Контакт

Здравје

Заболените од дијабетес живеат просечно три години помалку

Објавено пред

Мажите и жените кои боледуваат од дијабетес, или ткн шеќерна болест, просечно живеат три години покусо и имаат помалку години од животот без инвалидитет од другите лица, покажа ново австралиско истражување, од кое резултатите се објавени во стручното списание Diabetologia.

„На повеќето лица со шеќерна болест познати им се вообичаените компликации кои ги погаѓаат видот, бубрезите, стапалата и кардиоваскуларниот систем, но ова истражување укажува на поинаков ефект од болеста, особено во поглед на годините од животот кои се минуваат без инвалидитет“, вели водачот на истражувањето Дијана Маљијано од институтот Baker IDI за срце и дијабетес на универзитетот Монаш во Мелбурн.

Врз основа на австралиските истражувања на шеќерната болест, податоците за инвалидитетот и националниот индекс на смртноста, научниците процениле дека 50-годишни мажи и жена со дијабетес можат просечно да проживеат уште 30 односно 34 години, односно околу три години помалку од мажи и жена кои не се заболени од дијабетес.

Под инвалидитет се подразбира најмалку една од 17 состојби во траење од најмалку шест месеци коишто ги ограничуваат секојдневните активности, како што се капење или станување од кревет.

Педесетгодишниците заболени од шеќерна болест можат да очекуваат просечно уште околу 13 години од животот без некој вид инвалидитет, што е осум или девет години помалку од лицата кои немаат шеќерна болест.

Научниците, исто така, проценуваат дека жените повозрасни од 50 години кои боледуваат од дијабетес ќе проживеат повеќе години од животот со инвалидитет од мажот кој боледува од шеќерната болест. Маљијано смета дека причината за тоа е што жените имаат просечно подолг животен век од мажите, како и дека кај нив почесто се јавува инвалидност поврзана со шеќерната болест.

Иако заболените од дијабетес денес живеат подолго отколку во минатото, оваа болест носи големи ризици од други здравствени проблеми, предупредува др Ед Грег од Центарот на контрола и превенција на болестите кој не бил вклучен во истражувањето. „Многу луѓе кои заболуваат од дијабетес управуваат со болеста задоволувачки и имаат ист животен век како секој друг“, вели Грег за Reuters.

„Дијабетесот го скусува животниот век со појавата на компликации како што се ретинопатија, болести на бубрезите и кардиоваскуларни болести. Веруваме дека развојот на тие компликации може да влијае на развојот на инвалидитетот, иако механизмите уште не се сосема јасни“, вели Маљијано.

Таа истакнува дека одржувањето на нормалното ниво на шеќер во крвта, крвниот притисок и маснотиите, се разумни чекори во зголемувањето на бројот „здрави“ години од животот, а друг важен фактор е телесната активност која докажано ја забавува болеста и би требало силно да им се препорачува и на повозрасните лица со шеќерна болест.

Според податоците на Светската здравствена организација (СЗО – WHO) бројот на возрасните лица заболени од шеќерна болест во светот четирикратно се зголемил во изминатите помалку од четири децении и денес во свето се заболени 422 милиони луѓе./крај/мф/сн

Извор: Reuters



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Германија го забранува „преобраќањето“ на хомосексуалци под 18 години

Објавено пред

Да се ​​биде геј не е болест, вели германскиот министер за здравство, Јенс Шпан, а тоа наскоро треба да биде потврдено и со закон. Имено, Германија најавува законска забрана за контроверзните третмани за лечење на хомосексуалноста, пренесува Б92 повикувајќи се на „Дојче веле“.

Според предлог-законот, т.н. „терапија за преобраќање“ треба да биде целосно забранета за секого под 18 години. Сепак, законот не предвидува целосна забрана – возрасните можат да бидат подложени на „терапија за третман на сексуалноста“, иако под ограничени услови.

Практиката не би била законска доколку некое лице се согласи на терапија откако било измамено, принудено или под закана, а на оние што ќе го прекршат законот може да им се изрече затворска казна до една година или парична казна. Предлог-законот не прецизира колкава би можела да биде казната.

