Контакт

Здравје

Заболените од дијабетес живеат просечно три години помалку

Објавено пред

Мажите и жените кои боледуваат од дијабетес, или ткн шеќерна болест, просечно живеат три години покусо и имаат помалку години од животот без инвалидитет од другите лица, покажа ново австралиско истражување, од кое резултатите се објавени во стручното списание Diabetologia.

dobivaj vesti na viber

„На повеќето лица со шеќерна болест познати им се вообичаените компликации кои ги погаѓаат видот, бубрезите, стапалата и кардиоваскуларниот систем, но ова истражување укажува на поинаков ефект од болеста, особено во поглед на годините од животот кои се минуваат без инвалидитет“, вели водачот на истражувањето Дијана Маљијано од институтот Baker IDI за срце и дијабетес на универзитетот Монаш во Мелбурн.

Врз основа на австралиските истражувања на шеќерната болест, податоците за инвалидитетот и националниот индекс на смртноста, научниците процениле дека 50-годишни мажи и жена со дијабетес можат просечно да проживеат уште 30 односно 34 години, односно околу три години помалку од мажи и жена кои не се заболени од дијабетес.

Под инвалидитет се подразбира најмалку една од 17 состојби во траење од најмалку шест месеци коишто ги ограничуваат секојдневните активности, како што се капење или станување од кревет.

Педесетгодишниците заболени од шеќерна болест можат да очекуваат просечно уште околу 13 години од животот без некој вид инвалидитет, што е осум или девет години помалку од лицата кои немаат шеќерна болест.

Научниците, исто така, проценуваат дека жените повозрасни од 50 години кои боледуваат од дијабетес ќе проживеат повеќе години од животот со инвалидитет од мажот кој боледува од шеќерната болест. Маљијано смета дека причината за тоа е што жените имаат просечно подолг животен век од мажите, како и дека кај нив почесто се јавува инвалидност поврзана со шеќерната болест.

Иако заболените од дијабетес денес живеат подолго отколку во минатото, оваа болест носи големи ризици од други здравствени проблеми, предупредува др Ед Грег од Центарот на контрола и превенција на болестите кој не бил вклучен во истражувањето. „Многу луѓе кои заболуваат од дијабетес управуваат со болеста задоволувачки и имаат ист животен век како секој друг“, вели Грег за Reuters.

„Дијабетесот го скусува животниот век со појавата на компликации како што се ретинопатија, болести на бубрезите и кардиоваскуларни болести. Веруваме дека развојот на тие компликации може да влијае на развојот на инвалидитетот, иако механизмите уште не се сосема јасни“, вели Маљијано.

Таа истакнува дека одржувањето на нормалното ниво на шеќер во крвта, крвниот притисок и маснотиите, се разумни чекори во зголемувањето на бројот „здрави“ години од животот, а друг важен фактор е телесната активност која докажано ја забавува болеста и би требало силно да им се препорачува и на повозрасните лица со шеќерна болест.

Според податоците на Светската здравствена организација (СЗО – WHO) бројот на возрасните лица заболени од шеќерна болест во светот четирикратно се зголемил во изминатите помалку од четири децении и денес во свето се заболени 422 милиони луѓе./крај/мф/сн

Извор: Reuters



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Пет грешки во негата на кожата ги претвораат дури и најмладите лица во постари

Објавено пред

Откријте ги петте најчести грешки во негата на кожата што го забрзуваат стареењето и научете едноставни трикови за долготраен, младешки сјај.

dobivaj vesti na viber

Во речиси митската потрага по тој вечен сјај, имаме тенденција да заборавиме дека вистинскиот шарм на женската убавина често е вткаен во едноставноста, во тивки ритуали што се повторуваат ден по ден.

Додека светот на индустријата за убавина заведува со блескави кампањи и футуристички формули што ветуваат чуда, вистината лежи во навиките што често ги занемаруваме.

Убавината не е само збирка серуми и креми чија цена се мери во илјадници, туку начинот на кој се однесуваме кон себе, кон нашето тело и кожа, од утро до утро, од вечер до вечер.

