Руската народна медицина е богата со лековити рецепти, а меѓу нив е и овој руски билен еликсир на „вечна младост“, комбинација од билки со исклучителни лековити својства – камилица, кантарион, смил и пупки од бреза.

Сите овие билки се богати со лековити својства што се потврдени од многу генерации, а со консумирање на овој еликсир ќе можете да се споредите со луѓе 20 години помлади.

Руски билен еликсир на вечна младост

За да го подготвите, ќе ви требаат:

– 100 грама цветови од камилица
– 100 грама кантарион
– 100 грама цветови од смил
– 100 грама пупки од бреза

За да го подготвите еликсирот, добро измешајте ги наведените состојки и чувајте ги во херметички затворен сад. Земете една голема лажица од смесата и прелијте ја со половина литар врела вода, покријте и процедете по 20 минути.

Чувајте го пијалокот во термос за да остане топол. Половина од пијалокот испијте ја наутро на празен стомак, а остатокот два часа по вечерата, после тоа не пијте ништо друго, ниту јадете ништо.

Овој пијалок ќе ви помогне да ослабете без диети и со метаболички нарушувања. Ќе го исчисти телото од токсини и со тоа ќе го подобри функционирањето на срцето, црниот дроб, бубрезите и панкреасот.

Како делува еликсирот?

Еликсирот ја зголемува еластичноста на крвните садови, помага при мултиплекс склероза, спречува срцев удар и хипертензија. Еликсирот на „вечната младост“ има пријатен вкус, а по желба може да се заслади со лажичка мед.

Камилицата денес е најпознатото лековито растение, кое се користи подеднакво во конвенционалната и народната медицина, неговите состојки и активни супстанции се добро истражени.

Кантарионот има многу лековити својства, тој е многу корисно лековито растение. Се користи за лекување на слуз во белите дробови, желудникот и грчеви во стомакот, згрутчување на крвта, заболувања на бубрезите, црниот дроб, слезината и мочниот меур. Особено се препорачува за неконтролирано мокрење. Во комбинација со други лековити растенија, тоа е одличен лек за лекување на зрела кашлица и астма.

Покрај подмладувањето, смилот има бројни други лековити својства. Тоа е одличен лек за бронхитис и кашлица, делува како седатив, го намалува крвниот притисок, нивото на холестерол во крвта, спречува згрутчување на крвта, ја ублажува болката и го зајакнува целото тело.

Чајот од брезова пупка го поттикнува отстранувањето на вишокот урична киселина и токсини од телото, а може да помогне и во случај на проблеми со ревматизам и едем.

фото: принтскрин

Холивудската ѕвезда Деми Мур го прослави својот 63-ти роденден во вторник, а откако привлече внимание во фустан направен од цвеќиња и кристали, се појави во уште еден спектакуларен аутфит во кој привлече и погледи и воздишки.

Тоа беше премиерата на втората сезона од хит серијата „Лендмен“ во која глуми Деми Мур, а за оваа посебна пригода таа избра фустан од Гучи со кој повторно ја истакна својата зачудувачка фигура во шеесеттите години.

Станува збор за црн макси фустан од чипка со смело деколте кое достигнува до папокот, а оваа креација е една од оние што отфрлаат долна облека, па Деми смело се прилагоди на неа.

Таа го надополни со елегантни црни потпетици, а кога станува збор за фризура и шминка, остана верна на тој добар, веќе познат и докажан изглед.

Во текот на вечерта, нејзините колеги ѝ приредија изненадување за роденден со торта и роденденска песна, но најемотивниот момент беше кога нејзината најстара ќерка Румер Вилијамс, која ја има со Брус Вилијамс, преку видео повик во автомобилот ја покажа нејзината внука Лует (2), која дури и ѝ пееше на нејзината баба.

„Најслаткиот подарок за роденден од мојата мала Лу! Ви благодарам на сите за желбите“, напиша Деми Мур на Инстаграм.

Нејзините други ќерки исто така јавно ѝ испратија емотивни желби за роденден, а актерката доби многу честитки и комплименти од своите обожаватели, кои ги има 15,5 милиони на Инстаграм.

фото: принтскрин

Ејми Шумер одлучи да почне одново на „Инстаграм“. 44-годишната комичарка и актерка ги изненади своите следбеници со бришење на сите претходни објави од својот профил оставајќи само една нова фотографија, на која позира во црвен фустан. Таа го објасни својот потег едноставно велејќи дека нема причина за тоа.

На новата фотографија ѕвездата од Trainwreck носи црвен мини фустан од „Валентино“ во облик на срце, кој го комбинира со чевли од „Шанел“.

 

View this post on Instagram

 

A post shared by @amyschumer

„Се чувствувам добро и среќно. Ги избришав моите стари фотографии без причина!“, напиша таа.

Неколку часа пред да го избрише својот профил, таа објави снимка од екранот од својата прва објава во своите инстаграм-приказни. „Мојата прва објава на ‘Инстаграм’. Ќе ги избришам сите – зошто да не?“, напиша таа.

Потегот доаѓа откога Шумер неодамна отворено сподели фотографии што го документираат нејзиното патување за слабеењето. Кон крајот на октомври таа објави серија фотографии со натпис „Се чувствувам силно и своја“.

Актерката претходно отворено зборуваше за своите проблеми со тежината, вклучувајќи ги и липосукцијата во 2022 година и ужасното искуство со лекот „оземпик“.

„Го имам генот GDF15, што ми прави исклучителна мачнина, поради што бев толку болна за време на бременоста“, рече таа во јануари во емисијата „Хауард Стерн“. „Значи, го пробав ‘оземпик’ пред речиси три години и бев како прикована за кревет. Повраќав, а потоа немате енергија. Но, другите луѓе го земаат и сè е добро. Па бог да ги благослови“.

Откога го проба „оземпик“, таа се префрли на друг лек – GLP1, „мунџаро“, три години подоцна. Во март оваа година таа објави видео во кое вели дека имала одлично искуство по втората инјекција.

Откога јавно ја сподели дијагнозата за Кушингов синдром во 2024 година, Шумер рече дека сака да стане застапник за женското здравје.

Кушинговиот синдром е ендокрино нарушување предизвикано од долготрајно покачено ниво на хормонот кортизол во телото и може да се појави поради прекумерно производство на кортизол или како резултат на земање глукокортикоидни лекови. Симптомите вклучуваат тркалезно лице, акумулација на маснотии во абдоменот и на вратот, тенка кожа, модринки, замор, висок крвен притисок и остеопороза.

„Срамот и критиките кон нашите постојано менувачки тела се нешто со што се справувам и на кое сум сведок долго време“, рече таа во видео на „Инстаграм“ во тоа време. „Толку многу сакам жените да се сакаат себеси и да бидат немилосрдни во борбата за сопственото здравје во систем што обично не им верува“.