Daily news
Се троши „лентата“ од снимањето на правното сценарио за фестивалот „Браќа Манаки“
Од канцеларијата на адвокатот Пепељуговски, која го застапува Друштвото на филмски работници, добивме документ кој е документ до Агенцијата за филм и Министерството за култура, во кое се оспорува легитимноста на „Центарот за филм“ и неговото право за користење на трговската марка и преземање на фестивалот за филмска камера „Браќа Манаки“.
Агенцијата за филм и натаму се однесува како мандатор, кој не сака да ја даде поддршката на единствениот легитимен апликант за организација на Интернационалниот фестивал за филмска камера „Браќа Манаки“. Наводно спорната одлука настанала поради второто здружение кое годинава конкурираше за организатор на високо реномираниот фестивал кој 37 години го организира Друштвото на филмски работници.
Имено, Димитар Николов, претседател на Цантарот за филм, кој регистрирал здружение со иста трговска марка „Браќа Манаки“, прави притисок да го преземе фестивалот, а во дописот што пред неколку дена го испрати до медиумите тој вели „ИФФК „Браќа Манаки“ е на градот Битола. Од пред извесно време и фактички и формално. Тоа е причина што на ДФРМ некој не може тукутака да им даде пари да го организираат, па имале тие замислен датум за негов почеток или не“.
Од канцеларијата на адвокатот Пепељуговски, која го застапува Друштвото на филмски работници, е испратен документ до Агенцијата за филм и Министерството за култура, во кое се оспорува легитимноста на „Центарот за филм“ и неговото право за користење на трговската марка.
„Ќе докажеме дека лицето Николовски, со помош на градоначалникот на Битола, кој во случајов ја злоупотребил службената положба, незаконски конкуриралево Агенцијата за филм поднела пријава и спротивно на законските одредби регистрирала трговска марка со истото име, односно Интернационален фестивал на филмската камера ‘Браќа Манаки’ -Битола. Нема законско право да ја користи таа марка бидејќи потребен е договор за лиценца“, образложува Роберт Насков, претседател на ДФРМ.
По неколку обиди на Макфакс да зборува со градоначалникот на Битола, Владимир Талевски, во врска со овој спор, добивме писмен одговор во кој се вели „ Општината никому не дала право за користење на трговската марка ИФФК ‘Браќа Манаки’ и не е точно дека Здружението ДФРМ е основач и единствено има право да го организира фестивалот“.
Како што дознава Макфакс, директорката на Агенцијата за филм го свикала Советот при оваа институција, но и натаму не донеле одлука за поддршка на фестивалот.
„Неспорен е фактот за досегашното долгогодишно организирање на фестивалот ИФФК ‘Браќа Манаки’ од страна на ДФРМ, чиј постојан партнер е Општина Битола. Согласно конкурсот, апликантите ја имаат доставено потребната документација, но Агенцијата за филм не смее да го занемари фактот дека постои и решение од Државниот завод за индустриска сопственост на правото на трговска марка – ИФФК Браќа Манаки – Битола“.
Минатата година Друштвото на филмски работници за исклучително кратко време го подготви фестивалот, и за директор го назначи долгогодишниот селектор на програмата Благоја Куновски-Доре. По неуспешното раководење на фестивалот од страна на Димитар Николповски-Таки, фестивалот беше подготвен професионално за кратко време.
На прес-конференцијата минатата недела беше објавен и добитникот на Златната камера 300 за животно дело, на снимателот на филмовите на Федерико Фелини.
Во дописот испратен од адвокатот Пепељуговски до надлежните институции меѓу другото пишува „Согласно Законот за индустриска сопственост, трето лице може законски да користи туѓа трговска марка само ако има склучено договор во писмена форма. Исклучивото право на носителот на трговската марка го опфаќа правото на користење, на располагање, правото на надоместок и правото да забрани на трети лица неовластено користење во случаите и на начин што се предвидени, со меѓународни договори и конвенции, согласно Законот за индустриска сопственост“.
Министерот за култура, Роберт Алаѓозовски, изјави дека итно ќе го разгледа овој спор и нема да дозволи какви било паралелни асоцијации да го урнат реномето на фестивалот.
А. Василевска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.