Забава
Објавен е трејлерот за новиот акционен филм со Сталоне, фановите коментираат: „Овој човек не запира“

Lionsgate Movies го објави трејлерот за акциониот трилер Armor, во режија на Џастин Рут и со Силвестер Сталоне во главната улога. Во овој филм, Сталоне се враќа во акциониот жанр и го игра главниот негативец кој планира голем грабеж.
Главните ликови на акциониот трилер се татко и син, Џејмс (Џејсон Патрик) и Кејси (Џош Вигинс), кои работат за безбедносна служба и превезуваат пратка за која не знаат ништо. Тие се нападнати од искусен тим на ограбувачи предводени од Сталоне, кој мисли дека ова ќе биде уште една лесна работа по сите оние што ги направиле претходно. Сепак, грабежот на оклопното возило не оди лесно, а Џејмс и Кејси остануваат заробени додека не ја откријат вредноста на она што го превезуваат и не решат да се здружат за да ги надмудрат напаѓачите.
Во филмот играат и Деш Михок, Џејсон Патрик, Лејни Стибинг, Ерин Оунбеј, Џеф Чејс и други ѕвезди. Сценариото го напишаа Кори Тод Хјуз и Адријан Спекерт.
Откако Lionsgate го објави трејлерот за филмот, тој не доби премногу добри критики. Многумина истакнаа дека веќе претпоставуваат како ќе заврши филмот, но дека сепак ќе го гледаат поради Силвестер Сталоне.
„Гледам дека пишува Сталоне, па ќе го гледам“, „Веќе гледам дека филмот е глупост, но акцијата со Сталоне не се пропушта“, „Само земете во предвид дека Сталоне има 78 години и сè уште снима филмови вака“, „Овој човек не запира“, „Мислам дека со оглед на годините и сите други филмови што ги има снимено, заслужува да го гледа и овој филм“, се дел од коментарите на гледачите под објавен трејлер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Триесетгодишна девојка раскажа зошто одлучила да остане сама, нејзиното видео стана вирално

Тиктокерката Пат М., 31-годишна милениумка од Чикаго, предизвика многу дискусии на социјалната мрежа кога ја сподели причината зошто одлучила да остане сама.
И додека на социјалните мрежи често се романтизира идејата дека некој треба да биде во врска до триесеттите години, Пет, која работи во корпоративниот сектор, решила да се фокусира на себе. Нејзината објава од 22 јануари, во која таа појасни дека нејзината одлука нема никаква врска со пребирливоста, туку со промена на фокусот од нејзиниот љубовен живот кон личен развој, досега е прегледана повеќе од 721.000 пати и „лајкувана“ повеќе од 103.000 пати.
На видеото Пет седи во автомобил и искрено зборува пред камерата за неодамнешниот разговор со татко ѝ (63), кој ја прашал дали станува препребирлива во љубовта со годините.
@patoxplomo Being single is not a problem 🫶🏽 it’s a gift right now #fyp #fypage #fypシ #foryoupage #relatable #dating #single #relationship ♬ growth – Gede Yudis
„Имам 31 година и решив да останам сама засега. Имам стандарди, а тие не се високи. Не барам ништо од маж што не можам сама да си го обезбедам“, објаснила таа.
Нејзиното видео силно одекна, особено меѓу жените, бидејќи Пат нагласила колку вложила во сопствениот емотивен развој преку психотерапија и едукација и дека очекува тоа да го направи и потенцијалниот партнер.
„Со години се образовав, градев кариера и се развивав, а сето тоа во свет во кој како жена на почетокот сум во неповолна положба. Ако вие како маж веќе почнувате со предност, тогаш нема оправдување зошто не можете барем да бидете на исто ниво како мене“, вели таа.
Коментарите бргу почнаа да се појавуваат, при што многу жени споделуваа свои искуства и поддршка.
„Познавам успешни жени во четириесеттите, кои сè уште го кажуваат истото тоа“, „Бев сама речиси цела триесетта! Од 30 до 38. Сродната душа ја запознав на 38, се оженив на 39 и добив дете една недела откога наполнив 41 година. Не задоволувај се со помалку! Знај си ја вредноста!“, ѝ напишаа.
„Жените растат на прекрасни начини и јас сум среќна што сум дел од тоа“, заклучи Пат.
Забава
Вилијам и Кејт ја слават 14-годишнината од бракот во Шкотска

Британскиот принц Вилијам и неговата сопруга Кејт денеска патуваат во Шкотска, каде што ќе ја прослават 14-годишнината од бракот и ќе го направат најзначајното заедно патување оваа година.
Престолонаследникот Вилијам се ожени со Кејт Мидлтон на 29 април 2011 година во Вестминстерската опатија на церемонија што ја следеа милиони луѓе од целиот свет.
Тие се запознале десет години порано кога и двајцата биле студенти на Универзитетот „Сент Ендрјус“ на источниот брег на Шкотска.
Принцот и принцезата од Велс се враќаат во Шкотска како дел од официјалната дводневна посета на островите Мул и Јона, кои се дел од архипелагот Хебрид во близина на западниот брег.
Тие ќе ги посетат пазарот, производителите на храна и центрите на заедницата на островите со цел да се запознаат со важноста од зачувување на природната средина, соопшти нивниот кабинет.
По службените обврски, годишнината ќе ја поминат во мала изолирана куќа на островот Мал, позната по драматичните и прекрасни пејзажи, објавија британските медиуми.
Патувањето е ретко заедничко појавување на парот откога Кејт почна со превентивна хемотерапија за ракот, кој сега е во ремисија.
„Шкотска ми е неверојатно важна и секогаш ќе има посебно место во моето срце“, изјави Вилијам, кој ја носи титулата господар на шкотските острови.
Забава
На Евровизија годинава ќе може да се вее палестинското, a знамето на ЛГБТ-заедницата e забрането

Европската радиодифузна унија (ЕБУ) усвои нови правила во пресрет на годинешниот Избор за песна за Евровизија. Според изменетите прописи, публиката годинава ќе смее да вее палестински знамиња, што минатата година предизвика политички полемики.
Но, тоа не е сè – тие ги забранија и сите ЛГБТК+ знамиња, што налути многу активисти. Затоа на изведувачите оваа година ќе им биде дозволено да ги носат само знамињата на земјите што ги претставуваат на сцената.
Забраната за носење знамиња за изведувачите ќе се применува на сцената, во фан-зоната, во зелената соба и на официјалните површини, каде што натпреварувачите ги чекаат резултатите. Групите за права на ЛГБТК+ веќе ја критикуваа одлуката тврдејќи дека знамето на виножитото претставува личен идентитет наместо политичка изјава.
Швајцарскот победник Немо минатата година носеше небинарно жолто-бело-виолетово знаме за време на парадата на знамето. На еден од панелите по победата рече дека морале да го прошверцуваат оти организаторите им го забраниле споменатото знаме. Неколку фанови се обидоа со тоа во публиката, но обезбедувањето ги натера да ги фрлат знамињата пред да влезат во салата.
Оваа година на Евровизија ќе учествуваат неколку изведувачи кои припаѓаат на ЛГБТК+ заедницата. Меѓу нив се Миријана Конте (Малта), Џеј Џеј (Австрија), Ерика Викман (Финска), како и хрватскиот претставник Марко Бошњак.