Забава
Златен ретривер ги „лиже" раните на Бостон
На бостонскиот Копли сквер, на комеморацијата во спомен на трагично загинатите маратонци, се собраа многу луѓе. Онаму каде што неодамна стоеја полициските барикади, сега се издигаат високи бели крстови, кај кои се собираат граѓаните. Но можеби главната „атракција” на меморијалот е златниот ретривер Бејли, полноправен член на волонтерската бригада American Humane Association.
Две експлозии во интервал од 12 секунди одекнаа во Бостон на 15-ти април на целната рамнина од прочуениот меѓународен Бостонски маратон. Притоа загинаа тројца млади луѓе, меѓу кои и осумгодишно момченце, а беа ранети 264 луѓе.
„Нејзиното име е Бејли. Има 14 години. Таа е златен ретривер”, одговара на прашањата на медиумите сопственичката на песот Ејми Мекколоу.
Бејли во меѓувреме љубопитно ги набљудува минувачите. Се вели дека животните подобро од професионалните психолози можат да помогнат да се отргнат луѓето од трауматските мисли и да го олеснат стресот. Доволно е само да се мине со раката по нивното меко крзно и да се свртат мислите кон добрите работи.
Волонтерската бригада American Humane Association, во која е вклучен и ретриверот Бејли, пристигна во Бостон од Денвер – за поддршка на жителите кои го преживеа терористичкиот напад. Речиси сите нејзини четириножни припадници припаѓаат на расата златен ретривер. Дали тие се повеќе од која и да е друга кучешка раса приврзани кон човекот или, пак, самите луѓе ги претпочитаа овие долговлакнести и „деликатни” кучиња, не е познато.
Ејми ја нашла Бејли пред 11 години, откако нејзиниот сопруг ја замолил да земат пес. Тие го нашле кучето во еден од центрите за згрижување и буквално, како што вели, „ на прв поглед се вљубиле” во златниот лабрадор. Бејли и нејзината „посестри” – три мачки, останале незгрижени поради разводот на претходните сопственици.
„Никогаш претходно во животот немав домашно милениче. Јас бев многу среќна, бидејќи ја имав Бејли, и решив тоа чувство да го споделам со другите. Така таа дојде во нашето здружение”, вели Ејми којашто го минала патот од обичен волонтер до директор на програмата.
American Humane Association е најстариот волонтерски проект, формиран пред 136 години за заштита „на помалите човекови пријатели”. Движењето одамна ги мина границите на САД. Во времето на Првата светска војна волонтерите на организацијата ги спасувале повредените коњи на фронтовите на европскиот континент, а на почетокот од Втората светска војна веќе е формирана цела дивизија. Во разорената од ураганот „Катрин” во сојузната држава Луизијана им помагаа на четириножните жртви. Волонтерите на здружението, исто така, се` уште се обидуваат да им помогнат на мачките и кучињата од јапонскиот град Фукушима кои го преживеале цунамито и земјотресот од пред две години.
Во 1939 година, American Humane Association стана пошироко позната по протестите против жртвувањето на животните во уметност по снимањето на филм во кој коњи биле принудени да скокаат од висока карпа. Иронично, во Холивуд денес, еден од најжестоките поддржувачи на ова волонтерско движење е режисерот Квентин Тарантино, познат по својата „естетизација на насилството” над луѓето.
Не е така лесно некое животно да се вклучи во тимот на четириножните исцелители. Претендентите мора да минат низ ригорозни кучешки испити, да не одговараат на „закачање”, да не ги покажуваат забите и да не ‘ржат, дури и кога се влечени за ушите, да не допираат ништо туѓо и да не се впуштаат во игра.
Бејли сите тестови ги минала чесно и достоинствено, но Ејми вели дека дури и толку примерен пес има свои слабости – понекогаш многу лае кога ќе здогледа некои од најчестите протеини.
Една од првите „терапевтски” посети на Ејми и Бејли била во денверскиот центар за згрижување на ветераните од војните во Авганистан и Ирак, со психички трауми поради кои не можат да се вратат во нормалата. „Тие отворено зборуваат пред кучињата, зашто тие не ги прашуваат за минатото и за иднината”, вели Ејми.
Лабрадорот Бејли често ги посетува и своите пријатели во домовите за стари лица, често таа е нивниот единствен посетител. Во сиропиталишта во Колорадо ја знаат по името. Дури и во болниците овој златен ретривер е секогаш добредојден.
