Забава
Шведските работници вовеле журка за време на работната пауза
Одделни работници во Шведска вовеле Ланчбит(Lunch Beat) – журка со клупска музика за време на едночасовната работна пауза.
Првиот ланчбит е одржан во 2010 година во подземниот паркинг во Стокхолм и имаше 14 посетители. Ним идејата им се допаднала и веднаш го организираа следниот настан. Ланчбит набрзо стана популарен ширум Стокхолм и сега се одржува еднаш месечно, воглавно во културниот центар Културхусет во центарот на градот.
Журката почнува на пладне и трае еден час. На неа нема алкохол, а цената на влезницата од 100 круни(10,5 евра) покрива закуп и храна.
Ланчбит може да организира било кој, поединец, мрежа или компанија, но притоа мора да се придржува до неговите правила. Настанот мора да биде непрофитен, а сите присутни се обврзани да играат.
Слични настани се одржани во уште најмалку 10 градови во Шведска, а Ланчбит се прошири и на другите европски градови. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) „Чувствувам дека е вистинско време“: Роналдо откри кога ќе се ожени за Георгина
Кристијано Роналдо и неговата свршеница Георгина Родригез се во врска девет години, и се чини дека дојде време славниот пар да застане на лудиот камен откако фудбалерот ѝ предложи брак. Во едно големо интервју, славниот фудбалер се осврна на романтичната понуда што ѝ ја даде на својата избраничка и ги откри причините за долгото чекање на свадбата, како и датумот кога двајцата ќе го кажат своето судбоносно „да“.
„Ќе се венчаме по Светското првенство во 2026 година. И се надевам дека ќе дојдам на мојата свадба со шампионскиот трофеј“, му рече тој со насмевка на Пирс Морган.
Роналдо и Георгина се свршија во август оваа година, кога веста ја објавија сите светски медиуми, а сега тој објасни како се случило сè.
„Добрите работи се случуваат природно. Фудбалот, животот, можностите, бракот… Сето тоа доаѓа кога е вистинско“, рече тој, јасно ставајќи до знаење дека не планирал да ѝ предложи брак токму во тој момент, туку дека сè било навистина спонтано.
„Додека ѝ го давав прстенот на Георгина, нашите ќерки влегоа и ме прашаа: ‘Тато, дали ѝ го даваш прстенот на мама и ја молиш да се омажи за тебе?’ Тогаш навистина сфатив – да, тоа беше вистинскиот момент“, се присети тој.
Иако беше јасно дека Георгина е таа со која ќе го помине остатокот од животот, сите се прашуваа зошто му требаше толку долго да ѝ го стави прстенот.
„Секогаш велам дека добрите работи се случуваат во вистинско време. Понекогаш ви треба време да сфатите дека не треба да правите одредени грешки. Не сакав да брзам со нешто толку важно“, призна Роналдо.
„Ќе се оженам со неа затоа што верувам дека е вистинско време. Не само затоа што е мајка на моите деца, туку затоа што е личноста што ја сакам најмногу. Таа е љубовта на мојот живот“, искрен беше фудбалерот, кој сега одгледува пет деца со Георгина.
фото: принтскрин
Забава
(Фото) Притисокот скока од нејзиното деколте: најсексипилната „домаќинка“ доминира во својата шеста деценија
Хуманитарната гала вечер во Париз собра голем број познати убавици, меѓу кои и Ева Лонгорија, која покажа што значат стилот и елеганцијата во средината на Франција.
Во Париз беше организирана добротворна вечер под покровителство на „Глобал Гифт“, а церемонијата ја водеше Ева Лонгорија, која е и нивна долгогодишна амбасадорка.
Холивудската актерка е позната по своите внимателно одбрани стајлинзи кои секогаш импресионираат, дури и кога, според некои, е облечена „полошо“ од вообичаеното. Овој пат, тоа не беше случај и Ева блесна во полн сјај.
За гала вечерта, Ева избра тесен бел фустан покриен со низа мали циркони, а тука беше и неизбежниот деколте, кој се обиде да биде во преден план.
На своето фантастично модно издание додаде бисерен накит, во согласност со фустанот, како и висечки обетки.
Иако Ева Лонгорија обично има природни нијанси на очите и усните кога станува збор за шминка, овој пат се одлучи за црвен кармин и додаде малку од познатиот француски шик на сè, на начинот на кој само таа знае.