Другите терапии кои третираат сексуални склоности, како што се егзибиционизам или педофилија, се исклучени од законот.

Германскиот министер за здравство, Јенс Шпан, кој инаку се декларира како геј, истакна дека да се биде припадник на ЛГБТ-заедницата не е болест и дека сексуалноста не треба да се третира така. Шпан додаде дека најавената законска забрана е јасна порака до општеството и луѓето кои се борат со својата сексуалност: „Вие сте сосема добри онакви какви што сте“.

Прикажи повеќе...

Забава

Еве што се случува ако јадете ѓумбир секој ден

Објавено пред

Ако сакате да се навлечете на зачин, нека биде ѓумбир. Се разбира, има безброј добри зачини што нудат значителни здравствени придобивки, но тешко е да се занемарат многуте позитивни атрибути на ѓумбирот.

И за разлика од другите популарни дневни суплементи, ѓумбирот има одличен вкус (многу поубав од јаболковиот оцет, на пример). Причината поради која ѓумбирот е толку добар за вас се сведува на едно соединение наречено џинџерол. Оваа супстанција е антиинфламаторна, што значи дека може да намали болка и оток.

Ја подобрува дигестијата – ѓумбирот не само што го смирува рефлуксот на киселина туку и го намалува воспалението во цревата. Исто така, може да смири и гадење. Ѓумбирот е природен антибиотик кој може да ги нокаутира штетните бактерии кои предизвикуваат вознемиреност во стомакот.

Намалува и спречува главоболка – антиинфламаторните својства на ѓумбирот исто така се корисни во лекувањето на најчестата тегоба на човекот – главоболката. Многу лекови за главоболка се всушност само антивоспалителни наместо вистински олеснувачи на болката.

Ѓумбирот е природен начин за постигнување на таа цел, но без несакани ефекти на хемиските формулации. Всушност, студиите покажуваат дека јадењето ѓумбир секој ден има потенцијал да спречи да не добиете главоболки, дури и мигрена.

Придонесува за побрзо губење килограми – губењето телесна тежина е мошне изискателна работа. Телото на складираните масти гледа како на резерва за итни случаи и претпочита да не ги согорува.

Диетата игра голема улога, но голем дел од вината за вашата тежина ја има генетиката. Значи, важно е да работите заедно со вашето тело во обид да изгубите тежина, а ѓумбирот може да биде одличен извор на поддршка.

Намалува болка во мускулите – вообичаен вид болка е онаа во мускулите, честопати предизвикана од вежбање или секојдневен напор или напрегање. Испитувањата покажуваат дека ѓумбирот може да помогне и овде. Сепак, нема тенденција веднаш да ја ублажи болката во мускулите.

Наместо тоа, доколку се зема секој ден, може да го намали нивото на болка што се развива и да го скрати времетраењето на заздравувањето кога вашите мускули стануваат такви.

Исто така, ѓумбирот е антиоксидант, кој ги неутрализира штетните слободни радикали во организмот. Ова доживотно го намалува ризикот од канцер.

И покрај сите овие здравствени придобивки, луѓето многу ретко јадат ѓумбир. Тој може да биде ефикасен, без разлика дали е суров или варен, свеж или сушен. Со сладок и малку зачинет вкус, ѓумбирот е идеален за употреба во печива, мешани помфрити и овошни салати. Доволно е вкусен за чај од билки. Како и да го земате, ѓумбирот е одлична секојдневна навика.

 

Прикажи повеќе...

Забава

Седум продукти што може да ги јадете без да се здебелите

Објавено пред

Звучи невозможно, но всушност има одредена храна што може да ја задоволи желбата за јадење или гладот без зголемување на килограмите. Клучот е да му се препуштиме на оброк кој има висока вредност на заситеност, а кој опишува како полнењето на храната се споредува со калориската содржина.

Овој таканаречен индекс на ситост ги мери својствата на разни видови храна да ве натераат да се чувствувате сити и воедно да го намали внесувањето калории во текот на денот.

