Забава
Животната приказна на најомразената љубовница на светот, која сега стана кралица
Многу аналитичари веруваат дека врската меѓу кралот Чарлс и кралицата Камила е „идеалната љубовна приказна“ уште од првата средба на парот. Таа е љубовта на неговиот живот, како и негова советничка, доверлива со децении, а сега и британска кралица. Откако парот се венчаше во 2005 година, Камила „работeше“ како член на кралското семејство, поддржувајќи го својот сопруг и поддржувајќи добротворни организации кои им помагаат на жените и децата. Сепак, на некои во Британија им е тешко да заборават на долготрајната вонбрачна врска на двојката, која влијаеше да пропадне бракот на Чарлс со миленичката на јавноста – принцезата Дијана.
Љубовен триаголник
Камила Шанд е родена во јули 1947 година, пораснала во англиското село, каде се родила нејзината страст за коњите.
Се школувала во Јужен Кенсингтон и во Швајцарија. Во 1970 година, Камила го запознала тогашниот принц од Велс – Чарлс, на поло натпревар во Виндзор. Не долго после тоа, тие станале пријатели.
Следната година, Чарлс се приклучил на Кралската морнарица и, додека тој бил отсутен, Камила се омажила за офицерот Ендрју Паркер Боулс со кој имала две деца, Том и Лола.
Чарлс се ожени со Лејди Дијана Спенсер во 1981 година, а свадбената церемонија ја следеа милиони ширум светот. Но, во 1994 година, Чарлс призна дека имал афера со Камила.
Следната година Дијана пред медиумите го потврди неверството на нејзиниот сопруг – „Бевме тројца во овој брак, па беше малку гужва“.
Таа додаде дека Чарлс и Камила „отсекогаш биле заљубени“.
Двојката Боулс се разведе во 1995 година, а Чарлс и Дијана следната година. Јавноста имаше повеќе симпатии за Дијана отколку за Камила, а тоа чувство само дополнително се засили по смртта на Дијана во сообраќајна несреќа во Париз во 1997 година.
Таблоидите ја „мразеле“ Камила, пишува Гардијан, а јавното мислење било толку против неа што има информации дека граѓаните фрлале пецива по неа на паркинг.
Меѓутоа, во 1999 година, Кларенс Хаус започна програма за повторно претставување на Камила на јавноста – таа прво се појави со Чарлс надвор од хотелот Риц во Лондон, а набргу потоа се пресели во Кларенс Хаус.
Идната кралица
Шест години подоцна, нивната повеќедецениска љубовна приказна кулминираше со свадба во Виндзор. Камила, која ја доби титулата војвотка од Корнвол, беше потврдена како официјална сопруга на Чарлс и идна кралица на Обединетото Кралство.
Војвотката стана членка на кралското семејство, поддржувајќи го Чарлс на официјалните ангажмани во Обединетото кралство и на прекуокеанските турнеи, и покрај, како што велат медиумите, ставот кој го имала од летање.
„Секогаш е убаво да имаш некој на твоја страна. Таа е огромна поддршка. Големата работа е што многу се смееме, бидејќи таа ја гледа смешната страна на животот, фала му на Бога за тоа“, изјави Чарлс во 2015 година.
Неколку дена пред крунисувањето, синот на Камила, Том Паркер Боулс, проговори за односот помеѓу неговата мајка и неговиот „очув“.
„Не ми е гајле што некој ќе каже. Таа се омажи за личноста што ја сакаше и еве што се случи“, изјави Паркер Боулс.
Камила, исто така, ја дефинираше својата кралска улога, залагајќи се за описменување на децата и поддршка на жртвите на семејно насилство.
За време на посетата на засолниште за жени во Бристол во 2017 година, таа рече дека може да ја искористи својата позиција за да ги истакне маките на „храбрите жени“ кои претрпеле насилство од нивните партнери, а исто така работела на подигање на свеста за остеопорозата, болест која влијаеше и на нејзината мајка и баба.
