Забава
Храна што ја засилува желбата за секс
Научниците и нутриционистите ги истражиле својствата на многу намирници за кои се верува дека го зголемуваат либидото, и направиле попис на прехранбените производи што се покажале заслужни да го носат името афродизијак
Остриги, чоколадо, кофеин, вино и лути пиперчиња – ова се само некои од хранливите продукти што влијаат поттикнувачки на желбата за секс. Оние што веруваат во моќта на афродизијаците тврдат дека некои видови храна, пијалаци, лекови, треви и ароми можат значително да ја зголемат сексуалната возбуда и самата желба, но, некои сметаат дека тие верувања се само митови или погрешни сфаќања.Во морето од производи што носат ознака афродизијак тешко е да се разграничи кои навистина помагаат, а кои предизвикуваат само пласибо-ефект. Научниците и нутриционистите ги истражиле својствата на многу намирници за кои се верува дека го зголемуваат либидото, и направиле попис на прехранбените производи што се покажале заслужни да го носат името афродизијак.КофеинБез разлика дали е во кафе, чај, газиран пијалак или во чоколадо, кофеинот до одредена граница помага во одржувањето на вашиот „мотор“. Американските научници дошле до заклучок дека двојките што имаат 60 или повеќе години и кои секојдневно пијат кафе се сексуално поактивни од оне што го избегнуваат. Дека не станува збор само за нијанси зборуваат бројките – луѓето што пијат кафе биле 62 отсто поактивни.
ЧоколадоОсвен што содржи кофеин, во чоколадото има и состојки за кои се верува дека ги подобруваат „перформансите“ во креветот. Популарниот десерт, меѓу другото, содржи и теобромин, состојка што го зголемува лачењето ендорфин, хормонот што прави да се чувствуваме ведро.
МедПознато е дека медот брзо го подига нивото на енергија, а шеќерот во форма на мед не само што ја зголемува енергијата, туку и ги храни станиците на сперма.
Лековити билкиЛековитите растенија помагаат да се опуштите и ја ослободуваат мачнината, а некои од нив имаат и други, интересни својства. Во прв ред, ја зголемуваат сексуалната желба и го зголемуваат дотокот на крв во гениталиите. Некои од нив, како маточината, вид нане што се користи како чај, помага за опуштање на нервниот систем, и во исто време ве поттикнува на „акција“.ЗачиниНекои зачини, како лут пипер или чили, можат да ве запалат на повеќе начини, зашто, не само што го забрзуваат отчукувањето на срцето, туку ја зголемуваат и телесната температура. Дел од луѓето што го користеле овој огнен зачин забележале знаци на сексуална возбуденост, црвенило на лицето и телото, потење или распукување на усните. Поради непријатностите што можат да ги создадат, се препорачува овие зачини да се примаат во вид на капсули или концентрат-капки, околу половина час пред сексуалниот однос, за да ја подобрат циркулацијата.
ЛукЛукот содржи една активна компонента – природниот антибиотик алицин, кој го забрзува движењето на крвта кон сексуалните органи, што, секако придонесува за подобра „изведба“ во креветот.
Азиски жен-шенЖен-шенот обично се користи за лекување нарушувања на сексуалните функции и има директно влијание на централниот нервен систем и гениталното ткиво. Доказите упатуваат на тоа дека ова кинеско растение ја засилува ерекцијата со зголемување на дотокот на крв во пенисот. Исто така, ја засилува и активноста на невротрансмитерите и хормоните што се вклучени во сексуалната активност. Кинезите и Корејците дури и ќе ви се заколнат дека жен-шенот ги зголемува издржливоста и страста. За жал, има и несакани дејства, како дијареја и висок крвен притисок.АлкохолПознато е дека чашка-две алкохол делуваат опуштачки и се од помош кога сакаме да ја подигнеме атмосферата. Едно американско истражување покажало дека алкохолот навистина ја зголемува желбата за секс кај луѓето што цврсто веруваат дека „чашката“ има такво дејство, а познато е и дека под влијание на алкохолот другите луѓе ни изгледаат попривлечни.Особено интересни се разните видови бело вино, кои имаат ствојства на афродизијак, но само кога е мирисот во прашање. Се верува дека некои шампањски вина, некои видови сув ризлинг и шардоне се копија на женските хормони од типот феромон. Сепак, што и да пиете, треба да ја знаете границата. Се’ што е повеќе од две чаши може само да ви наштети.
Морски плодови
Остригата со својот изглед потсетува на женски гениталии, а многумина ја сметаат за моќен афродизијак. Дури и самиот збор ’афродизијак’ доаѓа од Афродита, грчката божица на убавината и љубовта, која и самата доаѓа од морето. Во борбата за небескиот трон Хронос го убил и го кастрирал својот татко Уран, а неговите гениталии ги фрлил во морето. Океаните тогаш се запениле и се родила Афродита, а се верува дека токму поради таа приказна и денес поголемиот дел од храната што доаѓа од морето има дејство како сексуален стимуланс. Остригите се најпопуларни меѓу луѓето што добро ги познаваат морските плодови. Содржат големо количество јод и фосфор, кои го поттикнуваат создавањето на вагиналниот секрет, што ги прави добитна комбинација за двата пола.
Есенцијални масни киселиниГи има во семчестите плодови, оревите, лосос и во маргаринот од кикиритки. Го помагаат работењето на сексуалните органи и половите жлезди. Исто така, го помагаат создавањето на сексуалните хормони и адреналинот и го зголемуваат дотокот на крв во гениталиите.ВитаминиВитамиот Е е познат како витамин на сексот затоа што се смета за голем извор на енергија, а особено се препорачува кога треба да ја зголемите вашата сексуална издржливост. Важен е и за производството на спермата и создавањето на хормоните на сексот. Најприсутен е во јајцата, оревите и интегралните житарки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.