Едно кадраво црвенокосо момченце на Копли-сквер им го покажува на Копли сквер, на Бејли и Ејми им го покажува своето кадифено кученце. „Тое е мојата омилена играчка. Ја донесов за да ја оставам на споменот, и замислив желба – сите повредени од експлозијата наскоро да заздрават”, вели тоа.
Ејми одвај го воздржува солзите, а Бејли добродушно ја оближува раката на момченцето.
Уште 40 луѓе се` уште се хоспитализирани во болниците во Бостон, 14 во експлозијата ги изгубиле едната или двете нозе./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Фото) Бојата што никогаш не била модерна стана најнеочекуваниот хит на сезоната
Големото изненадување во светот на модата е боја што одамна ја заборавивме и ја избегнувавме бидејќи никогаш не се сметаше за свежа или трендовска.
Како доказ дека секогаш има изненадувања во светот на модата, актерките Џенифер Лоренс и Зои Кравиц оваа недела објавија дека се оддалечуваат од сеприсутните црвени додатоци и наместо тоа избраа нешто сосема неочекувано – виолетови шалови.
Зои лежерно го префрли шалот преку вратот, комбинирајќи го со темно каки палто. Џенифер го следеше примерот, вметнувајќи ја истата богата виолетова нијанса во својата лежерна комбинација – го носеше со јакна, сиви панталони со широки ногавици и популарните Uggs.
И не се само познатите жени кои носат виолетови шалови, трендсетерите на социјалните медиуми исто така почнаа да ги носат.
@eyebagsfromclaires Purple zebra scarf!!!
Виолетовата боја долго време беше занемарена, па дури и избегнувана боја во модните кругови. Причината за ова може да лежи во силните асоцијации што ги предизвикува: од кралските мантии и училишните униформи до препознатливиот бренд на Cadbury или неговата поврзаност со кралицата Елизабета II. Без разлика на причината, оваа нијанса ретко се сметала за модерна или свежа.
@samanthalillysweethearts Purple Ombré #wildoleanderhoodedscarf pattern by @🖤wickedlyhandmade💚 #purple #ombre #scarf #cowl ♬ original sound – Samantha Lilly Sweethearts
Се чини дека виолетовата е на работ да стане најнеочекуваниот хит на сезоната. Ако овој тренд ве заинтригирал колку и нас, пронајдете го вашиот виолетов шал што одамна сте го заборавиле и покажете дека сте во тренд.
Забава
Мајстори на „љубовно бомбардирање“: Како да преживеете врска со Шкорпија?
Иако неодоливо не привлекува харизмата и чувствителноста на овој мистичен воден знак, врската со нив понекогаш може да биде вистински предизвик.
Еве неколку совети кои ќе ви помогнат подобро да ги разберете Шкорпиите и да уживате во интензивното и страсно возење што го нуди врската со некој роден под овој хороскопски знак.
Зошто Шкорпиите имаат толку лоша репутација?
Секој хороскопски знак има свои позитивни и негативни страни, но Шкорпиите се чини дека особено уживаат во својата репутација на застрашувачки знак. Тие изгледаат цврсти и непробојни однадвор, но откако ќе ги запознаете, ќе сфатите дека овој воден знак е всушност нежен и чувствителен.
Нивната лоша репутација делумно доаѓа од митологијата. Нивните владејачки планети се Марс, богот на војната, и Плутон, богот на подземјето. Луѓето често се плашат од Шкорпиите затоа што ги чувствуваат работите поинтензивно од другите знаци. Тие се исто така исклучително интуитивни, што прави речиси невозможно да ги измамите. И кога Шкорпијата е лута или повредена, можете да бидете сигурни дека ќе смисли одмазда. Најчесто, тие само ќе ја „каснат“ личноста што ги повредила и ќе продолжат понатаму како ништо да не се случило.
Како да преживеете врска со Шкорпија?
Како и со самиот овој мистериозен и збунувачки знак, одговорот не е едноставен.
Избегнувајте драма
Овој воден знак нема трпение за драма – освен ако не е нивна. Затоа избегнувајте претерано реагирање во нивно присуство. Нивниот типичен одговор на театарската природа е да ги игнорираат пораките и повиците. Шкорпиите не се плашат да ги блокираат луѓето што го нарушуваат нивното чувство за стабилност.