Овој вид јадење е она што ќе ги задржи килограмите подалеку од вас, а некои продукти се подобри од други како во задоволувањето на гладот така и во спречување да прејадете.

Тука не зборуваме за храна за зајаци. Можете да јадете вистинска задоволувачка храна, а сепак да останете тенки и здрави. Всушност, овие седум продукти се закуска што можете да ја јадете во текот на целиот ден ако сакате.

Варени компири

Многу луѓе избегнуваат компири поради голема содржина јаглени хидрати, но нема потреба од тоа. Компирите се многу хранливи сè додека не се пржат. Повеќе од тоа, компирите содржат отпорен скроб кој влијае како растворливо влакно во дигестивниот систем. Ова помага да се чувствувате сити со помалку калории.
Студиите покажуваат дека готвењето, а потоа ладењето на компирите го зголемува нивото на отпорен скроб. Нивното греење и ладење повеќепати го подигнува тоа ниво.

Цели јајца

Јајцата, а особено жолчките, неправедно се карактеризираат како холестерол бомби кои предизвикуваат срцев удар. Но, и покрај тоа што содржат прилично количество холестерол, испитувањата покажуваат дека јадењето јајца не го зголемува нивото на лошиот холестерол. Напротив, јајцата претставуваат целосен протеин, што значи дека ги содржат сите девет есенцијални аминокиселини.

Овесна каша

Овесната каша е супер заситувачки оброк што содржи тон влакна и впива многу вода кога е сварена. Бидејќи е прилично невкусна, може да се зачине на многу начини. Овошјето, оревите и кафеавиот шеќер се одличен избор.

Супи

Иако постои мислење дека супата не може да го засити гладот, не мора да е така. Всушност, испитувањата покажуваат дека некои супи може да заситат дури и повеќе од цврста храна со истите состојки. Јадењето супа како предјадење може да ја зголеми вашата ситост до тој степен што во тој оброк вие ќе внесете околу 20 отсто помалку калории.

Направете супата да ви стане навика и ќе изгубите тежина, без дури и да почнете диета.

 Јаболка

 

Јаболката високо котираат на индексот на ситост затоа што содржат растворливо влакно наречено пектин што го регулира варењето на храната. Тие исто така содржат голема количина вода – до 85 отсто во една – што обезбедува волумен за да се чувствувате сити без многу калории.

Цел на испитувањњето беше да се видат резултатите од јадење цврсти сегменти на јаболка или сок од јаболка на почетокот на оброкот.

Доколку сакате да уживате во вкусот на јаболкото и да не добиете тежина, јадете цели јаболка. И ако ви е здодеано од јаболка, јадете агруми, кои се доста богати со пектин и вода.

Риба и посно месо

Рибата е со малку маснотии, сепак е богата со протеини и омега-3 масни киселини, што ја зголемува ситоста, а исто така поддржува здрав кардиоваскуларен систем.

 

Пуканки

 

Време е за ужина. Кога ќе добиете желба за солен деликатес, пуканките треба да бидат ваш избор. Тоа е цело зрно, богато со растителни влакна, но има малку калории. Исто така, во пуканките има многу воздух, што всушност помага да ве заситат побргу од чипсот од компири или крекерите.

 

 

 

Прикажи повеќе...

Најново

Македонија8 часа

Макрон го пречека Пендаровски во Париз

Претседателот на Франција, Емануел Макрон, го пречека македонскиот претседател Стево Пендаровски во Париз. „Вечерва имав чест да присуствувам на вечерата...

Свет8 часа

(Видео) Грета Тунберг има двојничка во Русија која сака да ја исчисти планетата

Говорот на активистката Грета Тунберг (16) за климатските проблеми наиде на силен одѕив во светот. Два месеца по нејзиниот говор...

Македонија14 часа

(Видео) Постигнат е договор за зголемување на платите на здравствените работнии

Постигнат е договор за зголемување на платите на здравствените работници и соработници, почнувајќи од февруари в година. Платите на лекарите...

Економија14 часа

Горивата поскапуваат

Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика....

