Забава
„Тик-ток“ најпопуларна мрежа на интернет
„Тик-ток“ е најпреземаната (даунлодирана) и најчесто користената апликација досега, по неа следуваат „Инстаграм“, „Фејсбук“ и „Ватсап“.
„Тик-ток“ има над 1,6 милијарда корисници во над 160 земји, а преземен е над 220 милиони пати само во САД, покажува новата статистика ажурирана во август.
Бројот на корисници на глобално ниво, од кои 1,1 милијарда се месечни активни корисници од 2023 година, ја покажува популарноста на оваа платформа за споделување видео.
„Тик-ток“ го доби својот милијардити корисник во 2021 година, четири години по глобалното лансирање, половина од времето што им требаше на „Фејсбук“, „Јутјуб“ или „Истаграм“ и три години побргу од „Ватсап“.
Минатата година аналитичарите на data.ai ја ревидираа прогнозата дека „Тик-ток“ ќе достигне 1,5 милијарда месечни активни корисници откога нивната анализа откри дека оваа апликација ја надминала таа пресвртница за 100 милиони корисници во првите три месеци.
Платформата за споделување видео веќе ги надмина поголемите социјални мрежи, како „Инстаграм“ и „Фејсбук“, благодарение на својата забавна, креативна природа и сегментацијата кон помладата публика.
Според познавачите, доволно е некое време активно да ја користите оваа платформа и да размислите како се чувствувате по побарувањето низ неа.
Социјалните мрежи го менуваат начинот на кој размислуваат луѓето речиси две децении. Поради нив, светот на новинарството се промени засекогаш – медиумите веќе не може да одлучуваат што ќе мислат луѓето, иако тие сè уште, барем засега, имаат моќ да наметнат агенда, односно за што ќе размислуваат луѓето.
Луѓето повеќе не им веруваат на медиумите како пред да настанувањето на интернетот. За да креираат мислење или став за некоја тема, доволно е да ја инсталираат социјалната мрежа што најмногу им одговара и да најдат истомисленици или коментатори со кои може да се споредат.
Доколку се направи споредба меѓу „Фејсбук“, „Твитер“ или новата, најбргурастечка платформа во историјата – „Тредс“, овие се текстуални апликации, кои имаат премногу политика, а од политика боли желудникот.
Новите истражувања прават компарација меѓу двете најпопуларни мрежи: „Инстаграм“ и „Тик-ток“.
„Тик-ток“ почна во 2016 година. Платформата веднаш стана популарна во светот импресионирајќи ја т.н. генерација Z (активни креатори на содржини на социјалните медиуми). Оваа апликација, всушност, стана победник штом понуди куси видеосодржини, кои предизвикуваат зависност.
Она на што најмногу се гордее „Тик-ток“ – секој може да стане вирален за само неколку минути, а тоа најмногу го сака просечниот корисник на социјалните мрежи. Глобалната популарност може да се припише на природата на платформата – предизвикува зависност.
Алгоритмот препорачува персонализирана содржина врз основа на преференциите на корисниците создавајќи бесконечен прилив на интересни видеа за истражување. Разновидната содржина – комични скечеви, предизвици за танцување, рецепти за готвење, филмови – привлекува широка публика.
Алгоритмот и кусите видеа се причините поради кои корисниците остануваат подолго.
Анализата на американскиот истражувачки центар „Пју“ (Pew Research Center) покажа дека процентот на тинејџери кои рекле дека се на „Тик-ток“ речиси постојано е 50 % поголем од оние што го кажале истото тоа за „Инстаграм“.
За секого има по нешто и секој има можност преку ноќ да стане ѕвезда и да стекне голем број следачи. За разлика од „Инстаграм“, на корисниците на „Тик-ток“, за да станат популарни, не им треба добро тело, убаво лице, совршена гардероба, луксузни патувања или заднина во бојата на годишните времиња.
За популарност, веќе не е неопходно да се биде докажан „инфлуенсер“, доволно е само да се има смисла за хумор или заеднички интереси со други луѓе.
„Инстаграм“ за некои луѓе стана смислата на животот. Совршените фотографии на кои изгледаат совршено и се чини дека имаат совршен живот создадоа илузии и нереални очекувања. Вредноста се мереше со бројот на „лајкови“ и следачи. Во лето заднините се сини… сите одат на плажа и имаат добри тела во костими за капење. Во зима заднините се бели… сите знаат да скијаат и одат на зимски одмор. А во реалноста – речиси никој не изгледа како на „Инстаграм“.
Она што освои многумина кај „Тик-ток“ е поддршката што корисниците ја искажуваат едни кон други. Убавите „инфлуенсери“ покажуваат акни на лицето без филтри и ја опишуваат нивната борба со килограмите. Моделите откриваат како изгледаат кога не се нашминкани за модна писта.
