Контакт

Здравје

Откриено ново мозочно нарушување поврзано со зика вирусот

Објавено пред

Бразилските научници откриле ново мозочно нарушување кај возрасни лица поврзано со зика вирусот, автоимун синдром наречен акутен дисеменирачки енцефаломијелитис (ADEM), кој ги напаѓа мозокот и ‘рбетниот мозок.

dobivaj vesti na viber

Зика вирусот веќе е поврзуван од научниците со автоимуното нарушување Џулијан-Бареовиот синдром кој го напаѓа периферниот нервен систем предизвикувајќи привремена одземеност во која во некои случаи пациентите мораат да бидат ставени на респиратор за да можат да дишат.

Новото откритие дека зика може да предизвика напад на имуниот систем и централниот нервен систем и со тоа откритие се зголемува постојано прошируваната листа на невролошки нарушувања кои се поврзани со зика вирусот.

Според Светската здравствена организација (СЗО – WHO), постои силен научен консензус дека сика вирусот, освен Џулијан-Бареовиот синдром може да предизвика и вродена микрокефалија, односно неразвиен мозок кај новороденчињата, иако до конечното потврдување на тоа ќе изминат месеци или години. Најмалку 13 земји известиле за случаи на Џулијан-Бареовиот синдром поврзани со вирусот зика, известија од СЗО.

Бразил објави дека досега потврдил повеќе од 940 случаи на микрокефалија поврзани со инфекција од вирусот зика кај мајките. Бразил истражува речиси 4.300 дополнителни сомнителни случаи на микрокефалија.

Освен автоимуните нарушувања, некои научници известија и за случаи кога кај пациенти заразени со зика вирусот се развиле енцефалитис или миелитис, невролошко нарушување предизвикано од директна инфекција на нервното ткиво.

„Иако нашата студија е мала, таа може да даде докази дека во овој случај вирусот има различни ефекти врз мозокот од оние прикажаните во другите проучувања“, вели Марија Лусија Брито, невролог од болницата во Ресифе.

Појавата на ADEM е вообичаена по инфекции предизвикувајќи силно отекување на мозокот и на ‘рбетниот мозок, што го оштетува миелинскиот покривач на нервите. Резултира со општа слабост, губење на осетот, рамнотежата и видот, симптоми слични кај мултиплекс склероза.

Со истражувањето биле опфатени 151 пациент кој минал низ болницата во Ресифе од декември 2014 до јуни 2015 година. Сите биел заразени со вирусите од групата арбовируси којашто го опфаќа и зика вирусот.

Кај шест пациенти се појавиле симптоми на автоимуно нарушување, од коишто четворица имале Џулијан-Бареов синдром а двајца ADEM. Во двата случаи на ADEM, снимките на мозокот покажале оштетување на белата материја. Симптомите на ADEM просечно траат по шест месеци./крај/мф/сн

Извор: Reuters



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Две намирници што најмногу дебелеат кога се консумираат на „празен стомак“

Објавено пред

Појадокот е најважниот оброк, но треба да внимавате што јадете на празен стомак. Лекарите велат дека одредени намирници можат да бидат штетни ако се консумираат „на празен стомак“.

dobivaj vesti na viber

Зошто е важен првиот оброк наутро? Појадокот поттикнува многу метаболички процеси, па затоа е важно да знаете од кои состојки е направен и како тие влијаат на телото.

Тоа во голема мера го обликува нашето однесување во исхраната, влијае на здравјето на поединечните органи и на телото како целина. Утринскиот оброк влијае на нашето расположение, па дури и нашата телесна тежина често зависи од тоа што јадеме наутро.

Затоа експертите препорачуваат пиење чаша топла вода секое утро и избор на протеинска храна. А што не се препорачува?

Свежо исцеден сок

Киселите сокови, кои повеќето ги нарекуваме здрави и се направени од цедено овошје, можат да бидат штетни за желудникот. Покрај тоа, соковите се извор на едноставни шеќери кои нема да нè заситат, напротив!

Ако ги пиеме на празен стомак, тоа само ќе го зголеми апетитот и ќе ги зголеми мастите. Сето ова придонесува за дебелина. Нутриционистите велат дека ако претпочитате „течни“ оброци, подобро е да имате зеленчукови смутија за појадок.

Секаков вид печиво

Повеќето луѓе избираат печива за прв оброк наутро, но оваа храна е една од најлошите опции. Големата количина шеќер, масти и пченично брашно само го зголемува нивото на шеќер во крвта, што создава лажно чувство на ситост кое многу брзо поминува. Печивата на празен стомак само придонесуваат за прекумерна тежина.

Прикажи повеќе...

Забава

Шест чудни начини да согорувате калории без да се заморите

Објавено пред

Секако, калорискиот дефицит е главниот метод за губење на тежината, но сигурно е дека добриот метаболизам е подеднакво корисен во равенката.

dobivaj vesti na viber

Да, секако дека помага правилно да се храните, да вежбате во теретана за да градите мускули и да пиете вода, но постојат неколку необични начини да согорите неколку дополнителни калории без многу напор или замор.