„Мислам дека направи прекрасни работи за целото прашање на насилството врз жените. Многу сум горд на неа“, изјави еднаш Чарлс.
Професионална баба
Еден од асистентите на Камила изјави за Си-Ен-Ен во 2013 година дека Камила има најголема страст за нејзините внуци – „Таа е професионална баба“, рече тој.
Нејзиниот внук, Бен Елиот, изјави за Vanity Fair во 2022 година дека Камила „го обожава својот сопруг, децата и внуците“ и дека е многу пријателски настроена.
Конечна пресуда
„Најголемата поддршка“ дојде во февруари 2022 година, кога кралицата Елизабета Втора даде благослов за војвотката од Корнвол да биде признаена како кралица кога ќе дојде време.
„Кога мојот син Чарлс ќе стане крал, знам дека на неговата сопруга Камила ќе ја дадете истата поддршка што ми ја дадовте мене. Моја искрена желба е, кога ќе дојде време, Камила да биде препознаена како Консорт на кралицата додека ја продолжува својата лојална служба“, рече кралицата по повод 70-годишнината од нејзиното стапување на британскиот трон.
Со тој потег, аналитичарите рекоа дека Елизабета јавно дала до знаење дека Камила не треба да се гледа како „кралска љубовница“ туку како централна фигура во самото срце на кралското семејство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Се обидоа да му ја уништат свадбата, Викторија се однесуваше несоодветно“, скандалозни обвинувања од најстариот син на Бекамови
Бруклин Бекам, најстариот син на Дејвид Бекам и Викторија Бекам, јавно проговори за расколот што се случува во семејството. Тој истакна дека неговите познати родители се обиделе да му ја саботираат врската со Никола Пелц, вклучително и неговата свадба со моделот што се одржа во 2022 година.
Прво венчаницата
Како што истакнува Бруклин, неговата мајка, познатата дизајнерка Викторија Бекам, не сакала да учествува во креирањето на венчаницата за неговата сакана. Прво, во јавноста се појавија приказни дека Никола наводно го одбила дизајнот на венчаницата што ја направила Викторија и дека поради оваа причина Викторија не сакала да ја продолжи нивната соработка.
Сега Бруклин Бекам одлучи малку да „додаде“ на оваа вистина и истакна дека неговата мајка, всушност, го откажала креирањето на нејзината венчаница во последен момент.
„Мајка ми го откажа креирањето на фустанот на Никола во последен момент, и покрај фактот дека беше возбудена што ќе носи нејзина креација. Ова ја принуди итно да најде нов фустан.“
А потоа првиот танц
Особено тежок дел од неговата исповед се однесува на самата свадба. Неговата мајка, вели тој, го презеде моментот што требаше да биде резервиран исклучиво за него и неговата сопруга.
„Мајка ми го презеде мојот прв танц со сопругата, кој беше планиран со недели однапред со романтична љубовна песна. Пред 500 свадбени гости, Марк Ентони ме повика на сцената, каде што требаше да танцувам со сопругата, но мајка ми ме чекаше таму.
Таа танцуваше со мене на сосема несоодветен начин пред сите.0 Никогаш во животот не сум се чувствувал понепријатно или понижено.
Сакавме да ги обновиме нашите брачни завети за да можеме да создадеме нови спомени на денот на нашата венчавка што ќе донесат радост и среќа, а не вознемиреност и срам.“
Забава
Секогаш го држат семејството заедно: Овие знаци се гласот на разумот и срцето на домот
Во секое семејство има барем една личност која ги поврзува сите членови, се грижи да не се изгуби блискоста и ги потсетува колку се важни споделените моменти.
Според астрологијата, некои хороскопски знаци се речиси природни во оваа улога. Тие се емоционално сидро, глас на разумот и срце на домот. Ова се трите знаци кои најчесто го држат семејството заедно.
Рак
Ракот е синоним за семејство, дом и емоционална безбедност. Неговата потреба сите да се чувствуваат сакани и заштитени го прави главен „чувар“ на семејните односи.