Дозволете им да ја водат играта – или барем да мислат дека ја водат
Шкорпиите можат да бидат контролирачки и не сакаат изненадувања. Препорачливо е да им дозволите да ја преземат водечката улога во планирањето за неутрализирање на оваа енергија. Секако, можете да давате предлози, но само кога ќе ги побараат. Дозволете им да ја преземат заслугата за идеите, дури и ако се ваши.
Игнорирајте го нивниот „отровен убод“
Убодот од Шкорпија може да биде болен. Важно е да се знае дека Шкорпиите можат да реагираат во моментот, но тоа не значи дека долго ќе ги задржат тие емоции. Тие имаат огнен темперамент и можат да се разгорат кога ќе бидат испровоцирани. Обидете се да им дадете простор да се оладат. Шкорпиите имаат тенденција да се извинуваат откако ќе се оладат.
Останете мистериозни
Кога комуницирате со Шкорпија, држете ги вашите пораки кратки и слатки. Секогаш оставете ги да сакаат повеќе. Шкорпиите сакаат да вложат труд и да работат за да изградат врска. За да го постигнете ова, треба да го разбудите нивниот интерес, што значи дека треба да останете мистериозни, особено на почетокот. Тие уживаат во решавањето на мистеријата што сте вие.
Почитувајте ја нивната амбиција
Амбицијата е она што ги движи Шкорпиите. Нивната желба да успеат во секој аспект од животот може да доведе до безмилосно однесување и игри на моќ. Шкорпиите нема да престанат додека не го добијат она што го сакаат. Најдобро е да ги оставите да си го прават своето и да ги поддржите на нивниот пат – сè додека тоа не ве повреди вас или некој друг.
Зошто воопшто ги сакаме?
Иако можат да бидат расположени и интензивни, на Шкорпиите е тешко да им се одолее. Тие имаат неверојатни квалитети што нè прават толку привлечени кон нив.
Тие се брутално искрени
Бидејќи Шкорпиите можат да читаат меѓу редовите и да ги намирисаат лагите, тие неизмерно ја ценат автентичноста. Ако откријат дека криете нешто, вашиот кредибилитет ќе биде трајно оштетен. Ќе биде потребно долго време за да ја вратите нивната доверба – ако некогаш го сторите тоа. Искреноста е секогаш најдобрата политика со нив.
Тие сакаат да растат со вас
Шкорпиите ги охрабруваат и прифаќаат промените. Тие веруваат во луѓе кои докажале дека можат да се развијат во подобри верзии од себе. Непоколебливата љубов му помага на овој воден знак да разбере дека луѓето можат да се трансформираат ако навистина сакаат и вложат труд – исто како што можат.
Нивните емоции се длабоки
Шкорпиите не се плашат да одат во крајности и длабоко да ги изразат своите емоции, што ги прави мајстори на „љубовно бомбардирање“. Добрата вест е дека не мора да се воздржувате од нив. Како брановите на океанот, најдобро е да ги оставите вашите емоции да течат слободно.
Лојалноста е нивното второ име
Не би нè изненадило ако Шкорпијата ја измислила фразата „ride or die“ – тоа е нивното животно мото. Тие ќе останат лојални на оние за кои се грижат и ќе ги бранат своите пријатели до крај, дури и кога грешат. Секогаш можете да сметате на Шкорпијата, бидејќи тие безусловно ви го чуваат грбот.
Тие се борат за она во што веруваат
Откако Шкорпијата ќе донесе одлука, исклучително е тешко да се одврати од неа. Нивната фиксна енергија ги мотивира да се борат за она што најмногу го сакаат, без оглед на последиците. Се додека нешто им е на ум и во срцето, тие храбро ќе издржат и нема да се откажат додека не ја постигнат својата цел.
Забава
Три предупредувачки знаци дека хемијата не е доволна за долга врска
Здравите врски бараат заедничка подготвеност за слушање, прилагодување и раст заедно, а ако не ги препознаете овие знаци, можеби нема да бидете вистински еден за друг на долг рок.
Започнувањето врска никогаш не е лесно, па дури и кога ќе најдете некој со кого чувствувате силна хемија, тоа не гарантира долгорочен успех. Експертот за врски, Клер Рение, откри клучни предупредувачки знаци кои можат да укажуваат дека вие и вашиот партнер, и покрај почетната привлечност, можеби не сте компатибилни.
