Наука
Откриен нов сателит на Земјата, кој кружел веќе стотина години.ВИДEО

Астрономите открија нов ткн квази-сателит, или „мини Месечина“ на Земјата, астероидот 2016 НОЗ, кој станал привремен природен сателит на нашата планета пред околу стотина година, и ќе кружи околу неа уште неколку стотици години, објави минатата седмица Лабораторијата за објекти во близина на Земјата на американската агенција за вселенски истражувања NASA.
„Бидејќи 2016 НОЗ кружи околу нашата планета и никогаш не се оддалечува од неа како ротацијата на Земјата околу Сонцето, тој може да се нарече квази сателит на Земјата. Другиот астероид – 2003 YN107, се движел по сличната патека пред околу десет години, но тој одамна ја напуштил нашата област. Новиот сателит на Земјата е многу постабилен, и нашите пресметки покажуваат дека тој ја придружувал нашата планета повеќе од сто години, и ќе го прави тоа уште векови“, вели Пол Чодас, директорот на Лабораторијата на NASA во Пасадена.
Чодас и неговите колеги ја откриле „новата мини Месечината“ на Земјата истражувајќи го вселенското пространство со помош на телескопот Pan-STARRS на Хаваи. Кон крајот на април годинава откриле помал астероид, со дијаметар од стотина метри, кој се однесува како квази сателит на Земјата.
Астероидот 2016 HO3 не е првиот кој во минатото станал природен сателит на Земјата. Научниците објаснуваат дека гравитацијата на нашата планета може да „фати“ ткн соорбитални астероиди, по што тие почнуваат да исцртуваат гигантски спирали околу Земјата, станувајќи „квази сателити“.
На астрономите познати им се уште четири вакви небесни тели, кои станале привремени „Месечини“, односно астероидите означени како 2003 YN107, 2004 GU9, 2001 GO2 и 2002 AA29. Сите тие можат редовно да се приближат на Земјата, но овие објекти, за разлика од 2016 HO3, кружеле околу нашата планета само миг според астрономските мрки, неколку години или децении.
Пресметките на Чодас и неговите колеги покажале дека 2016 HO3 периодично ја следи Земјата, наоѓајќи се поблиску до Сонцето отколку таа, а потоа оди во сенката на нашата планета. Покрај тоа, тој периодично се менува во однос на еклиптиката (рамнината на орбита на Земјата), ја менува својата позиција по секое свртување околу изворот на светлината.
Астероидот 2016 HO3, како и ткн „тројански астероид“ 2010 ТК7, своевиден предвесник на Земјата, „страдаат од терафобија“, тој никогаш не се доближил до планетата поблиску од 38 растојанија од Земјата до Месечината. Од друга страна, пак, според Чодас, тој никогаш не се оддалечил од неа на повеќе од сто растојание од нашата планета и нејзиниот главен природен сателит.
Сега Чодас и неговите колеги вршат дополнителни набљудувања на оваа „квази Месечина“ обидувајќи се да ги уточнат нејзините димензии и да ги пресметаат другите важни параметри, како масата на 2016 HO, неговата густина и хемискиот состав, што е неопходно за точното предвидување на иднината на астероидот/крај/мф/сн
Извор: NASA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Шпански колбас прикажан како нова ѕвезда снимена со телескопот Џејмс Веб

