Зоолошката градина во Варшава објави дека ќе започне да им дава медицинска марихуана на слоновите како дел од пилот-проект, тестирајќи како тоа влијае на стресот и вознемиреноста што ги чувствуваат и овие големи животни, пренесува Дејли меил.

Медицинска марихуана веќе се користи во некои делови на светот за лекување на кучиња и коњи, но ова е првпат да се испроба во експеримент врз слонови, соопштија полските ветеринари.

Д-р Агниешка Чујковска, ветеринар кој го води проектот, смета дека „ова е веројатно првата иницијатива од ваков вид што се применува на слоновите“. Таа посочи дека таа и нејзините колеги ќе се обидат да најдат нова природна алтернатива на веќе постоечките методи на управување со стресот кај слоновите. Таа истакна дека тие сакаат да избегнат употреба на фармацевтски препарати.

Идејата за лекување на неколку слонови со медицинска марихуана, тројца ветеринати ја добиле откако во зоолошката градина починала алфа женката Ерна во март.

Слоницата Фреџија покажала многу силни знаци на стрес по смртта на Ерна, во исто време обидувајќи се да воспостави нов вид врска со другиот слон Буба.

Чујковска вели дека често месеци и дури години поминуваат пред слоновите да успеат да ја надминат смртта на постар член на стадото и да ја воспостават хармонијата.

Првата фаза на експериментот е веќе завршена, и вклучуваше собирање измет, плунка и крв од сите слонови за да провери нивото на кортизол, хормон што телото го произведува кога е под стрес.

„Планираме на Фреџија да и дадеме масло од канабис и постојано да го проверуваме нивото на кортизол. Тогаш со сигурност ќе знаеме дали функционира оваа постапка“, рече д-р Чујковска.

Медицинската марихуана ќе им се дава на слоновите директно во устата или ќе се меша со храна, а здравјето на другите слонови ќе се проверува редовно преку крвни тестови.

Почетните дози во количина ќе бидат слични на оние што им се даваат на коњите, што значи десетина капки масло од канабис поделени во две до три дози на ден. Иако е дериват на канабис, ова масло не ја содржи психоактивната супстанција TХЦ.

Запишете се на Факултетот за прехранбена индустрија на Американскиот универзитет на Европа – ФОН затоа што иднината е во квалитетно производство на здрава храна.

Овој факултет е целосно креиран согласно американските стандарди и висок квалитет на образование и со директен линк на Универзитетот Мајами од Охајо, САД, и заемна соработка со Американскиот универзитет на Европа – ФОН од Скопје.

Светот се соочува со недостиг од храна во неразвиените региони, но и со прекумерна количина на вносна нездрава храна во земјите со развиени економии.

Ова доведува до огромни предизвици кои ги наметнува динамиката на новиот стил на живот која го смени и начинот на исхрана.

Затоа ни е потребна одржливост, умешно и успешно менаџирање на нови извори за добра храна, за здрава храна, која потекнува од здрава животна средина и обновливи извори на енергија.

Факултетот за прехранбена индустрија на Американскиот универзитетна Европа – ФОН во Република Северна Македонија е вистински избор за вас и вашата иднина.

(ПР текст)

Од 1994 година од површината на Земјата се изгубени вкупно 28 трилиони тони мраз. До овие податоци дојдоа британските научници кои користеле сателити за да ја истражат површината на Земјата.

Според „Гардијан“, ова количество на загубен мраз е зачудувачко за научниците од универзитетите во Лидс, Единбург и Лондон.

Доколку глечерите и ледените плочи продолжат да се топат со ова темпо, секој сантиметар раст на нивото на морето ќе значи околу еден милион луѓе да бидат раселени од нивните домови. Научниците посочуваат дека топењето на мразот во овие количества сериозно ја намалува можноста Земјата да го одбие сончевото зрачење назад во вселената. Мразот исчезнува, а морето или земјата под него апсорбираат се повеќе топлина, со што се зголемува затоплувањето на планетата.

Ледената маса на Гренланд изгубила рекордна количина мраз во 2019 година, што е еквивалентно на милион тони во минута во текот на целата година, покажуваат сателитските податоци.Климатската криза го загрева Арктикот со двојно поголема стапка во пониските ширини, а топењето на ледниците е најголемиот придонес кон зголемувањето на нивото на морето, кое веќе ги загрозува бреговите низ целиот свет. Ледената маса се намали за 532 милијарди тони минатата година, додека нејзината површина се топи и глечерите паднаа во океанот и полнат седум олимписки базени во секунда.

Сателитските податоци се собираат од 2003 година. Загубата во 2019 година беше двојно поголема од просекот на годината од 255 милијарди тони. Таа маса беше изгубена само во јули 2019 година.
Истражувачите велат дека обемот на загубата во 2019 година е шокантен и веројатно ќе биде најголем во вековите, па дури и милениумите.

Ако се стопи целата ледена маса на Гренланд, нивото на морето би се зголемило за шест метри. Но, истражувачите рекоа дека не е сигурно дека масата ја поминала точката од која нема враќање и дека намалувањето на емисијата на јаглерод ќе го забави топењето, што ќе трае со векови за да се заврши.