Забава
Путин ѝ забрани на ќерката да патува во странство, се плаши дека нема да се врати во Русија
Рускиот претседател Владимир Путин ја спречил ќерка си да отпатува во странство, каде сакала да го прослави роденденот, пренесува „Дејли мејл“. Ова, наводно, го направил од страв дека таа нема да се врати во Русија.
Научничката доктор Марија Воронцова сакала да лета во пријателска земја на тропска плажа за да го одбележи својот 37. роденден следната недела. Таа го планирала романтичното бегство со партнерот Евгениј Нагорни (33), со кого е во врска по распадот на нејзиниот брак, според General SVR Telegram, кој тврди дека има внатрешни информации од Кремљ.
„Путин одговори со категорично одбивање и ги засили заштитните мерки за Марија“, тврди рускиот портал.
„Според нашите информации, најстарата ќерка на претседателот не планирала да се врати во Русија.“
Марија – која беше санкционирана од западните земји поради нејзините семејни врски со Путин – има осумгодишен син (полухоланѓанец) од бракот со нејзиниот поранешен сопруг Јорит Фасен.
Инаку, Марија е најстарата ќерка на Путин што ја доби со поранешната сопруга Људмила. Таа е една од санкционираните руски државјани поради семејната поврзаност со Путин. Сега не ѝ е дозволено да патува во повеќето западни земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.