Контакт

Наука

Новиот руски космодром подготвен за првото лансирање

Објавено пред

Техничките системи на идниот космодром „Васточни“, кој е од стратешко значење за Русија, се готови и ќе бидат подготвени за првото лансирање на ракета на 27-ми април, објави заменикот на рускиот премиер, Дмитриј Рогозин по средбата со претседателот Владимир Путин.

Ракетата носач „Сојуз-2.1а“ за првото лансирање од космодромот „Васточни“ (Исток), е поставена во комплексот за лансирање, соопштија во саботата од руската агенција за вселенски истражувања Роскосмос. Таа во орбитата ќе понесе два научни сателита и еден научен наносателит развиен во Аерокосмичкиот универзитет во Самара.

„Претседателот го известив дека техничките системи се подготвени“, изјави вицепремиерот Рогозин за агенцијата ТАСС.

На почетокот од април, државната комисија по инспекцијата на комплексот донесе одлука од новиот космодром првата ракета да биде лансирана на 27-ми април во 5 часот наутро по московско време, 3 часот по македонско.

Рогозин изјави дека космодромот недалеку од Хабаровск на крајниот исток на Русија е „извонредно важен и ќе ја гарантира апсолутната независност“ на Русија кога станува збор за вселенските истражувања.

„За нас тоа е еден од проектите од национален приоритет“, изјави претседателот Путин пред вработените во новиот космодром обраќајќи им се преку видео линк по повод Денот на астронаутите со кој во Русија се одбележува првиот лет во Вселената кој на 12-ти април 1961 година го изведе тогаш советскиот астронаут Јуриј Гагарин.

Со изградбата на овој космодром Москва повеќе нема да зависи од Бајконур во Казахстан, кој Русија по распадот на Советскиот сојуз го изнајмува за големи суми. Од Казахстан се лансираат летовите и за Меѓународната вселенска станица (ISS).

Космодромот Васточни почна да се гради во Амурската област од 2010 година и е со вкупна површина од 700 квадратни километри. Првото лансирање од овој космодром беше планирано за декември 2015 година, но претходно во октомври Путин предложи лансирањето да биде одложено за пролетта 2016-та./крај/мф/сн

Извор: Макфакс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

(Видео) НАСА успешно го лансира „роверот“, кој треба да даде конечни докази за живот на Марс

Објавено пред

Со денешното лансирање на „роверот“ „Персеверенс“ („Истрајност“), НАСА ја почна својата најнова мисија на Марс, која многумина ја сметаат за најамбициозен обид да се пронајдат докази дали некогаш имало живот на Црвената планета.

„Роверот“ беше лансиран во вселената со ракетата „Атлас 5“, а лансирањето може да го видите во видеото подолу.

„Персеверенс“ ќе има задача да ја пребарува површинта на планетата за остатоци од древни микроби кои можеби биле населени таму пред повеќе од три милијарди години.

Претходните американски мисии утврдија дека животот на Марс е можен, т.е. дека постојат поволни услови за живеење. „Персеверенс“ е подобрената верзија на роботот „Кјуриозити“, кој слета на Марс во 2012 година и ќе ги анализира карпите на Марс, а пред сè ќе земе примероци што следната мисија ќе ги донесе на Земјата во 2031 година, пишува АФП.

„Сè уште не знаеме дали постоел живот на Марс, а оваа мисија, наречена ‘Марс 2020’, ќе се обиде да одговори на тоа прашање. Првпат во историјата НАСА посвети мисија на астробиологијата, истражување за животот, сегашен или поранешен, на еден друг свет“, рече Џим Бриденстајн, шеф на НАСА.

Роботизираниот „ровер“ предвидено е до Марс да патува седум месеци и да слета во кратерот Jeзеро 18 во февруари 2021 година.

Се работи за „ровер“ со шест тркала, кој тежи 1.040 килограми. Тој носи и мал хеликоптер, кој ќе се обиде летајќи да ја истражува Црвената планета. „Роверот“ има и роботска рака, серија камери, чифт микрофони и други додатоци.

Прикажи повеќе...

Забава

Астрофизичар кој соработувал со Пентагон: Најдовме остатоци од летало, кои сигурно не се од Земјата

Објавено пред

Пентагон сè уште има тајна единица за испитување неидентификувани летачки објекти (НЛО), а набргу ќе мора да го објави она што го откриле во нивните истражувања, пишува „Њујорк тајмс“ во ексклузивен извештај.