Додека купуваме некој убав серум, малите грешки од секојдневниот живот тивко и трпеливо ги обликуваат брчките, го осветлуваат тенот или, уште почесто, го замаглуваат со сивкаст замор.

Ретко ги забележуваме веднаш затоа што доаѓаат бавно, како сенки што се прикрадуваат во нашиот одраз во огледалото, само повремено потсетувајќи нè дека времето има свој ритам. Токму овие навидум мали навики на крајот имаат помоќно влијание врз нашата кожа од кое било луксузно шише на полицата.

За среќа, секоја од овие навики може да се промени и да се претвори во сојузнички ритуал, тивко ветување за младост и свежина што трае подолго отколку што дозволува трендот. Сè што е потребно е малку внимание, дисциплина што не се чувствува како жртва, туку како инвестиција во вашето сопствено чувство за убавина.

Затоа што убавината не е спринт, туку маратон, и секоја мала работа што ја менуваме денес останува невидлива, но клучна инвестиција во нашата вечна младост утре.

Пет клучни грешки во убавината што ги прават младите жени

1. Заборавање на кремата за сончање

Дури и кога небото е сиво и покриено со облаци, сончевите зраци сè уште неуморно работат на кожата, оставајќи трага во форма на брчки и темни дамки. Крем со заштитен фактор од 30 или повисок треба да биде ваша секојдневна навика, без оглед на сезоната.

Нанесувајте го секое утро и обновувајте го редовно, бидејќи тоа е најубавиот превез со кој можете да го заштитите сопствениот сјај.

2. Прекумерно миење на лицето

Тоа чувство дека кожата треба да биде „чиста додека не чкрипи“ е често заводливо, но премногу миење ги отстранува природните заштитни масла и доведува до сувост и иритација.

Навечер, треба да го исчистите лицето со млеко или мицеларна вода, или да направите двојно чистење (доколку носите шминка и живеете во град) – прво со благ препарат со масло, а потоа со лесен гел. Наутро, доволно е да го измиете лицето со млака вода или нежно да го избришете со мицеларна вода без алкохол.

3. Прескокнување на хидратација

Дури и ако вашата кожа е мрсна, тоа не значи дека не ѝ е потребна хидратација – напротив. Изберете лесен гел или течност за мрсна кожа, додека побогат крем ќе одговара на сува кожа. Состојки како што се хијалуронска киселина, церамиди и глицерин обезбедуваат влажност и еластичност, одржувајќи ја кожата мека и витална.

4. Легнување со шминка

Без разлика колку сте уморни, заспивањето со шминка никогаш не е добра идеја. Остатоците од пудра, маскара и руменило ги затнуваат порите, спречуваат обновување на клетките и го забрзуваат формирањето на брчки. Едноставен ритуал на чистење пред спиење е најскапоцениот подарок што можете да ѝ го дадете на вашата кожа – таа ќе се разбуди чувствувајќи се посвежа, посветла и поодморена.

5. Занемарување на вашиот начин на живот

Негата на кожата не завршува во бањата. Недостатокот на сон, хроничниот стрес, лошата исхрана и премалку вода брзо го земаат својот данок на вашето лице: брчките стануваат подлабоки, вашиот тен изгледа поуморен, а кожата ја губи еластичноста.

Забавувањето на времето значи грижа за целото ваше тело: доволно спиење, балансирана исхрана, многу зеленчук и вода, како и мали дневни ритуали за опуштање, се подеднакво важен дел од вашата рутина за убавина.

фото: принтскрин

Прикажи повеќе...

Забава

Што не треба да јадете по 40-тата година: исфрлете ја оваа храна од употреба

Објавено пред

По четириесеттата година, телото поминува низ бројни промени: метаболизмот се забавува, хормоналната рамнотежа се менува и ризикот од хронични заболувања се зголемува.

dobivaj vesti na viber

Соодветната исхрана станува клучна за одржување на здравјето и виталноста. Еве листа на храна што треба да ја ограничите или избегнувате за да го поддржите вашето здравје во оваа фаза од животот.

Млеко со намалена масленост
Иако може да звучи чудно, полномасното млеко може да биде подобар избор за постарите луѓе кои сакаат да ја држат својата тежина под контрола.

