Забава
Дошла на преглед поради постојан замор, а докторите ѝ рекле дека ќе умре за 72 часа
Кога Дијана Хигман се обратила кај докторите поради постојан замор, се шокирала кога ѝ рекле дека ѝ преостануваат уште 72 часа живот. Оваа самохрана мајка мислела дека е заморна од работата и стресот, но се покажало дека има автоимон хепатитис и дека итно ѝ е потребен нов црн дроб, зошто нејзиниот почнал да се смалува со голема брзина.
Денеска таа има 56 години, а за дијагнозата која ја добила пред 11 години, проговори денеска по повод одбележувањето на неделата посветена на донирање органи.
„Тоа беше пред 11 години. Учев за медицинска сестра, а пред тоа почина татко ми. Постојано бев уморна, но тоа го препишував на стресот. Ми додадоа само 72 часа живот и ме ставија на долга листа на луѓе на кои итно им е потребна трансплатација“ рекла Дијана, пренесе „Сан“.
Набрзо ѝ пронашле нов црн дроб, но веднаш откако ѝ биле направени дополнителни тестови на црниот дроб, се покажало дека е преголема за него.
„Тоа беше страшно за мене, бидејќи ми рекоа дека мојот црн дроб ќе издржи уште само неколку дена“ раскажува Дијана.
Нов орган ѝ нашле веќе следниот ден, но сето тоа психички многу тешко го поднела.
„Не бев оптимист, зошто сфатив дека некој треба да умре за да би можела јас да живеам“ се потсетува таа.
По операцијата на Дијана ѝ било потребно повеќе од една година за да се опорави. Во првите денови не можела да оди, да станува без помош па дури ни да отвори шише млеко.
Со оглед дека пред операцијата била спортски активна, Дијана стравувала дека тие денови се зад неа, но тогаш открила дека постојат Спортски игри на трансплатирани, на кои таа редовно учествува. Освоила седум златни, три сребрени и една бронзена медаља.
Иако новиот црн дроб добро функционира, Дијана и денеска мора да пие лекови и на секои шест месеци оди на прегледи. Таа порача дека засекогаш ќе му биде благодарна на својот донор. „Ми даде најмалку 11 одини живот“ заклучува таа.
Што му се случува на организмот кога коронавирусот ќе влезе во системот?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.