Политика
Груевски: Потребни се крај на кризата и стабилна влада
На овој народ не му треба широка коалиција, туку крај на кризата и стабилна влада, остануваат уште десетина денови до крајот на кампањата, а потоа следува историска победа за оние кои ветуваат и исполнуваат, кои им помагаат на земјоделците, прават реформи во сите сфери и сакаат земјата да ја внесат во ЕУ и НАТО изјави на предизборниот собир во средата во Виница Никола Груевски, претседател на ВМРО-ДПМНЕ која ја води коацијата „За подобра Македонија“, победа за Република Македонија.
„Единаесетти декември ќе биде денот кога СДСМ ќе го прокнижи десеттиот пораз. Десеттиот по ред пораз од мнозинството граѓани на Македонија“, рече Груевски додавајќи дека опозициската коалиција предводена од социјалдемократите се надеваат на тесен изборен порази и формирање на ткн широка коалција во владата.
„По сето што го сторија, СДСМ сега се во депресивна состојба и затоа им продаваат таква приказна на своите членови. Паралелно се обидуваат да ги убедат и странците за широка коалиција, дека тоа е добро. Замислете со што се знаимаваат СДСМ, наместо да се доближат до народот“, констатираше челникот на владејачката ВМРО-ДПМНЕ.
Груевски порача дека разликата вогласовите нема да изнесувала седум/осум мандати, туку „ќе биде огромна победа, пое која ќе им биде срам да помислат за широка коалиција“.
„Нашиот народ тоа нема да го дозволи. СДСМ нема веќе да може да ја уназадува земјата. Широка коалиција на овој народ не му треба, па дури и да имаат исти број гласови, а тоа нема да се случи. Нека си фантазираат, нека си ги лажат членовите“, додаде Груевски.
Повторно изрази надежи дека гласачите ќе ѝ доверат на коалицијата предводена од ВМРО-ДПМНЕ 63 пратенички мандата.
„Разликата ќе биде огромна, но многу е важно да биде со 63 места во парламентот. На овој народ му треба крај на кризата и стабилна влада“, порача Груевски.
Рече дека владата што ја предводеше и во најтешката економска криза успеала да ги зголемиме пензиите, да дава субвенции и да реконструира патишта.
„Онаа власт којашто си го потценува народот, ветува сé од ракав, не ни е потребна, ни требаат луѓе кои ја водат државата кон ЕУ и НАТО, влада којашто не се согласува со виткање на кичмата на Зоран Заев, за кантонизација и за проширување на рамковниот договор, нас ни е потребна стабилизација и економски напредок на државата. Да си останеме концентрирани на нашите напори за градење на Македонија, растење на пензиите, економијата, носење на инвестиции, уште повеќе иако сме на десетото место и за отворање на нови работни места“, истакна Груевски.
Потенцираше дека во изминатите десет години на власт успеале да отворат 39.000 нови работни места во регионот, од вкупно отворени над 160.000 работни места, како и дека невработеноста е намалена од 38,7 на 24 отсто, а истовремено земјоделците биле помогнати 150 милиони евра годишно субвенционирање.
„И во најтешки времиња успеавме да им дадеме субвенции од 50/50 на земјоделците за да можат да купат трактори, успеавме да донесеме над 2 милијарди евра пари од странски директни инвестиции, во најтешко време успеавме да обезбедиме кредит во вредност од 350 милиони евра со каматна стапка од пет ипол проценти за македонските фирми да ја преживеат и светската криза и европската криза и домашната политичка криза. Изградивме и реконструиравме 510 километри регионална патна мрежа и над 750 километри локална патна мрежа. Ги зголемивме пензиите на пензионерите за 70 проценти од просечната пензија, а над 90 проценти од минималната пензија. А ги реализиравме и проектите за банско-климатска рекреација на пензионерите, воведовме минимална плата под која не смее да се дава плата во Македонија и до 2020 година таа ќе изнесува 14.000 денари“, истакна меѓу другото Груевски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.