Daily news
(ВИДЕО) Драган Павловиќ – Латас: „Сител“ не може да најде друг човек кој ќе ме замени
„Жешко е, па најкратко ќе кажам. Се согласувам со сè што кажа одбраната и сè што пишува во жалбата. Јас мислам дека не сум заслужил мерка притвор бидејќи соработувавме со СЈО. Второ, немам имот во странство, а ниту сметки. Јас сум главен и одговорен уредник на Сител телевизија, а тоа значи дека треба постојани средби со продавачи на програми, а ова не може да се промени преку ноќ. Исто така професор сум на Европскиот универзитет. Трето, професор сум во Србија, каде ако не сум присутен, ќе добијам казна. Осумдесет отсто од приходите во семејството се од мене. Ова е штета за Сител ТВ, за семејството. Сител не може да најде друг човек кој ќе ги извршува сите обврски што јас ги правам. Потенцитам дека за време на постапката во СЈО имавме коректен однос и немаше несогласувања. Во однос на ТОТАЛ МАРКЕТИНГ, таа е две години блокирана, а, пак, третата фирма Тотал медиа центар, поради документи кои излегоа од СЈО во јавноста, не остварува промет и има штета. Опасно е кажувањето на Бубевски за моето однесување. За мене е бесмислено да бидам ставен во исти случаи каде се применува иста мерка со оние кои се сомничат за криминал со 30 или 50 милиони евра“, рече денеска пред Апелациониот суд, бизнисменот и новинар Драган Павловиќ-Латас.
Тој од страна на СЈО се товари за финансиски криминал, односно даночно затајување. СЈО побара од судот притвор за него, а доби само мерки за претпазливост тој да се јавува во судот секој понеделник и одземање патна исправа, кои се обжалени од страна на адвокатите Светлана Савиќ и Анита Бегова. Адвокатите на Латас во жалбата навеле дека е погрешна фактичката состојба утврдена од СЈО, а, пак, мерката, според нив, не била во согласност со Кривичниот закон, Европската конвенција. Исто така, одбраната во жалбата тврди дека Латас работи како уредник на телевизија и мора да патува за да набавува серии, склучува маркетинг договори и слично.
Истовремено, СЈО ја обжали одлуката на првостепениот суд барајќи притвор за Драган Павловиќ-Латас. „Во однос на предлогот за притвор, поднесено од СЈО за веќе обвинетиот Латас, е коректен. Таквата мерка е прифатлива, а, пак, судот, сосема основано утврдил суштински дека постои опасност од бегство, но и продолжување на деловната работа, па со тоа и можност за повторување на делата за кои се товари. Мерки за немање наредни вакви криминални активности е одземање на патната дозвола и највисоката мерка. Судот проценил само во корист на обвинетиот, само за да се заштити правниот поредок. Неговото однесување укажува за причина за изрекување на највисоката мерка во овој случај. Сметам дека жалбата треба да биде одбиена како неоснована, а жалбата на СЈО да биде прифатена и за обвинетиот да биде определена мерка притвор, вели обвинителот Гаврил Бубевски.
Одбраната на Латас по излагање на Бубевски рече дека треба да се има предвид дека станува збор за луѓе, а не за предмети, притоа, да се има предвид дека тој е доктор на науки. Савиќ потенцираше дека таа му замерила на Латас на доброто однесување кон СЈО и судот, а со тоа му укажала дека ако така продолжи повеќе нема да биде негова придружба во судот.
Обинителството требаше да има доблест и да не поднесува барање за ваква мерка бидејќи не е вообичаено. Не гледам причина зошто би се дал во бегство и како би го повторил делото. Едната фирма не е активна, другата е во постапка за ликвидација”, вели адвокатката на Латас, Светлана Савиќ.
Истовремено, адвокатката Бегова се чуди како СЈО не знае на кои правни друштва е управител Латас, а бара мерка притвор. „Во налет на 20 обвиненија, со медиумска кампања без да се гледаат суштествените причини за одредување мерка притвор. Станува збор за лице кое не е осудувано, фамилијарен човек, новинар и уредник, семеен човек. Сметам дека е апсурд на оваа жештина овој суд да расправа за вакви прашања. Небулозни се тврдењата дека обвинетиот ќе го повтори делото”, вели вториот член на одбраната Анита Бегова.
Кристијан Ландов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.