Зодијачките Ракови се сеќаваат на важни датуми, охрабруваат собири и секогаш се први што се јавуваат кога ќе почувствуваат дека некој се оддалечил. За нив, семејството е свето, а емоционалната поврзаност е поважна од сè.
Бик
Бикот е столб на стабилност на кој секој може да се потпре. Можеби не е најгласен или најемотивен, но неговото присуство дава чувство на сигурност и континуитет.
Хороскопските знаци Бик често ја преземаат улогата на оние кои организираат семејни вечери, се грижат за традициите и се придржуваат до вредностите што ги поврзуваат генерациите.
Кога станува збор за семејството, Биковите се секогаш тука, сигурни, трпеливи и непоколебливи.
Вага
Вагите се родени миротворци, а оваа особина е особено очигледна во семејните односи. Тие имаат природен талент за смирување на тензиите, наоѓање компромиси и создавање пријатна атмосфера во која сите се чувствуваат почитувани.
Во семејството, хороскопските знаци Вага често ја преземаат улогата на медијатор. Тие слушаат, разбираат и се обидуваат да ги избалансираат различните гледишта. Тие не можат да поднесат несогласување меѓу оние што им се најблиски и ќе направат сè за да го одржат мирот.
Покрај тоа, Вагите многу го ценат заедништвото и се обидуваат да одржуваат блиски односи со сите членови на семејството, без оглед на разликите.
Забава
(Фото) Кој беше првиот дечко на Меланија Трамп? Љубовната врска ја прекина војската и тие никогаш повеќе не се видоа
Првата дама на Америка, Меланија Трамп, е вистинска модна инспирација на секој јавен настан, но нејзиниот приватен живот е исто така доста интересен за медиумите, особено периодот пред да го запознае Доналд Трамп.
Иако нема многу информации за тоа, има написи за првото момче на Меланија Трамп од нејзините средношколски денови додека живеела во Словенија.
Познати се само неколку информации за нејзиното наводно прво момче, Питер Бутолн, кој сега е новинар. Како што самиот еднаш им кажа на медиумите, Меланија веднаш го освоила со својата убавина, а тој прв ѝ пристапил.
Hey, all's fair, right? Seat Melania's VERY handsome and trim former BF Peter Butoln front & center. pic.twitter.com/okow6woNyk
— @yo_chub (@yo_chub) March 12, 2024
„Таа беше мојата прва љубов, секогаш беше најубавото девојче. Меланија секогаш беше скромна, тивка и мирна“, рече тој во интервју за Inside Edition.
Нивната врска заврши кога Бутолн отиде во војска во 1987 година и тие никогаш повеќе не се видоа. Меланија наводно му испратила разгледница што тој сè уште ја чува, а потоа отпатувала во Њујорк, каде што го запознала Доналд Трамп во 1998 година.
Интересно е што Меланија никогаш јавно не зборувала за својот љубовен живот пред Трамп, а нејзиниот тим изјави дека Бутолн никогаш не бил нејзин дечко.
(Видео) СДСМ обвини дека „Алфа“ не е само медиум туку политички проект: „Како и во времето на Груевски, повторно функционира како центар за црни кампањи“
Денеска, членот на Извршниот одбор на СДСМ, Јон Фрчкоски, на прес-конференција објави ново разоткривање на Антикорупцискиот тим – АКТ. Тој...
Лавров: Гренланд не е природен дел од Данска
Рускиот министер за надворешни работи, Сергеј Лавров, го коментираше конфликтот меѓу САД и Европа околу иднината на Гренланд, доведувајќи го...
Сакале насилно да влезат во затворена гостилница па го истепале сопственикот: 30-дневен притвор за двајца осомничени
Основното јавно обвинителство Куманово донесе Наредба за спроведување истражна постапка против две лица за кои постои основано сомнение дека заеднички...
