Daily news
Кои се чекорите за импичмент на Трамп?
Најновото откритие дека претседателот на САД, Доналд Трамп, му открил тајни разузнавачки информации, добиени од израелскиот МОСАД, на Сергеј Лавров за време на неговата посета на Белата куќа, сè почесто го става во оптек терминот импичмент.
Барањата за импичмент – процедура за отповик – се сè погласни, а од Демократската партија се бара Претставничкиот дом сериозно да го разгледа тоа прашање.
Импичмент е процес кој не мора да значи отстранување од положбата, но тоа е сериозна ситуација за претседател или кој било висок службеник, и претставува прв чекор за преселување.
Технички, импичмент е формално обвинение против службеник кое го издава Конгресот, и не мора да има врска со „судење” или „наоѓање на кривично дело”.
По дебатата во Претставничкиот дом, законодавното тело гласа за документ од Комитетот на судии, а ако добие мнозинство гласови, претседателот се смета за отстранет од функција. Потоа, документот од Комитетот оди во Сентот, на разгледување и судење.
Обвинетиот има своја одбрана, а ако двотретинското мнозинство гласа против претседателот, тој ќе биде разрешен од функцијата.
Неколкумесечното владеење на Трамп е преполно со контроверзи и скандали. Заговорниците на постапката за импичмент се повикуваат на неговата предизборна кампања и наводните врски со Русија. Најновата искра е наводното барање на Трамп ФБИ да ја сопре истрагата против Флин, „руската врска“ во штабот на Трамп, што екс-директорот на Бирото Мајкл Коми го одбил, па затоа беше сменет.
Одлуката на Трамп да сподели доверливи информации со руските службеници, технички е во склад со законот, наведува весникот, и додава дека претседателот има право на основа на Уставот да одлучи дали може да сподели некоја доверлива информација.
Досега тројца американски претседатели биле соочено со постапка за отповикување. Станува збор за Ендру Џонсон (1866-69), кој понудил амнестија за службениците на Конфедерацијата и ставил вето на заштита на човековите права на поранешните робови, Ричард Никсон (1969-74), поради аферата со прислушкување на телефоните на ривалската Демократска партија „Вотергејт“ (си даде оставка), и Бил Клинтон (1993-2000), поради аферата „Левински” (призна за оралниот секс со волонтерката Моника Левински во Овалната соба, но остана на функцијата). крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.