Македонија15 часа

Забрана за работење на компанијата што го загадуваше воздухот во Кочани

Државниот инспекторат за животна средина го забрани работењето на компанијата што учествуваше во загадувањето на воздухот во Кочани. Инспекторатот на...

Македонија15 часа

Заев: Жал ми е ако обвинетиот добие казна бидејќи има малолетни деца, но таа вечер други деца можеа да останат без родител

„Му се извинувам и на премиерот и на сите загрозени таа вечер во Собранието на 27 април 2017 година. Бев...

Македонија16 часа

Одговорните и натаму бараат решение за најопасниот отпад што се чува во ОХИС

Винилхлоридот, една од најопасните материи, се чува на специјална температура, под 20 степени, затоа што е лесно запалива. Има физичко...

Македонија16 часа

Тимоние: До крајот на годината Франција ќе го ратификува протоколот за НАТО

Франција до крајот на годината ќе го ратификува протоколот за членството во НАТО, изјави францускиот амбасадор, Кристијан Тимоние. Одговарајќи на...

Македонија18 часа

Анализите покажаa метил акрилат мономер, но не во воздухот, туку во цевките

Во воздухот нема отровни супстанции, покажаа анализите на штипскиот универзитет по истекувањето во фабриката ОХИС. Траги од метил акрилат мономер...

Свет18 часа

(Видео) Хаос во Хонгконг: запален човек, полицијата пука со вистински куршуми

Еден постар маж е запален во Хонгконг, каде што полицијата претходно пукаше на демонстрантите за време на ескалацијата на насилството...

Македонија19 часа

Заев: Во Охрид договоривме мерки за подобар Западен Балкан

Во Охрид договоривме мерки за олеснување на движењето и брз проток на трговијата, услугите и граѓаните во сите земји од...

Економија19 часа

Истражување: Министерството за здравство потрошило 39 милиони евра за јавни набавки

Министерствата, владините секретаријати и Собранието просечно исполнуваат 55,2 отсто (од максимално можни 100 отсто) од критериумите за транспарентност, отчетност и...

Македонија19 часа

Одложено судењето за „Монструм“ поради смртен случај на поротничка

Во Кривичниот суд утрово беше одложено судењето за случајот „Монструм“ поради отсуство на поротничка што имала смртен случај. Судијата Огнен...

Европа20 часа

Руски историчар свирепо ја убил 40 години помладата љубовница

Познат руски историчар признал дека ја убил својата 23-годишна љубовница кога полицијата го фатила како под дејство на алкохол се...

Свет21 час

Неколку земји го осудија пучот против Моралес, Мексико му нуди и азил

Претседателот на Венцуела, Николас Мадуро и шефот на мексиканската дипломатија Марсело Ебрард го осудија пучот против боливискиот претседател Ево Моралес....

Свет21 час

(Видео) Вонредна состојба во Австралија поради пожарите во кои загинаа три лица

Властите во австралиските држави Квинсленд и Нов Јужен Велс прогласија вонредна состојба поради пожарите кои избија за време на викендот,...

Македонија21 час

Пендаровски во посета на Франција, утре ќе разговара со Макрон

Претседателот Стево Пендаровски од денеска до 13 ноември ќе престојува во Франција каде што ќе учествува на Парискиот мировен форум,...

Европа1 ден

Бугарите и Хрватите се најнезадоволни граѓани во ЕУ

Бугарите и Хрватите се најнезадоволни граѓани во Европската Унија, покажа најновото истражување на Евростат. Просечната општа оценка на квалитетот на...

Свет1 ден

Демонстранти во Боливија запалија куќи на политичари

Претседателот на Народното собрание на Боливија, Виктор Борда, поднесе оставка откако демонстранти ја запалија неговата куќа. „Поднесувам оставка на местото...

Економија1 ден

Дубровник воведува петгодишна забрана за отворање нови ресторани

Градот Дубровник воведува петгодишна забрана за отворање нови ресторани, потврди градоначалникот, Мато Франковиќ. По ограничувањето на бројот на крузери во...

Досие