Француски научник упати јавно извинување откако твитна фотографија од парче колбас чоризо, тврдејќи дека се работи за далечна ѕвезда снимена од вселенскиот телескоп Џејмс Веб.
Етјен Клајн, прославениот физичар и директор на француската Комисија за алтернативна и атомска енергија, сподели фотографија од зачинетиот шпански колбас на Твитер, истакнувајќи ја количината на детали што ги нуди фотографијата.
“Фотографијата на Проксима Кентаури, најблиската ѕвезда до Сонцето, која се наоѓа на 4,2 светлосни години од нас. Фотографијата е направена од вселенскиот телескоп Џејмс Веб. Ова ниво на детали… Секој ден се открива нов свет”, физичарот им порача на своите следбеници на Твитер.
Photo de Proxima du Centaure, l’étoile la plus proche du Soleil, située à 4,2 année-lumière de nous.
Elle a été prise par le JWST.
Ce niveau de détails… Un nouveau monde se dévoile jour après jour. pic.twitter.com/88UBbHDQ7Z— Etienne KLEIN (@EtienneKlein) July 31, 2022
Илјадници корисници го споделија овој твит и ја коментираа објавата, земајќи го за збор истакнатиот научник. Подоцна тој призна дека фотографијата всушност била крупен кадар на парче колбас chorizo на црна позадина.
„ Па, кога е час за коктел, когнитивната пристрасност има многу за уживање… Бидете свесни за тоа. Според модерната космологија, ниту еден предмет поврзан со шпанскиот деликатес не постои никаде на друго место освен на Земјата“, напиша Клајн.
Откако се соочи со реакции од заедницата на Твитер, тој мораше да објасни дека тоа е шега.
„ Да научиме да бидеме внимателни со аргументите кои доаѓаат од позиција на моќ, како и со спонтаната елоквентност на одредени слики“, рече Клајн. На почетокот на август уште еднаш и се извини на јавноста, изјавувајќи дека намерата му била да го привлече вниманието на сликите кои како да „зборуваат сами“, а вистината е дека всушност е далеку од тоа!
Телескопот Џејмс Веб е најмоќниот телескоп кој некогаш бил испратен во вселената. Официјално започна со работа на 12 јули, а на нашата планета испраќа слики со огромна резолуција од SSD.
Забава
Откриена џиновска озонска дупка – седум пати поголема од онаа на Антарктикот

Над тропските региони е откриена озонска дупка седум пати поголема од озонската дупка на Антарктикот.
Но, според канадскиот истражувач Чинг-Бин Лу, таа постои од 1980-тите. Професорот Чинг-Бин Лу од Универзитетот во Ватерло во Онтарио ја откри оваа озонска дупка која опстојува во сите годишни времиња во долната стратосфера над тропските предели (на 30 степени северна – 30 степени јужна географска ширина).
Длабочината на оваа тропска озонска дупка е споредлива со длабочината на добро познатата озонска дупка што се појавува на пролет над Антарктикот, додека нејзината површина е околу седум пати поголема.
Во средината на седумдесеттите, атмосферските истражувања покажаа дека озонската обвивка, која го апсорбира најголемиот дел од сончевото ултравиолетово зрачење, може да биде оштетена од индустриски хемикалии, пред сè хлорофлуоројаглероди (CFC), се вели во статија на порталот „Дискавери“.
Откривањето на озонската дупка на Антарктикот во 1985 година ја потврди штетата на озонската обвивка предизвикана од CFC. Иако забраните за такви хемикалии помогнаа да се забави осиромашувањето на озонската обвивка, новите докази сугерираат дека штетите опстојуваат.
„Тропските предели сочинуваат половина од површината на планетата и се дом на речиси половина од светската популација. Постоењето на тропска озонска дупка може да предизвика голема глобална нерамнотежа бидејќи осиромашувањето на озонот може да доведе до зголемување на УВ зрачењето на ниво на земја, што го зголемува ризикот од рак на кожата и катаракта, ги намалува земјоделските приноси и негативно влијае на чувствителните водни организми и екосистеми“, предупредува професорот Лу, истражувач на Катедрата за физика и астрономија, Катедрата за биологија и хемија на Универзитетот во Ватерло.
Откривањето на оваа озонска дупка, која опстојува во текот на целата година над тропските предели, беше изненадување за научната заедница, бидејќи врз основа на постоечките конвенционални фотохемиски модели, никој не го ни погоди нејзиното постоење.
Губењето на озонот води до стратосферско ладење, така што постоењето на тропска озонска дупка во текот на целата година и сезонски поларни озонски дупки е еквивалентно на формирање на три „температурни дупки“ во долната стратосфера на Земјата.
Забава
Астрономите открија необично голема и светла црна дупка

Астрономите ја открија најбрзо растечката црна дупка со маса еквивалентна на масата на три милијарди сонца, која троши еквивалент на една Земја секоја секунда и сјае 7.000 пати посилно од нашата галаксија, објави Австралискиот национален универзитет (АНУ).
„Астрономите ловат вакви објекти повеќе од 50 години. Тие пронајдоа илјадници бледи, но овој зачудувачки светол објект се провлекол незабележано“, рече главниот истражувач на АНУ, Кристофер Онкен, нарекувајќи го „многу голема, неочекувана игла во стог сено“.
„Сега сакаме да знаеме зошто оваа црна дупка е поинаква – дали се случило нешто катастрофално? Можеби две големи галаксии се урнале една во друга, насочувајќи многу материјал во црната дупка за да ја нахранат“, рече Онкен.
Коавторот Кристијан Волф ја нарече рекордната црна дупка „извонредна“.