Daily news
Гелова-Стојанова: Заев криминалот од Струмица го преслика во целата држава
Криминалот, корупцијата и непотизмот од општинско, Заев ги преслика на државно ниво. Македонија денеска е раководена по примерот на Струмица каде што Заев како градоначалник местеше тендери, вршеше рекет врз инвеститори, царуваше мито и корупција, рече Соња Гелова-Стојанова на денешната прес-конференција што се одржа во централниот штаб на ВМРО-ДПМНЕ.
„Истиот Заев, кој врз грбот на граѓаните ги наполни фамилијарните сметки со милионски суми, ветуваше живот за сите граѓани подеднакво, ветуваше 30.000 плата за секој од нас. Денеска сите ние земаме пониски плати. Додека Зоран Заев ги лажеше граѓаните, Трајче Заев со само 10 евра за квадратен метар стана сопственик на конфекцискиот гигант ‘Герас Цунев’, за само 20.000 евρа купи дел од струмичкиот κонфеκцисκи гигант ‘Геρас Цунев’, κој поседува имот со вκупна повρшина од 7.396 квадратни метри“, рече Гелова-Стојанова.
Таа додаде дека додека СДС лажел за намалување на сметките за електрична енергија, Кочо Анѓушев воспоставувал монопол врз целиот пазар за електрична енергија во Македонија.
„Додека ја манипулираат јавноста со либерализација на пазарот газда Кочо создава простор за целосно преземање на пазарот за електрична енергија. Додека СДС зборуваше за непотизмот и негово расчистување, Драги Рашковски си ги постави членовите на неговата поширока фамилија на раководни позиции. Додека Заев беше градоначалник на Струмица, беа вадени милионски суми од општинската каса преку фирмите ‘Тргопродукт’, ‘Сара јавор инженеринг’ и ‘Ева стајл’, во сопственост на снаата, стрината и братучетка на Заев“, нагласи Гелова-Стојанова.
Компанијата „Тритерол“, како што рече Гелова-Стојанова, која е во сопственост на близок соработник и бизнис-партнер на фамилијата Заеви, од Регулаторната комисија за енергетика доби лиценца за увоз на нафта и нафтени деривати.
„Сопственик на ‘Тритерол’ е Горан Крстев, еден од омилените бизнис-партнери на Зоран Заев, кој од Струмица доби тендери во вредност од речиси еден милион евра. Горан Крстев е сопственик и на дел од ‘Глобал’, трговскиот центар за кој премиерот Заев доби аболиција од тогашниот претседател Бранко Црвенковски. Додека СДС зборува за ветер и магла, додека Заев лаже за 30.000 плата, додека стандардот на граѓаните се намалува од ден на ден, Заев со својата фамилија и соработниците од владата инкасираат милионски суми на своите сметки. Тоа е животот кој го ветува Заев“, нагласи на крајот од прес-конференцијата Гелова-Стојанова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.