Иако Пентагон тврдеше дека ја укинал својата тајна програма за истражување НЛО уште во 2012 година, се чини дека програмата била само преместена и преименувана. Самото постоење на напредната програма за идентификација на воздушно-веселенски закани беше откриено токму од „Њујорк тајмс“ во 2017 година, пет години откако наводно оваа програма била прекината. Програмата била иницирана во 2007 година, а еден од нејзините главни иницијатори бил тогашниот претседател на Сенатот, Хари Рид.

Она што е особено интересно е дека дел од истражувањата во рамките на оваа програма ќе треба да биде објавено во рок од 180 дена од донесувањето на законот за авторизација на разузнавачките податоци.

И додека некои лица вклучени во програмата се надеваат дека ќе се обелоденат докази за вонземјански летала за кои се шпекулира со децении, главниот фокус е сè уште на тоа дали станува збор за напредна технологија од ривалски воени сили, пишува „Њујорк тајмс“.

Сенаторот Марко Рубио, претседател на Комисијата за разузнавање на Сенатот, коментира за Си-би-ес дека е особено загрижен за НЛО, кои се забележани како летаат над воените бази на САД – особено поради можноста Русија или Кина да направиле некаков технолошки скок што им дозволува таков вид активност…

„Можеби има некое здодевно објаснување за тоа. Но, ние мора да откриеме“, додаде Рубио, инаку познат како јастреб меѓу американските пратеници, односно застапник за воени интервенции и одржување на американската воена супериорност во светот.

Меѓутоа, поранешниот директор на програмата за НЛО и поранешен службеник во военото разузнавање, Луис Елизондо, потврди дека тој и неколку други поранешни владини функционери и научници веруваат оти објекти чие потекло не може да се утврди навистина паднале на Земјата, а додаде и дека нивните остатоци биле однесени на анализа.

Елизондо, кој поднел оставка во 2017 година, по 10 години на чело на програмата за НЛО, смета дека програмата повеќе нема да се крие во сенка и дека ќе добие нова транспарентност.

Ерик В. Дејвис, астрофизичар, кој работел како консултант за програмата за НЛО на Пентагон од 2007 година, тврди дека анализата на некои од пронајдените материјали не успеала да го идентификува нивниот извор.

„Такво нешто е невозможно сами да направиме“, вели Дејвис во однос на откриени остатоци од вселенско летало, притоа мислејќи на човештвото во целина.

Теориите за НЛО, кои досега претежно спаѓаа во областа на алтернативни и псевдонаучни истражувања, добија нов момент и внимание во јавноста откога Пентагон пред неколку месеци официјално објави неколку снимки од блиски средби на американски воени авиони со НЛО.

Прикажи повеќе...

Наука

(Видео) НАСА ги објави досега најблиските фотографии од Сонцето

Објавено пред

Сателитот лансиран на 10 февруари 2020 година, од половина од растојанието помеѓу Земјата и Сонцето, испрати фотографии кои откриваат сосема нов феномен на Сонцето, што може да обезбеди одговор на најголемата тајна.

„Не очекувавме вакви одлични резултати на почетокот. Можеме да видиме и како нашите 10 научни инструменти се надополнуваат едни со други, со што се комплетира холистичката слика за Сонцето и непосредната околина“, се наведува на официјалната веб-страница на Европската вселенска агенција, каде се пренесува изјава на  Даниел Милер, еден од научниците кои работат на проектот Солар орбитер.

Тоа е заеднички проект на ЕСА и НАСА. Ниту еден вселенско летало од Земјата досега не се приближило волку до Сонцето. Она што ги воодушеви научниците беа фотографиите на „пожари“, односно еден вид соларен пламен, познати како „камперски огништа“, кои досега не биле документирани.

Давид Бергманс, дел од Кралската белгиска опсерваторија, истакнал дека „камперските огништа“ кои се милиони пати помали од соларните огнови, можат да се проучуваат и од Земјата.

Најмалото соларно огниште било слично на големина на мала европска држава. Според Бергманс, Сонцето изгледа смирено, но доколку детално се проучат фотографиите, можат минијатурните ерупции да се забележат насекаде по неговата површнина.

Сепак, научниците сè уште не можат да знаат дали станува збор за феномени од ист вид како големи факели, само помали во обем, или дали се предизвикани од сосема различни механизми на Сонцето.