фото: принтскрин
Забава
(Видео) Заштитете ги мускулите и коските: пет вежби за жени по 60-тата година
Годините внесуваат мудрост и искуство во нашите животи, но тоа не мора да значи слабост и бавност.
Напротив – со правилен пристап кон физичката активност, жените во 60-тите години можат да ја одржат силата, стабилноста и енергијата за активен и исполнет живот.
Експертите велат дека тајната лежи во насоченото зајакнување на мускулите, одржувањето на подвижноста и рамнотежата, што не само што ги олеснува секојдневните задачи, туку и значително го намалува ризикот од повреди во подоцнежните години.
Според списанието „Women’s Health“, постојат неколку клучни вежби што жените во 60-тите и повеќе години треба да ги прават за да го одржат здравјето на коските и мускулите. Секако, овие вежби се прилагодени за секого – без разлика дали сте во 20-тите или во 70-тите години – и се одличен начин да го активирате целото тело, да ги зајакнете мускулите и да придонесете за вашето целокупно здравје.
Гоблет чучнувања
Клекнувањето во која било форма се одлична вежба за зајакнување на нозете и мускулите на јадрото. Гоблет чучнувања со тегови дополнително ја подобруваат рамнотежата и држењето на телото, ја зголемуваат подвижноста на колковите и глуждовите, а тежината го промовира здравјето на коските – клучно за спречување на остеопороза.
Како да го направите тоа? Застанете со стапалата малку пошироки од ширината на колковите, стапалата малку свртени нанадвор. Држете ја тежината пред градите, лактите блиску до телото. Спуштете се додека бутовите не ви бидат паралелни со подот (или што е можно пониско без да го свиткате торзото). Држете кратко и вратете се во почетната положба.
„Веслање“ со свиткување напред
Веслањето со тегови ги зајакнува рамената и грбот, го подобрува држењето на телото и помага при секојдневните движења како носење торби или отворање врати. Придонесува за зачувување на мускулната маса и густината на коските, што станува сè поважно со возраста.
Како се изведува? Застанете расчекорено, нозете се малку свиткани, торзото е свиткано напред под агол од 45 степени. Држете по една тежина во секоја рака, рацете испружени надолу, а потоа кренете ги кон телото.
Скокачки чучњеви
Иако треба да бидете внимателни со движењата што вклучуваат скокање, вежбите како што е скокачкото клекнување помагаат во одржувањето на густината на коските и силата на зглобовите, намалувајќи го ризикот од паѓања и повреди. Оваа вежба развива експлозивна сила на нозете и ја подобрува агилноста, а воедно го зголемува и срцевиот ритам, што ја прави лесен кардио тренинг.
Како да го направите тоа? Застанете во ширина на рамената, рацете настрана или пред градите. Спуштете се (свиткани колена, колковите назад, градите нагоре), потоа силно поттурнете се низ петиците и скокнете нагоре. Нежно доскокнете со малку свиткани колена и веднаш преминете во друг чучњев.
Подигање на колковите
Подигањето на колковите, познато и како мост на глутеусот, е едноставна вежба која ги зајакнува вашите глутеуси и тетиви – клучни мускули за колкот, долниот дел од грбот и држењето на телото. Го активира вашето јадро и ја подобрува стабилноста на карлицата, што може да помогне во намалувањето на болката во грбот што често се јавува со возраста.
Како да го направите тоа? Легнете на подлога, свиткајте ги нозете и поставете ги во ширина на колковите. Подигнете ги колковите што е можно повисоко додека ги држите лопатките рамни на подот. Стиснете ги глутеусите, држете ги неколку секунди, потоа спуштете ги и повторете.
Подигнати склекови
Ортопедскиот хирург Вонда Рајт неодамна изјави во подкастот на Мел Робинс дека секоја жена треба да може да прави 11 класични склекови. Всушност, склековите се одлична вежба за рацете и целото тело, и ако ги подигнете рацете и торзото од подлогата (како на стол), го намалувате оптоварувањето на зглобовите.
Како да го направите тоа? Ставете ги рацете на цврста површина, во ширина на рамената. Спуштете се надолу користејќи ги рацете како кај класичните склекови, осигурувајќи се дека вашето тело останува исправено и цврсто.
фото: принтскрин
(Видео) Трамп се закани на Би-би-си со тужба од 1 милијарда долари: ќе ја повлече ако ги исполнат неговите три барања
Британската јавна радио-телевизија е во длабока криза откако беше откриено дека говорот на Доналд Трамп бил измамнички монтиран во документарец...