Гума за џвакање
Докажано е дека гумата за џвакање ве прави да се чувствувате сити и го намалува внесот на калории со тоа што ве спречува да грицкате.

Но, покрај тоа, истражувањата покажаа дека ако џвакате гума околу 20 минути по секој оброк, согорувате повеќе калории отколку ако не го правите тоа. Ако го практикувате ова, изберете гума за џвакање без шеќер.

Преферирате ладно пред топло
Кафеавите масти се еден од двата вида масти што се наоѓаат во човечкото тело. Она што е фасцинантно е дека кога кафеавите масти се стимулираат, тие можат да согоруваат бели масти или складирани калории.

Според истражувањата, изложеноста на ниски температури може значително да го зголеми согорувањето на калории, во зависност од тоа колку активни кафеави масти имате во вашето тело.

Можете да се обидете да ја намалите температурата во вашиот дом, да се туширате со ладна вода или дури и да прошетате во деновите кога е малку ладно.

Станете дарител на крв
Кога дарувате крв, бројот на калории што ги согорувате се зголемува – барем привремено. Кога дарувате крв, вашето тело ја користи дополнителната енергија за синтеза на нови протеини, црвени крвни зрнца и други компоненти на крвта за да го надомести изгубениот волумен.

Истражувањата исто така покажуваат дека дарувањето крв може да обезбеди многу здравствени придобивки, вклучувајќи намалување на маркерите, зголемување на антиоксидантната активност и намалување на ризикот од срцеви заболувања. Најважно од сè, секако, секој пат кога дарувате крв, спасувате живот.

Смеа
Смеата е најдобриот лек, според клишето, но и според истражувањата, бидејќи помага за меморијата, имунолошкиот систем и функцијата на артериите, а може да ви помогне и да согорите калории.

Во една студија, 45 парови гледале комедии. Кога се смееле за време на смешни сцени, нивниот метаболизам се зголемил за 10–20%.

Плачење
Се смета дека плачењето согорува приближно иста количина калории како и смеењето – 1,3 калории во минута, според една студија. Тоа значи дека за секои 20 минути што плачете, согорувате 26 калории повеќе отколку што би согорувале без солзи.

Движете се кога сте нервозни
Не ја потиснувајте нервозата што ја чувствувате. Продолжете да ја движите ногата под вашата маса, бидејќи истражувањата покажуваат дека тоа му помага на вашиот метаболизам.

Во една студија, луѓето кои се движеле додека седеле согорувале во просек 5 до 6 пати повеќе калории отколку кога седеле или стоеле мирно.

Оваа логика се нарекува термогенеза на активност без вежбање (NEAT) и може значително да го зголеми бројот на калории што ги согорувате секој ден. На пример, еден тим истражувачи сугерираше дека комбинацијата од џогирање, одење и стоење може да согорува до 2.000 дополнителни калории дневно – во зависност од тежината и нивото на активност на лицето.

Алтернативно, можете да ги користите скалите, да стоите наместо да седите на вашата маса или да ја чистите куќата.

Прикажи повеќе...

Забава

Храна што никогаш не треба да ја јадете на празен стомак

Објавено пред

Иако појадокот се смета за најважен оброк во денот, многу луѓе го прескокнуваат.

dobivaj vesti na viber

Меѓутоа, ако сте еден од оние луѓе кои појадуваат, еден лекар советува што треба да избегнувате за време на првиот оброк во денот.

Д-р Лоана Андраде Пелајо предупреди дека не треба да консумирате храна богата со јаглехидрати на празен стомак, истакнувајќи дека оваа мала промена може да има значително влијание врз вашето здравје.

Таа објасни дека прилагодувањето на редоследот на јадење може да ви помогне подобро да го контролирате шеќерот во крвта и да избегнете одредени здравствени состојби.

„Она што навистина сакаме да го направиме е да го контролираме лачењето на инсулин“, рече таа.

Ова значи дека е важно да го следиме правилниот редослед на исхрана, бидејќи тоа може да им помогне на нашите тела да функционираат подобро и да станат поефикасни во спречувањето на дијабетес тип 2 или инсулинска резистенција.

Ако прво јадете зеленчук и протеини, а потоа јаглехидрати, нивото на шеќер во крвта нема да се зголеми, а секрецијата на инсулин ќе биде под контрола.

Истражувањата ги поткрепуваат нејзините тврдења – едно покажува дека појадокот често предизвикува најголем скок на шеќерот во крвта по оброкот кај луѓето со дијабетес тип 2.

Затоа појадокот што е сиромашен со јаглехидрати и богат со масти и влакна помага во намалувањето на скоковите на шеќерот по оброкот.

Оваа едноставна промена може да ги намали и вкупните нивоа на шеќер во крвта во текот на денот и да ја подобри нивната стабилност.

Студија објавена во списанието Nature покажува дека консумирањето јаглехидрати на празен стомак предизвикува нагло зголемување на нивоата на млечна киселина.

