Daily news
Кои денови во седмицата носат среќа?
Постои верување, дека планетите имаат влијание врз деновите во седмицата и секој ден е поволен за различни нешта.
Понеделник
Во понеделник не треба да почнувате ништо бидејќи во овој ден Месечината е многу променлива. Обично сме емотивни, нерасположени и под силно влијание на интуицијата. За многу луѓе ова е најпредизвикувачкиот ден од неделата. Препрачливи активности за во понеделник се: медитација, анализирање, лични задоволства, одмор, релаксација, спиење.
Вторник
Во вторник владее Марс, а тој ја поттикнува продуктивноста, компетицијата, ефективноста и одлучноста. Поволен е за завршување на сите рутински работи кои се однапред договорени и не бараат преголема ментална активност. Покрај тоа што е одличен ден да ги завршите заостанатите работи, добар е и за започнување нови проекти. Препорачливи активности за во вторник се: реализирање на нови идеи, градење стратегии во кариерата и на работа, започнување нови проекти, расчистување, вежбање, дополнување на to-do листите.
Среда
Среда е ден на комуникацијата, ден во кој работите ги разбираме на екстремно прецизен и ефикасен начин. Поволен ден за коресподенција, маркетиншки активности, состаноци, преговори и кратки патувања. Во среда владее Меркур, поради што е поволен ден за дружење и забава.
Четврток
Четврток е најпродуктивен ден во неделата. Во овој ден владее Јупитер, а тој има моќ да го распали огнот во нас и да нѐ натера да делуваме. Јупитер е планета на претприемништвото и експанзијата. Поволен е за важни работи како, на пример, потпишување договори, поврзување со нови соработници, учење и финансиски трансакции. Особено е поволен и за долгорочно планирање. Јупитер носи голема позитивна енергија која може да се почувствува во текот на целиот ден.
Петок
Венера владее во петок, а таа е симбол на љубовта, конекцијата, припадноста, удобноста, вниманието, сензуалноста и страста. Токму затоа, петок е идеален ден за партнерот, семејството, пријателите и децата. Одличен е за подготовки за викенд, одмор, масажа, забава и релаксација. Најтипично е да го искористите за многу романтика.
Сабота
Со сабота владее Сатурн кој е заслужен за помагање на другите. Во сабота поминете време со семејството. Саботата е препорачлива за мир и чистење во домот. Исто така овој ден е и оптимален за завршување на работите, планирање на неделата која следува, подготовка за идните активности, учење и слично.
Недела
Со недела владее Сонцето. Неделата е идеален е за активен одмор со семејството, пријателите и соседите. Сонцето е во духот на споделувањето, изразувањето, распространувањето, осветлувањето и растот. Затоа е добар ден за одмор и релаксација, забава со саканите, купување за дома, готвење и слично.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.