Бифтек
Бифтекот е вкусен, но токму поради големата количина на масти може да претставува проблем за вашето срце.

Бело чоколадо
Додека темното чоколадо може да биде добар извор на антиоксиданси, белото чоколадо воопшто не содржи. Во основа е составено од шеќер и масти, што не е добро на која било возраст.

Кисели краставици
Краставиците мора да бидат во саламура за да станат кисели (а саламурата е многу солена), што ги прави многу богати со натриум.

Печиво
Тие можат да бидат брз и вкусен начин да го започнете денот, но печивата за појадок се полни со заситени и транс масти.

Сирење
Сирењето може да биде добар извор на калциум во исхраната ако сте загрижени за остеопороза, но она американското не е најдобриот избор.

Салама
Како и другите преработени меса, деликатесните меса се богати со натриум и конзерванси.

Путер
Путерот е навистина најдобар пријател и најлош непријател на човекот. Иако е вкусен, путерот е богат со заситени масти, оние „лошите“ масти што можат да предизвикаат разни срцеви проблеми.

Туна
Во умерени количини, туната може да биде здрав извор на протеини. Сепак, оваа риба е богата со жива, а прекумерната консумација може да доведе до когнитивен пад.

фото: принтскрин

Прикажи повеќе...

Забава

7 причини да ги потопите оревите во вода: вашето тело ќе ви биде благодарно

Објавено пред

Дали знаевте дека едноставниот ритуал на потопување ореви во вода може да го подобри вашето здравје на многу начини?

dobivaj vesti na viber

Нутриционистите сè повеќе препорачуваат потопени ореви, бидејќи тие ги разградуваат ензимските инхибитори и фитинската киселина, што го олеснува варењето и го зголемува искористувањето на хранливите материи.

Прочитајте подолу за да видите какви здравствени придобивки носат за вашето тело.

Полесно варење и подобра апсорпција на хранливи материи
Потопените ореви содржат помалку фитинска киселина, така што телото поефикасно ги апсорбира минералите како што се магнезиум, цинк и железо. Ова значи дека ќе добиете најмногу хранливи материи од секоја шака ореви.

Помага во контролата на телесната тежина
Благодарение на нивната поголема сварливост и бавно ослободување на енергија, потопените ореви одржуваат чувство на ситост подолго време. Помалата желба за ужини помеѓу оброците може да придонесе за полесно управување со телесната тежина.

Регулација на шеќерот во крвта
Здравите масти и влакната во оревите го забавуваат варењето на јаглехидратите, спречувајќи ненадејни скокови на шеќерот во крвта. Ова ги прави соодветен избор за луѓе кои го следат гликемискиот индекс на нивните оброци.

Поддршка за здравјето на срцето
Омега-3 масните киселини во оревите помагаат во намалувањето на лошиот холестерол и во воспоставувањето оптимален сооднос на фракциите LDL и HDL. Редовното консумирање на натопени ореви може да придонесе за поздрав кардиоваскуларен систем.

Зајакнување на когнитивните функции
Натопените ореви се богати со антиоксиданси и витамини од групата Б, кои ги штитат нервните клетки и ја подобруваат меморијата и концентрацијата. Вклучете ги во вашиот појадок или ужина за подобра ментална јасност во текот на денот.

Антиоксидантна заштита
Витаминот Е и полифенолите од оревите ги неутрализираат слободните радикали и го намалуваат оксидативниот стрес во клетките. Ова го забавува процесот на стареење и помага во спречување на хронични заболувања.

Поддршка за коските и зглобовите
Магнезиумот, фосфорот и калциумот присутни во натопените ореви придонесуваат за одржување на силна коскена структура, додека антиинфламаторните ефекти ги ублажуваат симптомите на артритис и болните зглобови.

фото: принтскрин

Прикажи повеќе...

Најново

Македонија1 час

ИЈЗ смирува: Нема тешки метали во почвата и водата не е радиоактивна

Институтот за јавно здравје изврши вонредно испитување во засегнатото подрачје, и во неделата беа земени примероци, мостри од страна на...

