Daily news
Италијанци пронајдоа вакцина против болести предизвикани од брза исхрана
Италијански тим разви вакцина која може да ги превенира болестите предизвикани од нездравата исхрана со брза и мрсна храна, попозната како „западна диета“, бидејќи луѓето од развиените земји на западот повеќе се хранат на тој начин.
Италијански тим разви вакцина која може да ги превенира болестите предизвикани од нездравата исхрана со брза и мрсна храна, попозната како „западна диета“, бидејќи луѓето од развиените земји на западот повеќе се хранат на тој начин.
Студијата е објавена во магазинот Scientific Reports, овој месец.
„Благодарение на зголемениот тренд на начин на исхрана, кој предизвикува повисоки нивоа на шеќер и масти во крвта, и кој доминира во западните општества, имаме зголемен број луѓе кои имаат таканаречен „хроничен метаболен синдром“, вели авторот на студијата Филипе Кандучи, од Универзитетот во Милано.
Типично, луѓето со метаболен синдром имаат бројни симптоми, како висок процент на масти кои се таложат околу половината, висок крвен притисок, високо ниво на шеќер во крвта и високо ниво на холестерол.
Метаболниот синдром не е болест сама по себе, туку поврзан е со бројни хронични болести, најчести во западните општества, како дијабетес тип два, срцеви и мозочни удари.
„Долго се знае дека метаболните болести се поврзани со одредена група бактерии присутни во дигестивниот систем, познати како Ентеробактериаце, кои цветаат кога луѓето јадат типична храна за „западна диета“, вели Кандучи.
До сега, биолозите, нутриционистите и лекарите се фокусираа на справување со здравствените проблеми поврзани со западната диета обидувајќи се да ја сменат човечката цревна флора преку пробиотички јогурти, па дури и поддржувачи на фекалиите, но тимот на Кандучи има еден друг пристап.
„Инјектиравме специфичен протеин, познат како ompk36, директно во цревниот ѕид на глувци кои беа хранети со западна диета“, вели Кандучи.
Секако, глувците не јаделе хамбургери, туку глувчешка храна, еквивалент на човечката брза исхрана, богата со јагленохидрати, липиди, сол и шеќер.
„Протеинот ompk36 ја создава групата бактерии Enterobacteriaceae и има широк опсег на штетни воспалителни ефекти во телото “, објаснува Кандучи. „Сепак, глувците кои беа вакцинирани не страдаа од воспалителни ефекти од протеинот, туку напротив, покажаа нормални нивоа на шеќер во крвта и пониски нивоа на инсулин, без разлика на нивната диета“, додава Кандучи.
Високото ниво на шеќер и инсулин се двата најголеми ризик фактори во развојот на дијабет тип два.
Дијабетот тип два е опишан како нова епидемија во САД, каде повеќе од 25 милиони Американци страдаат од него, што ги чини 225 милиони долари годишно. Бројот на заболени расте постојано.
Споредено со состојбата пред десет години дури 33 отсто е зголемен бројот на деца дијагностицирани со таа состојба. Вакцината исто така нуди заштита од срцеви проблеми поврзани со западната диета.
„Сите вакцинирани глувци покажаа многу повисоко ниво на крвен протеин познат како APOE, што исто така го знаеме дека се бори против срцевите и мозочните удари“, вели Кандучи.
Протеините APOE, иако не ги намалува наслагите на крвните садови, спречува масни израстоци од зацврстување и кршење, што е примарна причина за мозочни и срцеви удари.
Повеќе од 800.000 луѓе умираат од срцеви и мозочни удари во САД, а кардио-васкуларните болести се главни виновници за смрт во 30 отсто од случаите во светот.
„Не е за потценување ако кажеме дека вакцината може да биде заштита од некои проблеми предизвикани од нездравата храна. Се надеваме дека наскоро ќе имаме можност да ја испробаме вакцината и кај човек“, вели Кандучи.
Додека истражувањето не заврши, италијанскиот тим порачува колку може повеќе луѓето да се придржуваат до италијанската диета или исхрана која се темели на јадење овошје, зеленчук, маслиново масло и морски плодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.