Uncategorized
Египет апси за снимање „ранети деца во Алепо“

Египетската полиција уапси припадници на наводна медиумска групација која се подготвувала да објави „репортажа од Алепо“ снимајќи ја во урнатини на дивоградби во египетскиот град Порт Саид, објави министерството за внатрешни работи на Египет, кое на својата веб страница го објавува и сведочењето на девојче и на фотографот.
Египетското министерство за внатрешни работи објави претходно дека полицијата уапсила ма поради снимање деца, и оти тие слики ги поставил на социјалните мрежи наводно како фотографии од урнатини и ранети од сирискиот Алепо. Оваа филмска екипа во која влегувале и помошник на снимателот и родителите на малечките „актери“, се приведени во покраината Порт-Саид.
Тие по кратката истрага признале дека имале намера само да ги стават снимките на интернет со потписот „крвта на децата во Алепо“.
На фотографот му е одредена четиридневен притвор, а другите возрасни членови на „екипата“ се пуштени на слобода со кауција.
Египетските медиуми наведуваат дека последните неколку месеци на социјалните мрежи редовно се појавуваат фотографии и видео снимки наводно направени во разурнатото Алепо. Повеќето од овие материјали се проследени со коментарите дека ги покажуваат „ѕверствата“ што ги прави сириската владина војска врз цивилите и се пренесуваат во западните медиуми, но досега нема потврда за нивната автентичност.
Полицајци случајно биле сведоци на снимањето, кога патролирале покрај остатоците од неодамна по налог на локалните власти урнати дивоградби. Министерството објави дека снимателот се обидувал да го објави или да го продаде материјалот како наводно последица од воените уништуваа и страдања во северниот сириски град Алепо.
На видеото девојчето е прикажано со фустан на кој има црвени дамки и во рацете држи сомотно мече, исто така, со наводно крвави траги. Полицијата објави дека всушност на облеката нема крв, туку црвена боја.
Во сликовитото сведоштво на девојчето коешто го објавува министерството за внатрешни работи на Египет се наведува дека „чичко Мустафа“, кој е на возраст од околу 25 годни, ги ставил учесниците во неговото снимање во автобус и ги однел до напуштена зграда.
„Чичко Мустафа рече дека треба да носам фустан со крв, и тој направи неколку фотографии“. „Тоа на фотографијата е наводно крв од воздушните удари на сириските сили: Во Алепо?“, прашува полицаецот. „Да, но сето тоа е идеја на чичко Мустафа, тој предложи да се направат фотографиите“, заедно одговараат мајката и нејзината ќерка./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.