Забава
Само 48 отсто од луѓето секогаш доживуваат оргазам
Само 48 отсто од луѓето успеваат секој пат да доживеат оргазам кога водат љубов, покажува студијата на Дурекс
Само 48 отсто од луѓето успеваат секој пат да доживеат оргазам кога водат љубов, покажува студијата на Дурекс, со која се опфатени мажи и жени од целиот свет.
Италијанците, Шпанците, Мексиканците и Јужно Африканците имаат најголема стапка на оргазми во светот и од нив 66 отсто секогаш доживуваат оргазам кога водат љубов. Бразилците се исто во врвот, со 65 отсто испитаници кои постигаат оргазам кога водат љубов.
Најмала веројатност да постигнат оргазам имаат Кинезите и жителите на Хонг Конг, бидејќи од нив само 24 отсто постигаат оргазам, а со 27 отсто ги следат Јапонците.
„Кога станува збор за спалната соба, просечниот љубовник би сакал да викне Да! Да! Да!, многу повеќе отколку што тоа го прави“, е коментарот на Дурекс на резултатите од статистиката.
Студијата покажува дека оргазмот не претставува само врв на сексуалното задоволство, туку е резултат и на внатрешното задоволство.
Имено, истражувањето покажало дека 58 отсто од светската популација која обично ќе постигне оргазам е задоволна со емоционалните аспекти на својот сексуален живот, во споредба со 29 отсто од оние кои ретко го доживуваат врвот.
И луѓето кои редовно доживуваат оргазам велат дека нивниот однос со другата половина е многу силен. Осум од 10 лица (77 отсто) кои често имаат оргазми се чувствуваат блиски до својот партнер за време на сексот. Блискоста кон партнерот опаѓа на 54 отсто за лицата кои тешко го достигаат врвот.
Истражувањето покажа дека љубовниците сепак не ги чувствуваат сите предности на оргазмот, бидејќи само 57 отсто од нив кои редовно доживуваат оргазам, се задоволни со своето психичко здравје.
Но, 83 отсто од Нигеријците и 70 отсто од Мексиканците кои тврдат дека имаат редовен оргазам се со одлично психичко здравје.
Студијата покажува дека наспроти 63 отсто од мажите кои доживуваат оргазам, жените се нерамноправни на ова поле, бидејќи само 32 отсто речиси секогаш доживуваат оргазам.
Со истражувањето се опфатени 26.000 луѓе во 26 земји, кои се испрашувани за клучните гледишта на нивниот сексуален живот. /крај/хн/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.