Во студијата, 15 учесници направиле орален тест за толеранција на гликоза по 12 часа постење, консумирајќи 75 грама гликоза во вода.

Резултатите покажале дека нивоата на млечна киселина почнале да се зголемуваат по само пет минути, додека нивоата на гликоза во крвта не почнале да се зголемуваат сè до околу 30 минути подоцна.

Студијата сугерира дека консумирањето јаглехидрати на празен стомак води до претворање на гликозата во млечна киселина во цревата, која потоа се апсорбира во крвотокот.

Ако консумирате јаглехидрати на празен стомак – што најверојатно е за време на појадокот – тоа може да доведе до млечна ацидоза. Ова е форма на метаболна ацидоза што се јавува поради недоволно отстранување на млечната киселина од крвта.

Експертите забележуваат дека млечната ацидоза може да предизвика сериозни компликации. Најголемиот проблем е зголемената депресија на срцевиот мускул што се јавува поради намалената pH вредност на крвта.

Прикажи повеќе...

Најново

Македонија32 минути

„Човекот кој инсистираше Алијансата за Албанците да се поврзе со Ахмети, денес ќе се изгласа за министер за здравство“, велат од АА

„Азир Алиу, човекот кој инсистираше Алијансата за Албанците да се поврзе со Али Ахмети, прв и главен човек кој ја...

Македонија1 час

„Влен“: Носиме промени со имиња што го прават секој граѓанин горд

„Во време кога на земјата ѝ се потребни професионализам, посветеност и вистинскo претставување повеќе од кога било, „Влен“ го презема...

Македонија2 часа

Влада: Tелефонската линија за сите повредени и нивните семејства во трагедијата во Кочани е во функција, Пониква станува центар за рехабилитација

Од денес телефонската линија за сите повредени и нивните семејства во трагедијата во Кочани е во функција, извести Владата. „Преку...

Македонија2 часа

Истрага против уште едно лице за пожарот во кочански „Пулс“

Со истражната постапка за пожарот во кочанската дискотека „Пулс“ е опфатено уште едно лице за кое е поведена истрага за...

Свет2 часа

(Видео) Гувернерот на Калифорнија: Ќе го тужам Трамп за распоредувањето на Националната гарда

Гувернерот на Калифорнија, Гевин Њусом, вели дека ќе го тужи Доналд Трамп за распоредување на трупи на Националната гарда во...

Свет4 часа

(Видео) Израелската армија упадна во бродот на Грета Тунберг

Израелските сили пресретнаа брод со хуманитарна помош што пловел кон Газа, на кој биле активистката за климатски промени Грета Тунберг,...

Европа4 часа

(Видео) Жестоки руски напади во западна Украина, Полска ги подигна воените авиони

Полските и сојузничките авиони беа активирани рано утрово за да ја обезбедат безбедноста на полскиот воздушен простор откако Русија започна...

Свет6 часа

(Видео) Немири во Лос Анџелес, судири меѓу полицијата и демонстрантите, запалени автомобили

Американскиот претседател Доналд Трамп нареди распоредување на 2.000 војници од Националната гарда во Лос Анџелес за смирување на немирите по...

Македонија13 часа

(Фото+видео) Мицкоски: Извесно е дека градоначалниците на ВМРО-ДПМНЕ ќе победат, има шанси СДСМ да остане без ниту една општина

Следните избори, и локалните, но и следните парламентарни, две основни работи ќе бидат важни – првата ќе биде борбата против...

Македонија19 часа

Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност

Собранието утре треба да го разгледа владиниот предлог Азир Алиу да биде министер за здравство. Во биографијата пишува дека Алиу...

Македонија21 час

(Видео) Митева: Одморалиштето Пониква се става на располагање за рехабилитација на повредените од Кочани

Владата во текот на следната недела ќе донесе одлука со која одморалиштето Пониква, кое е во сопственост на Министерството за...

Македонија21 час

(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС

Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...

Македонија21 час

(Видео) Кузеска: Масовна и груба партизација, објавуваме список за 50 партиски вработувања во РЕК Осломеј

Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...

Македонија24 часа

(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата

Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...

Свет1 ден

(Видео) Силен украински напад врз Москва: гори фабрика, затворени се аеродроми

Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...

Свет1 ден

(Фото) Трамп испраќа 2.000 војници од Националната гарда во Лос Анџелес поради демонстрантите

Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...

Свет1 ден

Колумбискиот претседателски кандидат Мигел Урибе застрелан на изборен настан

Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...

Македонија1 ден

Времето денеска ќе биде сончево и многу топло, од утре засилен северен ветер, пороен дожд и грмежи

Времето денеска ќе биде сончево и многу топло со мала до умерена локална облачност. Ќе дува слаб до умерен ветер...

Македонија2 дена

(Видео) Митева: Нов канал за директна комуникација со повредените во трагедијата во Кочани – 070 355 526

Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...

Македонија2 дена

ИЈЗ издаде препораки за заштита од високите температури

Институт за јавно здравје повикува на почитување на мерките на заштита и претпазливост за време на високи амбиентни температури. „Кога...