Македонија
Поднесени обвиненија за Груевски, Јанакиески и за Грујевски
Специјалното јавно обвинителство по една година од назначувањето на Катица Јанева за специјален обвинител во четвртокот поднесе две обвиненија за уништување на списи поврзани со работата на системите за следење на комуникациите и за насилните протести што се случија во јули 2013 година во скопската општина Центар.
Овинителката Фатиме Фетаи која ги презентираше случаите не ги кажа јавно имињата на лицата кои се опфатени во двете обвиненија, но од она што е достапно за јавноста, може да се заклучи дека во првиот случај, односно за уништувањето на списите, првообвинет е шефот на Петтата управа при Управата за безбедност и контраразузнавање, Горан Грујевски, и шестмина службени лица вработени во УБК, додека во вториот случај првообвинет за поттикнување на насилство е поранешниот премиер и сегашен лидер на ВМРО-ДПМНЕ, Никола Груевски, поранешниот министер за транспорт и врски, Миле Јанакиески, и други високи функционери на власта. Пет лица се обвинети за поттикнување на насилство, а девет лица се обвинети како директни извршители на насилните протести во Општина Центар. Двата предмета се нови, работени по скратена постапка, бидејќи Обвинителството имало доволно докази за да изготви обвиненија и да ги достави до Кривичниот суд. Нема мерки за обезбедување на обвинетите бидејќи истрагата е целосно завршена.Уништувањето на списите за работата на системите за прислушување е поврзано со предметот „Тврдина“ којшто беше јавно презентиран, но овие два предмета не се исти, бидејќи во предметот „Тврдина“ на осомничените им се става на товар уништувањето на системите за прислушување.Во „Тврдина“ осомниченма е и поранешната министерка за внатрешни работи, Гордана Јанкулоска, а во предметот за којшто СЈО поднесе обвинение, Јанкулоска не е обвинета. На првообвинетиот, Грујевски му е одземен пасошот како мерка за претпазливост за предметот „Тврдина“.„Од доказите произлезе дека првообвинетиот во својство на службено лице во Петтата управа во Управата за безбедност и контраразузнавање незаконски формирал комисија за уништување на документација и заедно со шест членови на комиисјата уништиле 2.047 службени списи, од кои 22 се однесуваат за системите за следење на комуникациите. Според доказите првообвинетиот издал усна наредба за формирање на комисија за попис и годишно уништување на мтеријали иако законот не го дозволува тоа. Целта на фомирањето на комисијата била да бидат уништени сите списи повбрзани со работата на системите за следење на комуникациите покрај уништувањето на самите системи кое беше елаборирани на во „Тврдина“. Во списите имало и класифицирани документи и целото уништување е направено спротивно на законските и подзаконските акти и обвинетите службени лица наместо да ги дадат списите на правно лице кое е задолжено за уништување на спистие, без никаква процедура ги запалиле списите на локација која им била посочена од обвинетот“, изјави Фетаи.Седумтемина обвинети се товарат за кривичното дело фалсификување на службена исправа.Во првиот случај обвинетите се поврзани со неовластеното следење на комуникациит, а за вториот случај надлежноста на ова обвинителство произлегува од содржината на прислушуваните разговори. Овој телефонски разговор беше и јавно објавен а го водат Груевски и Јанакиески кои ги организираат протестите во општина Центар.„Подготви го Мартин и Суле да спремаат од утре да маваме… Во петок ќе му собереме 2.000 луѓе пред Центар, дел ќе си влезат и внатре, нели имаат право граѓани да влезат. Па да видиме, да размислиме, дали еден да стане и три – четири јаки шамари да му врзе пред сите. Не може ништо да му се направи (на сторителот, н.з), нема тешка телесна повреда тука за кривична, има само за прекршочна“, му вели Груевски на Јанакиески во снимениот разговор. Во јуни 2013 година во општина Центар беше закажана седница на општина Центар за поништување на повеќе Детални урбанистички планови меѓу кои и ДУП-от „Мал ринг“. Спред доказите на СЈО, Груевски, Јанакиески ин други високи функционери го поттикнале членството на ВМРО-ДПМНЕ да организраат насилни протести и да извршат насилство врз градоначалникот на општина Центар, Андреј Жерновски и членовите на советничката група на СДСМ.Групата била организирана заради наводно рушење на црквата „свети Константин и Елена“, точка која воопшто не била на дневен ред на седницата. Според СЈО, вистинските причини за организирање на протестите биле лукративните мотиви на Груевски и бизнис интересите на партијата на власт.Во насилните протести во Центар беа скршени сите прозорци на бараката каде се одржуваше седницата, а едно лице беше повредено. Како сведок во СЈО изминатите период се појави и Жерновски. И за двата случаи СЈО очекува осудителни пресуди, но до попладнево обвиненијата не се стигнати во Основниот суд Скопје 1. „Патот до правдата е еден. Тој не трпи компромиси во корист на едни, а на штета на други. Не препознава други поделби освен на лица за кои постојат докази дека се сторители и за лица за кои не постојат докази. Нема да има ниту привилегирани, ниту неправедно осудени“,порача Фетаи на крајот од обраќањето./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.