Трамп објави фотографија и порача: Мора да го добиеме Гренланд
Американскиот претседател Доналд Трамп го повтори своето барање да ја преземе контролата врз Гренланд, автономна данска територија. Зборувајќи со новинарите...
(Видео) Снежна бура во САД: верижен судир на повеќе од 100 возила
Повеќе од 100 возила се судрија или излетаа од меѓудржавен пат во Мичиген, САД, во снежна бура. Полицијата објави дека...
Данска со предупредување за одбраната на Гренланд: Воен конфликт со САД е реална можност
Копенхаген предупреди дека евентуалниот обид на САД да ја преземат контролата врз Гренланд со сила би довел до директен воен...
Поранешен советник на Трамп: Гренланд ќе остане Гренланд
Доналд Трамп нема да може да го принуди Гренланд да биде продаден на САД, изјави за Би-би-си поранешен висок советник...
(Видео) Русија го нападна Киев: делови од градот останаа без греење во студена ноќ
Русија ги нападна Киев и другите украински градови преку ноќ со балистички ракети и беспилотни летала, додека земјата се бори...
120 членови на Исламска држава избегаа од затвор во Сирија
Сирискиот министер за внатрешни работи изјави дека околу 120 припадници на Исламска држава избегале од затвор во градот Шадади, откако...
Австралија затвора десетици плажи поради напади од ајкули
Десетици плажи долж источниот брег на Австралија, вклучувајќи го и Сиднеј, се затворени по четири напади од ајкули во последните...
Заменик министерот за образование поднесе оставка
Заменик министерот за образование, Лулзим Алиу, поднесе оставка. Тој вели дека сака да се посвети на неговата истражувачко – научна...
(Видео) Филипче: Жалам што дел од партиите легитимираа корумпирана и изолирана власт на лидерска средба
Претседателот на СДСМ, Венко Филипче, одговарајќи на новинарско прашање, истакна дека разговорите со Али Ахмети биле во врска со локалната...
Николоски од Охрид: Засилено работиме на завршување на автопатот Охрид – Кичево
Интензивно работиме на завршување на автопатот Охрид-Кичево. Користиме совремеми техники за да ги стабилизираме косините. Од 16, веќе 14 косини...
Утре почнува тестирањето на камерите, на неколку локации во Скопје сообраќајот ќе биде запрен
Министерството за внатрешни работи ги известува граѓаните дека во рамки на проектот „Безбеден град“, во периодот од 20.01.(вторник) до 31.01.(сабота)...
(Видео) Вагоните преполовени, објавена снимка од воздух од железничката несреќа во Шпанија
Местото на несреќата каде вчера вечер се судрија два воза во Шпанија е снимено од хеликоптер утрово. Цивилната гарда продолжува...
Трамп испрати скандалозно писмо до Норвежаните: Нема Нобел? Тогаш заборавете на мирот
Претседателот на САД, Доналд Трамп, испрати скандалозно писмо до норвешкиот премиер Јонас Гар Сторе, објавуваат сите водечки норвешки медиуми, во...
Заев и Филипче се обиделе да му ја превземат приватната болница на др. Жан Митрев, институциите молчеле, обвини ВМРО-ДПМНЕ
Заев и Филипче додека се обидувале да му ја превземат болницата на др. Жан Митрев, ја претвориле Македонија во рекетарска...
Трамп: Данска не успеа да ја отстрани руската закана од Гренланд, време е да се направи тоа
Претседателот на САД, Доналд Трамп, изјави дека Данска не успеала да направи ништо за да ја отстрани „руската закана“ од...
Внук осомничен за обид за убиство на сопствената баба
Основното јавно обвинителство Битола донесе наредба за спроведување истражна постапка против 28-годишник за кого постои основано сомнение дека се обидел...
(Видео) Најмалку 39 загинати во судир на два воза во Шпанија
Во судир меѓу два брзи воза во Адамуз, во близина на Кордоба, Шпанија, загинаа најмалку 39 лица, а повеќе од...