Луѓето ги ценат хуморот, креативноста, автентичноста и поддршката. Луѓето ги ценат луѓето, а не некои совршени личности со совршен живот. Никој нема совршен живот, а „Тик-ток“ тоа секојдневно го покажува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Дневен хороскоп за недела
Овен
Во следните неколку дена од вас се бара многу повеќе отколку што сте навикнати и тоа е она што е многу стресно за вас. Обидете се да одложувате разни обврски за да бидете најквалитетни за себе заради вашето здравје.
Бик
Ситуацијата во кругот на семејството е стабилизирана благодарение на вашата желба да се запознаете со сите и да им помогнете на сите. Бидете свесни за можните парични проблеми што може да ги имате поради други луѓе или други неисполнување на роковите.
Близнаци
Денес ќе бидете опкружени со луѓе од кои можете многу да научите, а тоа особено се однесува на деловните односи со странство. Личноста под знакот Лав ви е многу благодарна во однос на работните и деловните обврски.
Рак
Пазете се од ненадејни промени кога се во прашање други луѓе и кога се работи за ситуацијата во кругот на семејството. Не е доволно привлечно постојано да се посветувате на сите, но важно е да го задржите мирот и стабилноста. Здравјето е одлично.
Лав
Во следните неколку дена од вас се очекува многу повеќе од обичен работен ден. Сè ќе биде во ред на крајот на денот, но ќе се чувствувате како да сте премногу загрижени таму каде што можеби не треба. Пазете се од настинки.
Девица
Во овој период најважно е да се посветите на се што е важно за да ги завршите деловните ситуации по потреба. Личноста под знакот Водолија ви дава можност да напредувате во бизнисот, но тоа не ви е важно.
Вага
Љубовните врски многу ве нервираат, особено кога се работи за љубовни договори. Партнерот има многу повеќе желба од вас и тоа можете да го чувствувате секој ден. Деловно, задоволни сте со себе и од вашите планови и програми.
Шкорпија
Тврдоглавото однесување на партнерот многу ве нервира и нема да можете да се посветите на се што сте планирале во следните неколку дена. Сето ова ве одвлекува од непотребните работи. Здравјето е одлично.
Стрелец
Се однесувате тврдоглаво кога се во прашање односите со партнерот и членовите на семејството. Сето ова има негативно влијание врз вашата личност и како се чувствувате. Пазете се од наглите промени на расположението кај партнерот. Главоболка.
Јарец
Пазете се од двојни стандарди кога станува збор за вашата врска со пријателите бидејќи таа ќе се повторува некое време во вашиот живот. Во следните неколку дена зависи од вас како ќе се одвиваат работите кои некое време сте ги запоставувале.
Водолија
Во следните неколку дена ќе бидете под силен впечаток на личност под знакот Јарец која е одлична деловна поддршка и инспирација. Свртете се кон себе многу повеќе од другите затоа што конечно го заслужувате тоа, особено поради вашата деловна ситуација.
Риби
Во овој период најважно е да се свртите кон себе и кон вашите планови бидејќи тоа може да биде само поттик и поддршка. Љубовната ситуација е многу комплицирана и напната бидејќи партнерот е многу посветен на се што ви се случува.
Забава
Дневен хороскоп
ОВЕН
Денот е поволен за нов професионален почеток, иако комуникацијата е тешка. Одложете ги планираните разговори кои ќе ви донесат разочарувања. Дозволете си да испраите барање до странски компании за идна деловна соработка.
БИК
Од утрото подгответе се за неочекувани промени, коишто без разлика дали се добри или лоши ви носат полза. Плаќањето што со нетрпение го очекувавте ќе биде одложено. Бидете благодарни за помошта што ја добивате од вашите колеги. Денот е добар за разговор со претпоставените и државни организации доколку ви е потребна нивна помош или интервенција.
БЛИЗНАЦИ
Не очекувајте ги денеска парите што се надевавте да ги добиете пред неколку дена. Ако се занимавате со трговија, гарантирате профит. Заштедете го она што сте го заработиле, бидејќи наскоро ќе ви треба. Комуникацијата на овој ден ви носи и успех. Добро ви оди на работното место, доколку не го трошите времето во бескорисни разговори.
РАК
Имате можност да им докажете на колегите дека сте незаменливи во надминувањето на тешкотиите на работното место. Лесно комуницирате и со вашите непријатели. Контролирајте ги емоциите за да се поштедите од неволјата предизвикана од вашиот остар јазик. Успехот ќе ве следи доколку сте трпеливи и тактични и не иронизирате во врска со луѓето кои ве опкружуваат.
