Македонија
Работилница на МАРРИ во Скопје
Претставници на меѓународни и домашни институции утре ќе дискутираат проблеми како нелегалната миграција, шверцот и трговијата со бело робје.
Регионалниот центар на МАРРИ, заедно со министерството за надворешни работи и министерството за внатрешни работи, ќе организира работилницата на која ќе се решаваат проблеми со кои се соочуваат земјите-членки на МАРРИ, како што е нелегалната миграција и нејзините ефекти врз безбедноста, шверцот и трговијата со бело робје, врските меѓу безбедноста и можните области на меѓународна соработка помеѓу соседните држави. „Оперативната соработка меѓу земјите членки на МАРРИ може да биде успешна само ако тие се способни брзо и лесно да разменуваат информации од техничка и стратешка природа“, се вели во соопштението на МАРРИ.На работилницата ќе учествуваат членови на национални институции на земји членки на МАРРИ кои се занимаваат со управување со границите. Двајца релевантни претставници на власти од висок ранг треба да дадат нови информации за моменталната соработка на границите, да ги споделат искуствата, да ги дискутираат проблемите, како и да дадат препораки за иднината. Претставниците од меѓународните организации како ОБСЕ, Интерпол, Еуропол, Фронтекс и други, исто така ќе бидат поканети на работилницата. Тие ќе треба да ја презентираат нивната улога на полето на граничните премини и мрежата на соработка меѓу граничната полиција на меѓународните аеродроми. Работилницата насловена како „Воспоставување на мрежа за соработка меѓу граничната полиција на меѓународниот аеродром Гранични вкрсртени точки во земите-членки на МАРРИ“ ќе се одржи на 27 март во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.
Македонија
Боки-13 за операцијата „Бумеранг“: поднесе кривични против Заев, Спасовски, Русковска
Бојан Јовановски-Боки 13 поднел кривични пријави против поранешниот премиер Зоран Заев, ексминистерот за внатрешни, Оливер Спасовски, и двајцата генерални секретари на СДСМ, поранешниот Александар Кирацовски и актуелниот Миле Зачевиќ, како и против поранешната шефица на Јавното обвинителство за гонење организиран криминал и корупција, Вилма Русковска.
Тој дошол во Обвинителството на покана на актуелниот шеф на оваа институција, Ислам Абази.
Најави дела кривично-правната операција е наречена „Бумеранг“.
„Сите мои наводи и описот на настаните ќе бидат материјализирани со докази што потекнуваат од мојот телефонски уред, кој ми беше одземен при моето апсење во предметот ‘Рекет’. Се работи за кривични дела што се однесуваат на злоупотреба на службената положба и овластувањето, за изборни измани, незаконско финансирање политичка партија, злоупотреба на јавните набавки“, додаде тој.
Најави и продолжение на предавање докази во писмена форма.
„Поднесена е кривична пријава и против Вилма Русковска за злоупотреба на службената положба, примање поткуп, примена на тортура. Зоран Заев е речиси во секоја пријава“, рече Јовановски.
Македонија
Мицкоски на средба со коалицијата: доби поддршка за почнување преговори за состав на идната влада
Претседателот на ВМРО-ДПМНЕ, Христијан Мицкоски, денеска оствари средба со претседателите на партиите во состав на коалицијата „Твоја Македонија“.
Беше констатирано дека коалицијата оствари успешен и историски резултат, кој создава и одговорност за реализирање на очекувањата.
Мицкоски доби поддршка од претседателите на коалициските партии за почнување преговори за состав на идната влада.
Според заклучокот на состанокот, разговорите треба да се водат врз основа на постулати за забрзан економски развој на Македонија, силна борба против криминалот и корупцијата и европските интеграции врз база на принципи и вредности, соопштија од партијата.