Неусогласени основни вредности
Експертот од апликацијата за запознавање Happn објаснува како почетната заљубеност лесно може да ги прикрие подлабоките разлики. „Раната привлечност лесно може да ги прикрие разликите во начинот на кој луѓето пристапуваат кон финансиите, семејството или политичките ставови, но тие различни ставови имаат тенденција да се појават со текот на времето“, вели таа.
Таа истакнува дека еден од најочигледните знаци на проблеми е фундаменталното несовпаѓање на вредностите. „Еден од најјасните предупредувачки знаци е фундаменталното несовпаѓање на вредностите. Ако редовно не се согласувате за тоа што е најважно или правите компромис на начини што ве прават да се чувствувате непријатно, тоа може да биде знак дека недостасува долгорочна, автентична компатибилност, дури и ако хемијата е присутна.“
Како се справувате со конфликти
Иако повремените расправии и несогласувања се нормален дел од секоја врска, начинот на кој двојката се справува со нив може да открие многу за иднината на нивната врска. Рение ја нагласува важноста на здравата комуникација, дури и за време на конфликт. „Конечно, обрнете внимание на тоа како ги решавате несогласувањата. Ако расправиите често завршуваат со прекин на комуникацијата, одбранбен став или нерешена тензија, ова може да укажува на некомпатибилни стилови на комуникација“, објасни таа.
Избегнување длабоки разговори и недостаток на емпатија
Друго црвено светло е кога едниот партнер постојано избегнува важни теми или не покажува разбирање. „Друг предупредувачки знак е ако едниот партнер постојано избегнува подлабоки разговори, ги отфрла чувствата на другиот или се бори да покаже емпатија кога времињата се тешки. Врската може да почне да се чувствува еднострана и неурамнотежена“, истакнува таа.
Компатибилноста, заклучува таа, не е за избегнување расправии, туку за чувство на емоционално разбирање и поддршка. „Во комбинација со тоа што вашиот партнер избегнува подлабоки или поотворени разговори, тоа може да укажува дека тие можеби не се вистинскиот избор за вас на долг рок. Здравите врски бараат взаемна подготвеност да слушате, да се прилагодувате и да растете заедно.“
Алиу: Предлог-законот за заштита од пушење објавен на ЕНЕР, отвораме јавна расправа пред неговото усвојување
Министерството за здравство информира дека предлог-законот за заштита од пушење е објавен на електронскиот национален регистар на прописи (ЕНЕР), каде...
Трамп: Иран нè контактираше за преговори
Американскиот претседател Доналд Трамп во неделата изјави дека Иран побарал да започне разговори со САД, додека земјата се справува со...
Иранската револуционерна гарда му се закани на Трамп
Иранската револуционерна гарда јавно му се закани на Доналд Трамп поради неговото споменување на потенцијална американска воена акција против владата...
Телеграф: Лондон планира да испрати војници на Гренланд, Велика Британија: Тоа е поради Русија
Велика Британија вчера соопшти дека дискусиите со другите членки на НАТО за одбивање на руската активност на Арктикот се „рутински“,...
Почувствуван земјотрес во Прилеп и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Русите го замрзнуваат Киев, Зеленски: Ситуацијата е исклучително тешка
Повеќе од 1.000 станбени згради во Киев остануваат без греење по разорниот руски напад во петок наутро, соопштија локалните власти....
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и...
(Видео) Мицкоски: Победата во Маврово-Ростуше е знак дека граѓаните наградуваат резултати, а кланот на Филипче доживува нов дебакл
„Денешниот изборен ден во четирите општини помина во демократска, мирна и достоинствена атмосфера. И покрај тешките временски услови и одредени...
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
ЈСП Скопје: Ниските температури и снегот може да предизвикаат изменето сообраќање на автобусите
Јавното сообраќајно претпријатие Скопје ги информира корисниците на јавниот превоз во Градот Скопје дека, поради ниските минусни температури и најавените...
18-годишникот кој со автомобил усмрти жена во Капиштец немал возачка, од Македонија избегал преку Табановце
Јавен обвинител од Основното јавно обвинителство Скопје донесе Наредба за спроведување истражна постапка против едно лице за – Тешки дела...