ЛАВ
Направете успешен нов почеток на вашето работно место. Имате можност да ги завршите старите задачи чии рокови одамна сте ги пропуштиле и да ја вратите довербата од претпоставените. Не се расправајте со колегите. Зафатете се со вашите нови работни обврски и премолчувајте ако се обидат да ве налутат.
ДЕВИЦА
Одржете ги планираните состаноци и деловни разговори, без разлика дали ви се допаѓаат луѓето што ги очекувате. До пладне, подгответе се да ги разјасните проблематичните деловни односи. Успехот е со вас. Не го трошете залудно. Доброто расположение ви ја зајакнува желбата за активна и профитабилна работа. Бидете вредни на работнот место и не ги занемарувајте обврските.
ВАГА
Имате тенденција да ги драматизирате разговорите поврзани со вашите неуспеси. Подобро прифтете ги како уште една научена лекција. Тие ви дадоа искуство и се отскочна даска за нови височини. Тешкотиите на вашето работно место не се поврзани со вашите постапки. Не се лутете поради туѓите грешки и не им подавајте рака на колегите кои нема да го ценат вашиот гест. Избегнувајте критизерски забелешки.
ШКОРПИЈА
Ви претстои поволен ден, кој ви овозможува да размислите, а доколку веќе сте го направиле тоа, успешно да започнете нови активности. Ќе комуницирате со многу луѓе. Не ви советуваме да ги разјаснувате деловните односи. На вашето работно место можете да се справите со обврските само ако сте упорни и работите со трпение.
СТРЕЛЕЦ
Не патувајте. Не ризикувајте и не преоптоварувајте се со физичка работа. Можни се проблеми поради вашето одбивање да се занимавате со нерешените имотни прашања. Среќата не е со вас денеска. Запомнете дека имате тенденција да им верувате на нечесни луѓе, на коишто нетпретпазливо им дозволувате да ви се доближат.
ЈАРЕЦ
Одложете го патувањето, доколку тоа ви пречи на директните работни обврски. Не ризикувајте поради понудите на вашите познаници, кои ви ветуваат чуда без напор, а кои никако не можат да се остварат. Со агресивност и тврдоглавост не можете да се наметнете и да постигнете добри резултати на вашето работно место. Бидете трпеливи.
ВОДОЛИЈА
Денот ви е исполнет со промени. Запознајте се со вашите деловни партнери и разговарајте за вашите нови идеи, чија реализација ја предвидувате за крајот на месецот. Почнете да размислувате за нивно спроведување, но без да инвестирате големи средства. Не го наметнувајте своето мислење со агресивност. Смирениот тон ќе остави посилен впечаток.
РИБИ
Успехот ќе ве следи денеска, најмногу на работното место. Вашите задачи бараат трпение, но со задоволство ги реазлизирате бидејќи знаете каков приход ви гарантираат. Очекувајте и дополнителни приходи на вашата банкарска сметка. Сите се импресионирани од вашата трудољубивост. Очекувајте вести за покачување, кои ќе ве изненадат во вистински момент.
Забава
Три хороскопски знаци кои победуваат во секоја расправија
Расправиите може да бараат многу, но некои луѓе имаат тајна супермоќ да извлечат победа речиси секој пат кога ќе се најдат во вербален дуел. Ако некогаш сте се нашле на другата страна на расправијата со некој од овие хороскопски знаци, веројатно знаете како е да се чувствувате како да сте во рингот со професионалец. Луѓето родени под овие хороскопски знаци победуваат на секоја расправија.
Вага
Вагите се познати по нивната способност да ги видат двете страни на секоја приказна, што ги прави исклучително убедливи во дебатите. Нивниот дипломатски пристап и смирен тон често може да го смират противникот пред работите да се загреат премногу. Вагите се мајстори за наоѓање компромиси и нагласување на општото добро, што ги прави тешки противници во секоја расправија.
Шкорпија
Кога една Шкорпија ќе влезе во дискусија, можете да бидете сигурни дека нивните аргументи се поткрепени со факти и темелно истражени. Нивната страст и интензитет можат да бидат застрашувачки, но токму оваа емоционална длабочина им дава сила во убедувањето.
Шкорпиите нема да се откажат додека не докажат дека се во право, често користејќи импресивно знаење и психолошка перспектива за да ги откријат слабостите во аргументите на нивните противници.
Близнаци
Близнаците се вистински виртуози на зборови и лесно можат да се прилагодат на секоја дискусија, благодарение на нивната исклучителна способност за брзо размислување. Нивната умешност во комуникацијата им овозможува наеднаш да ги менуваат тактиките или темите, често збунувајќи ги противниците и водејќи ја дебатата во неочекуван правец.
Близнаците се одлични и во читањето на другите луѓе, што им овозможува прецизно да ги насочат аргументите кои најмногу ќе одекнат.