Hitech
Regin е новиот опасен компјутерски вирус

Водечката компанија за компјутерска безбедност Symantec, чие седиште е во калифорнискиот град Купертино, објави дека открила еден од најсофистицираните компјутерски вируси именуван како Regin кој веројатно го создала некоја држава за да нападне цели низ целиот свет.
Водечката компанија за компјутерска безбедност Symantec, чие седиште е во калифорнискиот град Купертино, објави дека открила еден од најсофистицираните компјутерски вируси именуван како Regin кој веројатно го создала некоја држава за да нападне цели низ целиот свет.
Вирусот во оптек е веќе шест години, а кога еднаш ќе биде инсталиран на компјутер може да ја сними содржината од екранот на сметачот, да украде лозинки или содржини избришани од датотеките.
Портпаролката на Symantec, Орла Кокс, го опишува вирусот како „нешто што излегува од вообичаените рамки“ за што се потребни „месеци или години да се создаде“, пишува The New York Times.
Експертите за компјутерска безбедност велат дека со овој вирус најмногу се погодени компјутери на интернет провајдери и телекомуникациските компании во Русија, Саудиска Арабија. Мексико, Иран и во Ирска.
Вирусот Regin, исто така, е користен за шпионирање државни органи, компании и приватни лица. Експертите сé уште не можат да утврдат точно како вирусот го инфицира индустрискиот систем.
Експертите велат дека вирусот е толку софистициран што како средство за шпионажа морала да го создаде некоја држава и дека станува збор за процес кој траел со години, бидејќи творците на вирусот вложиле големи напори за да ги сокријат своите траги.
Според компанијата, Regin се користи за хакирање на серверите за електронска пошта на компанијата Microsoft и за прислушување на телефонските разговори на големите меѓународни мрежи. „Гледаме дека тоа е најверојатно дело на некоја од западните разузнавачки служби. Понекогаш тие ништо не оставаат, никаква трага. Понекогаш инфицирањето со вирусот може да исчезне сосема, веднаш штоm ќе го забележите и повеќе не постои“, истакнува Кокс.
Од Symantec велат дека споменатиот вирус е многу сличен на веќе познатиот Stuxnet, компјутерскиот црв кој е создаден пред четири години во американско-израелска продукција за да го нападне иранската нуклеарна програма и да ја оштети опремата, но за разлика од него Regin е создаден исклучиво за шпионирање и тоа од западните разузнавачки служби./крај/мф/сн
Извор: The New York Times
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech
Прекин на WhatsApp: корисниците ширум светот пријавуваат проблеми

Популарната апликација за пораки WhatsApp денеска се соочи со сериозен прекин, оставајќи илјадници корисници оневозможени да се поврзат, да испраќаат пораки или да остваруваат повици, и преку мобилната апликација и преку веб-верзијата.
Социјалните мрежи се преплавени со извештаи за корисници кои пријавиле тешкотии со WhatsApp. Најчесто се пријавуваат проблеми со испраќање пораки, неуспешно воспоставување врска, како и нефункционални повици.
Според веб-страницата Downdetector, која го следи статусот на дигиталните услуги, забележано е нагло зголемување на поплаките од корисниците.
На глобално ниво, околу 1.000 корисници пријавиле проблеми – 91% од нив навеле тешкотии со испраќање пораки, 6% со функционирањето на самата апликација, додека 3% од корисниците изјавиле дека не можат да примаат пораки.
Компанијата Мета, која е сопственик на WhatsApp, се уште нема објавено официјално соопштение во врска со суспензијата на услугата.
Hitech
(Видео) Илон Маск: За пет години ќе можете да купите 18+ роботи

Илон Маск се појави на поткастот на Џо Роган и се претстави како десна рака на Доналд Трамп и шеф на иницијативата DOGE (Одделот за владина ефикасност).
Една од темите беше вештачката интелигенција, а фокусот беше на неговата програма за вештачка интелигенција позната како „Грок“, до која луѓето може да пристапат преку „Икс“.
Роган се пошегува дека „Грок“ има валкан режим на разговор од 18+ и непресметлив режим нарекувајќи го многу чуден. Маск зборуваше и за можностите за развој на секс-роботи предвидувајќи го нивното доаѓање на пазарот за помалку од пет години. „Тоа е валкана вештачка интелигенција и тоа е вистински проблем“, се пошегува Роган додавајќи: „Тоа е чудно време и со вашата луда вештачка интелигенција нè туркате во сè почудни ситуации“.
„Набргу вакви роботи ќе се најдат на отворен пазар, во продавници“, повтори Маск. „Дали ќе бидат топли?“, го прашал Роган, на што Маск одговорил: „Веројатно ќе имаш што сакаш“.
Hitech
Шефот на „Епл“ најави нов производ: „Запознајте го новиот член на семејството“

Извршниот директор на „Епл“ откри дека технолошкиот гигант набргу ќе претстави нов уред. Обично треба да почекаме до пролет за да ги слушнеме големите најави на „Епл“, но изгледа дека тие доаѓаат порано овој пат.
Исто така, се чини дека нешто сосема ново се појавува на хоризонтот.
Според Тим Кук, шефот на „Епл“, најновиот член на семејството на „Епл“ пристигнува в среда, 19 февруари. Тој објави видео на „Икс“ со холографско лого на „Епл“ со натпис: „Подгответе се да го запознаете најновиот член на семејството. Среда, 19 февруари. #AppleLaunch“.
Get ready to meet the newest member of the family.
Wednesday, February 19. #AppleLaunch pic.twitter.com/0ML0NfMedu
— Tim Cook (@tim_cook) February 13, 2025
Иако не откри за каков уред станува збор, се појавија шпекулации дека тоа би можело да биде ажурирана верзија на серијата iPhone SE. Иако тоа е само шпекулација, сѐ почна со изјавата на Марк Гурман, кој сугерира дека може да се појави iPhone SE 4 – и има добар аргумент за тоа.
Пишувајќи за „Блумберг“, Гурман рече: „iPhone SE 4 ќе го модернизира моделот со пониска цена за да поттикне раст и да ги привлече корисниците да се префрлат од други брендови на ‘Епл’“.
Тој тврди дека информацијата му била пренесена од луѓе што побарале да останат анонимни бидејќи објавувањето на „Епл“ е приватно.
Но, тоа не е сѐ бидејќи тој исто така верува дека во 2025 година ќе бидат претставени и други производи, вклучувајќи MacBook со чип M4 и надградби на моделите iPad Air, како и уредите на Apple Watch и новите модели на iPhone.
Луѓето на „Икс“ ја коментираат објавата на Тим Кук очајно барајќи трага.
Некој праша: „Можете ли да ни дадете поконкретни информации?“, „Едвај чекам да видам што е тоа!“, напишал друг корисник, а трет коментирал: „Возбудливо! Можеби е Apple Vision? Изгледа ќе треба да почекаме до 19 февруари за да дознаеме“.