Топ4 часа

„Ќе бидеш моја или ќе бидеш мртва“ – Росица сведочела за заканата од Илија кој подоцна ја уби

Обвинителството го објави записникот од испитувањето на Росица Коцева (31) од Велес, даден на 9 септември годинава, само неколку дена...

Македонија6 часа

Јас не сум од вчера во политиката, партијата Левица фрли гума за спасување на ДУИ со кандидатите во Струга, Гостивар и во Тетово, вели Мицкоски

Партијата Левица предложи кандидати за градоначалници во Струга, Гостивар и во Тетово само за да ги раслои анти-ДУИ гласовите во...

Македонија6 часа

Обвинителството испитува одговорност за големиот пожар во Трубарево, утре увид на терен

Утре, ќе почне увидот на самото место за причините за големиот пожар во Трубарево. Увидните екипи ќе работат под координација...

Македонија7 часа

Подметнување пожар ќе биде тероризам, а фрлање отпад на недозволени места ќе се казнува со затвор над пет години, Мицкоски најави итни законски измени

Премиерот Христијан Мицкоски, денес, при посетата на Јегуновце најави законски измени со кои најстрого ќе се казнува подметнување пожар и...

Македонија7 часа

Идентификувани 20 лица осомничени за подметнување пожари во Скопје

Премиерот Христијан Мицкоски денес изјави дека дваесетина лица се идентификувани како осомничени за серијата подметнати пожари во Скопје. Според него,...

Македонија8 часа

Пред убиството Росица го пријавувала Стефановски за насилство и непочитување на забраната за приближување, го запалил и автомобилот на татко ѝ

Против Илија Стефановски, осомничен за убиството на Росица Коцева (31) и на татко ѝ Киро Коцев (68) во Велес, претходно...

Македонија10 часа

Намалена активната транспарентност на Владата и на министерствата, најмалку информации има за финансиите, објави Центарот за граѓански комуникации

Центарот за граѓански комуникации го објави редовното годишно рангирање на институциите според Индексот на активна транспарентност, односно според активното објавување...

Македонија10 часа

Синоќа повторно предизвикан пожар на „Дрисла“

Синоќа, пред 23 часот, повторно беше предизвикан пожар на депонијата „Дрисла“, на сосема друго место, подалеку од местото што беше...

Свет11 часа

Рубио: Трамп е единствениот лидер што може да разговара со Русија, Украина и со Европа

Американскиот претседател Доналд Трамп би можел да се сретне со украинскиот лидер Володимир Зеленски следната недела во Њујорк, објави американскиот...

Македонија11 часа

„Марш за ангелите” во Кочани и мирен протест во Скопје: шест месеци од трагедијата во дискотеката „Пулс“

Денеска се навршуваат шест месеци од трагедијата во дискотеката „Пулс“ во Кочани, во која животот го загубија 62 млади лица....

Македонија11 часа

Изгаснат тежок пожар пред Пинтија, под контрола се пожарите на „Дрисла“ и во Трубарево, активен пожарот на Кожуф

Рано утрово пред 4 часот избувна тежок пожар во сервис за возила пред Пинтија (над „Стакларата“ на местото наречено Каменик)...

Македонија12 часа

Мицкоски треба да одговара за ширење страв и паника по признанието на Тошковски дека нема центри на моќ зад пожарите, велат од СДСМ

Панче Тошковски во интервју призна дека нема осомничени дека одреден центар на моќ влијаел да се подметне пожарот во Трубарево...

Свет12 часа

Зеленски до Трамп: Покажете јасен став и сопрете го Путин

Украинскиот претседател Володимир Зеленски го повика Доналд Трамп да заземе јасна позиција за да го запре Владимир Путин и да...

Македонија1 ден

Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски

Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...

Македонија1 ден

Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните

Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...

Топ1 ден

Скопјанeц ги убил девојката и татко и во Велес, па се самоубил

Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...

Македонија1 ден

Нема зголемена радијација во почвата и воздухот по пожарот во Трубарево, соопшти ИЈЗ

Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...

Македонија1 ден

Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате

Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...

Македонија1 ден

Ноќеска Итната помош 13 пати интервенирала во Трубарево, едно лице е пренесено на Токсикологија

Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...