„Овие’ пожари ’се целосно незначителни само по себе, но ако го додадете нивниот ефект од површината на целото Сонце, тие би можеле значително да придонесат за целокупната топлина на соларна корона“, рече Фредерик Аучер.

Прикажи повеќе...

Најново

Македонија21 минута

Црна Гора ги отвора границите за македонските граѓани

Директорот на Институтот за јавно здравје, Бобан Мугоша, изјави дека Црна Гора од утре ќе ги отвори своите граници за...

Топ25 минути

Уапсен тетовец кој запалил две возила на ЕВН

Пожарникарите во Тетово во текот на ноќта интервенирале на две запалени возила, сопственост на компанијата ЕВН Македонија, на две одвоени...

Македонија57 минути

СДСМ: Продолжуваат сериозни разговори за формирање одговорна Влада

„СДСМ, како предводник на коалицијата „Можеме“, со освоени најмногу пратенички места во Собранието го доби мандатот за состав на нова...

Свет1 час

Германка заразена со Ковид-19 ќе плати казна од 10 илјади евра бидејќи го напуштила карантинот

Судот во Австрија казни жена на 10.800 евра бидејќи го напуштила карантинот додека била заразена со коронавирус. Регионалниот суд во...

Свет1 час

СЗО: Руската вакцина не е меѓу деветте кои се во напредна фаза на тестирање

Светската здравствена организација соопшти дека вакцината одобрена од Русија оваа недела не е меѓу деветте, за кои се смета дека...

Свет4 часа

Поради поплаките на Трамп, се менува стандардот за тушевите

Кога американскиот претседател, Доналд Трамп, повеќепати се пожали дека не му се допаѓа начинот на кој работат тушевите, американските власти...

Свет12 часа

(Видео) Маж спасен во последната секунда, му се заглавила инвалидската количка во пругата додека доаѓал воз

Камера од опремата на полицајка во Калифорнија сними неверојатно спасување во последен миг на лице со попреченост, чијашто инвалидска количка...

Свет13 часа

Израел и Обединетите Арапски Емирати постигнаа историски договор со посредство на Трамп

Претседателот на САД, Доналд Трамп соопшти дека телефонски разговарал со лидерите на Израел и Обединетите Арапски Емирати и дека е постигнат...

Европа14 часа

Белгија воведува пилот програма за брзо тестирање на Ковид-19 во домашни услови

Илјадници студенти од белгискиот Универзитет во Лијеж од септември секоја недела дома ќе собираат примерок од плунката за брз тест...

Македонија15 часа

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија16 часа

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија16 часа

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Топ17 часа

Женско тело извадено од водите на Пчиња

Безживотно женско тело било забележано во водите на реката Пчиња. Како што информираат од полицијата, телото било пронајдено вчера под...

Македонија18 часа

Американската амбасадорка му го честита мандатот на Заев

Американската амбасадорка, Кејт Мари Брнз, му го честита мандатот на лидерот на СДСМ, Зоран Заев за состав на нова влада....

Економија20 часа

Пропаѓањето на Еуростандард банка го блокира платниот промет во „Македонска пошта“

Поради пропаѓањето на Еуростандард банка, платниот промет во „Македонска пошта“ е блокиран, соопшти генералниот директор Ејуп Рустеми. Тоа значи дека...

Македонија20 часа

141 нов случај на Kовид-19 во земјата, починале 2 лица

Министерството за здравство информира дека во последните 24 часа се направени 1.848 тестирања, а регистрирани се 141 нов случај на...

Македонија21 час

(Видео) Ахмети: Заев треба да понуди силни аргументи зошто Албанец не би бил премиер

Лидерот на ДУИ, Али Ахмети, на брифинг за новинарите денеска рече дека деновиве продолжуваат работните средби со лидерот на СДСМ,...

Македонија21 час

Заев: Подготвен сум да бидам премиер во наредните четири години

Лидерот на СДСМ, Зоран Заев, е уверен дека ќе успее да состави влада во следните 20 дена, а веќе денеска...

Македонија21 час

(Видео) Лидерите од албанскиот блок не дојдоа, Ахмети остана сам на средбата во хотелот „Парк”

На закажаната средба на партиите од албанскиот блок на иницијатива на ДУИ се појави само Али Ахмети. Како што рече...

Македонија22 часа

Браќа од Битола обвинети за ширење детска порнографија, собирале интимни снимки од малолетнички

Битолското Јавно обвинителство поднесе обвинение против двајца браќа од Битола на возраст од 51 и 52 години, од кои едниот...

Досие