Забава
Ирина Шајк на почетокот на врската со Бредли Купер: Ми треба верен маж
Ирина Шајк и Бредли Купер станаа двојка во 2015 година, откако таа ја прекина долгогодишната љубовна врска со Кристијано Роналдо. Двајцата веднаш беа прогласени за едни од најубавите двојки во светот, а Ирина набрзо и прозборе јавно за врската, иако не сака да дели детаљи од интимниот живот со светската јавност.
Манекенката тогаш признала дека е пресреќна со Бредли и дека покрај Кристијано Роналдо постојано се чувствувала несигурно и мислела дека е грда.
„Мојот идеален маж е оној кој е верен. Мора да биде искрен и вистински господин кој знае да се однесува кон жените. Не верувам во оние мажи кои не прават несреќни зошто тие се момчиња, а не вистински мажи. Иако мислев дека го пронајдов својот идеален маж, испадна сосема поинаку. Кога жената покрај себе има погрешен маж, се чувствува грдо, а јас се чувствував грда и несигурна. Двајца луѓе во врска треба да делат исти вредности и животни погледи, и да веруваат во моногамија“ рекла на почетокот на врската со Бредли.
Двојката во изминатите четири години ретко се појавува заедно на настани, а се и една од двојките кои не објавуваат заеднички фотографии на Инстаграм. Пред две години им се роди ќерката Леа, но родителите ја кријат од очите на јавноста.
Според информациите, Ирина бескрајно му верува на Бредли и ги игнорира гласините дека Лејди Гага ѝ го презела нејзиниот „фраер“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.