Американскиот Сенат ги одобри мерките потребни за прекин на најдолгата блокада на владата
Во понеделникот, Сенатот ги одобри потребните мерки за прекинување на најдолгото затворање на владата на САД во историјата, кое траеше...
Сирија се приклучува на меѓународната коалиција против Исламска држава
Сирија ќе се приклучи на меѓународната коалиција против Исламска држава (ИСИС) предводена од САД, изјави во понеделник американски функционер под...
Ѓорѓиевски отпушти 500 вработени
Градоначалникот на Град Скопје, Орце Ѓорѓиевски, објави дека се отпуштени 500 вработени од претпријатијата на Скопје затоа што се месеци,...
Детали за кражбата на кабли во која е вмешан и полицаец: Направиле штета од 600.000 евра, а поради пожар граѓаните останале без струја
Основното јавно обвинителство Скопје објави детали за кражбата на кабли во кругот на фабриката „Железара“ во која е вмешан и...
Исплатите од ИПАРД програмата привремено прекинати поради проверка на законитоста
Македонија преку структурите и органите за управување на средствата од ИПА/ИПАРД донесе одлука за времен прекин на исплатите на средствата...
Пендаровски му одговори на Фрчкоски: Никогаш не сум мешетарел, тоа го прават други кои се занимаваат со кафеанско озборување
Поранешниот претседател Стево Пендаровски ја отфрли изјавата на Љубомир Фрчкоски дека мешетари во СДСМ и дека има улога во можни...
Приведена жена од Кавадарци поради напад врз своето 6-месечно бебе
Утрово, околу 6 часот, полицијата во Скопје приведе 23-годишна девојка од Кавадарци, која се сомничи дека ноќеска, околу 00:37 часот,...
„’Вреди’ до Јаневска“: Непознавањето на албанскиот јазик не треба да води до фрустрација
Вчера, за време на јавен настап, министерката за образование, Весна Јаневска, во два или три наврати изрази незадоволство од комуникацијата...
Половина од младите во Македонија не веруваат дека земјата некогаш ќе стане членка на ЕУ
Повеќе од 46 отсто од младите во Македонија не веруваат дека земјата ќе стане членка на Европската унија, покажува новиот...
Граѓаните да бидат внимателни и да не отвораат лажни електронски пораки во име на директорот на БЈБ, предупредува МВР
Министерството за внатрешни работи известува дека до неколку граѓани од страна на сторители што лажно се претставуваат во име на...
Комисијата за историски прашања е алиби за моментно многу комплицираните односи меѓу Бугарија и Северна Македонија, вели Димитров
Комисијата за историски прашања со РСМ е еден вид алиби за моментно многу комплицираните односи меѓу Бугарија и Северна Македонија,...
Турција сака безбеден премин за 200 цивили заробени во тунелите во Газа
Турција се обидува да обезбеди сигурен премин за околу 200 цивили заробени во тунелите во Газа, откако го олесни враќањето...
Сенатот постигна договор: заврши најдолгата блокада на буџетот во историјата на САД
Американските сенатори постигнаа привремен договор со кој ќе се стави крај на буџетската парализа што блокираше некои јавни услуги рекордни...
(Видео) Зеленски: За разлика од целиот свет, јас не се плашам од Трамп
Украинскиот претседател Володимир Зеленски изјави дека, за разлика од многу западни лидери, не се плаши од Доналд Трамп и ги...
(Видео) Супертајфун ги погоди Филипините: бројот на жртви расте, еден милион луѓе принудени да се евакуираат
Супертајфунот Фунг-вонг ги погоди Филипините вчера, при што загинаа две лица, а еден милион луѓе беа принудени да се евакуираат...
(Видео) Нов напад врз Крим: погоден важен руски складиштен објект за нафта
Украинските војници во неделата нападнаа руско складиште за нафта во близина на селото Гвардејское на окупираниот украински полуостров Крим, објави...
(Видео) Судир на возови во Словачка, десетици повредени
Два воза се судрија ноќеска во Словачка откако едниот се удрил во задниот дел на другиот, при што се повредени...
Ѓорѓиевски: За два дена од Скопје се исчисти над четири и пол илјади тони отпад, скопјани имаат човек на кој може да се потпрат
Над четири и пол илјади тони отпад или четири до пет пати повеќе од секој вообичаен викенд што се собирало...
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“...
