во рамки на учеството на осмиот Париски мировен форум, се обрати на сесијата посветена на младите и...

Македонија20 часа

(Видео) Митева: Јакимовски да објасни како е можно за една година со семејството да стане сопственик на две градежни парцели во најелитниот дел на Карпош, Жданец

„Како е возможно, за период од една календарска година, градоначалникот Јакимовски да се најде во ситуација каде со неговото семејство...

Македонија22 часа

Оставка на Сабахадин Рустеми од „Комунална хигиена“ за да не влијае на истрагата

В.д. директорот на ЈП „Комунална хигиена“ – Скопје, Сабахадин Рустеми, поднесе оставка од функцијата поради морални причини, соопшти неговиот адвокат...

Македонија23 часа

Царината заплени речиси три илјади парчиња стока: облека со потпис на заштитени трговски марки, алкохол, електронски цигари, автоделови

На граничните премини Блаце, Табановце, Богородица и Ново Село царинските службеници и мобилните тимови запленија речиси три илјади парчиња стока,...

Македонија23 часа

Орце Ѓорѓиевски по дебатата со Мециновиќ: Скопјани сакаат дела и резултати

Кандидатот за градоначалник на Град Скопје од ВМРО–ДПМНЕ, Орце Ѓорѓиевски, по синоќешната дебата со опонентот од Левица, Амар Мециновиќ, објави...

Македонија23 часа

Мециновиќ по дебатата: Ова е генерациска борба на непривилегираните

Кандидатот за градоначалник на Град Скопје од Левица, Амар Мециновиќ, по вчерашната прва дебата со неговиот противкандидат од ВМРО-ДПМНЕ, Орце...

Македонија23 часа

Обвинение за смрт на работник: камион паднал во Вардар возејќи на импровизирана патека, возачот останал заробен и починал

Основното јавно обвинителство Кавадарци поднесе Обвинителен акт против еден осомничен од Неготино за тешки дела против општата сигурност од член...

Македонија1 ден

Кривична против поранешен директор, заменик-директор и вработени во Агенцијата за храна и ветеринарство за проневера во службата

СВР Скопје до ОЈО Скопје поднесе кривична пријава против З.А., поранешен директор на Агенцијата за храна и ветеринарство поради сомнение...

Свет1 ден

Орбан е пред голема дилема: Трамп или руска нафта

Унгарскиот премиер Виктор Орбан се наоѓа во незавидна позиција – притиснат помеѓу неговата зависност од руската нафта и притисокот од...

Европа1 ден

Зеленски даде наредба: Украина почнува да извезува оружје

Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство...

Свет1 ден

(Видео) Властите на Јамајка предупредуваат: Внимавајте се од крокодили

Јамајканските власти ги предупредија жителите за уште една опасност предизвикана од разорното уништување од ураганот Мелиса – крокодили кои можеби...

Свет1 ден

Северна Кореја лансира крстосувачки ракети: летаа два часа

Северна Кореја тестираше крстосувачки ракети море-земја западно од Корејскиот Полуостров, објави државната новинска агенција KCNA, токму во време кога американскиот...