Политика
Груевски: Уште седум дена и државата си ја враќа сувереноста
Уште само седум дена до големата победа, која ја очекуваме и која доаѓа, големата историска победа, чоја ќе биде голема не само според резултатот, туку и поради противникот и неговите планови, уште 7 дена и државата си ја враќа сета своја самостојност и сувереност и народот ќе покаже на сите кој е и во што верува, вака го започна обраќањето лидерот на ВМРО-ДПМНЕ Никола Груевски и носител на пратеничката листа на ВМРО-ДПМНЕ и коалицијата „ За подобра Македонија“ на митингот во Радовиш.
„Две ипол години политичка криза која ја создадоа вештачки заради некои фантоми кои испаднаа дека не постојат. Две ипол години обиди за закрвување на народот и поделби, конфликтност која се пренесуваше секаде низ државата. Кризата полека се движи кон својот крај. Но нејзиниот крај ќе биде убедлив само ако имаме 63 пратеници и ќе се стави крајот на мрачни сценарија за нашата држава“, рече Груевски.
Пред радовишани Груевски рече дека сценаристите кои ја смислиле кризата не можат да се помират затоа што нивниот план не успева, иако постојано се прават обиди за продолжување на кризата.
„Смислуваа заедничка коалиција, смислуваа анкети и деновите одминуваат, а доаѓа денот на големата победата на македонскиот народ , на Македонците, Албанците, Србите, Бошњаците ….на сите граѓани на Македонија. Лажеа два милина луѓе дека има фантомски гласачи. Последната надеж им е во разни лаги и ветување на се и сешто, ветувања извадени од ракав, без размислување што потоа кога нема да може да се исполни тоа. Ветуваат враќање на ДДВ, ама народот пресмета. Зошто си погруваат со нашиот народ? Си поигруваат со судбините и емоциите на посиромашните граѓани и го потценуваат капацитетот на сопствениот народ, истиот оној народ од кој бараат да дојдат на власт“, посочи лидерот на ВМРО-ДПМНЕ.
Груевски го обвини лидерот на опозицијата Зоран Заев со кого директно ќе се соочи во Изборната единица 4, дека шири многу лаги и како примери ги посочи носењето странски инвестиции, зголемувањето на просечната плата и враќањето на ДДВ.
„Приказната дека ќе донеле многу инвестиции, ќе ги врателе луѓето во Македонија бидејќи Заев ќе донел толку инвестиции што нема да има работници во Македонија. Да беше нов во политикат,а ќе му веруваа, но Заев 11 години е во политиката. Во тие 11 и пол години не донесе ниту една крупна инвестиција во својата општина. Па тој не може во Струмица да донесе, а не пак во Куманово, Штип и другите места. Подобро ќе поминеше ако одеше чесно и ако кажеше нешто реално“, заклучи Груевски.
Според лидерот на ВМРО-ДПМНЕ просечната плата „сериозно“ ќе расте, единствено на начинот на кој работела неговата влада, со привлекување инвестиции, намалување на даноците и охрабрување на домашните стопанственици.
За Груевски нема сомнение дека граѓаните на 11-ти декември ќе ја одберат Македонија, а не „некој сценарист од надвор кој стои зад Заев“.Одлуката за гласање на овие избори е многу едноставна, но е историска и многу значајна, порача.
„На една страна вели тој има политичка партија која работи, се грижи за граѓаните за зголемување на пензии, социјална помош, која носи инвеститори и отвора нови работни места, се труди ја зајакне државата. И друга политичка партија која се здружува со разни криминално разузнавачи структури и се става во нивни раце а за возврат бара само да ги донесат на власт. Тоа знам дека нема да го добијат, затоа што колку и да изгледа одлуката комплицирана, во суштина е многу едноставна. Народот ќе одбере реформи, создавање работни места, зголемување ена стандард поддршка на земјоделците. Граѓаните ќе ја одберат Македонија а не некој сценарист“, рече Груевски.
Подвлече дека едната одлука е за секој поединечно и за неговото семејство, а другата е за Македонија.
За својот противник Груевски обивни дека се збогатил откако стана градоначалник и станал милионер „со лаги, интриги и делење тендери на фамилијата“.
„Се сеќавате на случајот Цареви Кули? Законот за легализација се донесе во 2009 година и предвиде дека сите нелегално изградни објекти може да се реализираат за 1 евро квадрат. Заев тогаш договори да се почне со градба на Цареви Кули. Сакаа да не платат комуналии со што направија голема зашета. Заев како градоначалник запиша дека Цареви Кули се изградени пред донесувањето за законот. Заборави само една работа, дека Гугл мапс прави фотографии секои 6 месеци. Па сликано е како било пред законот и како било по донесувањето на законот на местото на Цареви Кули, се виде дека објектот се градел по донесувањето на законот. Таков ли човек да ги добие државните финансии? Македонија ќе се спротивстави на 11 декември и нема да го дозволи тоа, рече Груевски.
Потсети и за случајот Глобал, за кој поранешниот претседател Бранко Црвенковски, го аболицираше Заев.
„За Глобал беше покрената постапка, а Заев тогаш тврдеше дека тоа се политички местенки и реваншизам. Излезе и кажа дека не барал аболиција. Една година потоа беше изгласан законот за легализација на диви градби. Сопственикот на Глобал побара да биде легализирано земјиштето, а Зоран Заев ја потпиша легализацијата. Човекот кој една година претходно велеше дека Глобал нема криминал. Таков човек ли да ја води Македонија. Јас сум сигурен дека народот нема да го дозволи тоа“, запраша Груевски.
Груевски во продолжение вети грантови за компаниите кои ќе ги рестартираат фабриките жртви на транзицијата, Посочи дека вкупните странски инвестиции во Македонија во минатотото изнесувале над две милијарди евра, а во време кога дошле на власт извозот бил само една милијарда, а оти по десет години изнесува повеќе од четири милијарди евра.
Истакна дека оние кои сакаат да ги рестартираат старите фабрики ќе бодијат неколку поволности, ќе добијат грантови од по 2.000 евра и ќе плаќаат намалени даноци, а со оваа мерка би ја подобриле невработеноста од времето на транзицијата на СДСМ.
„Имаме и проект наречен од град во село, во овој проект се нуди на граѓаните 6.000 евра како почетна помош доколку сакаат да купат куќа надвор од градот и да отпочнат бизнис. Ќе имаме и проекти за младите, за младите никогаш досега немало кредит кои го дава државата за младите да можат да купат куќа, стан не постари од 35 години. А кредитот ќе го враќа државата со учество на самите купувачи. Ќе се градат и шест експресни патишна, 140 училишта ќе се реновираат, а ќе се изградат и нови 78 спортски сали, за студентите на државните факултети ќе се намали финансирањето. За сите студенти на државните факултети кои потекнуваат од загрозени семејства или семејства со еден родител ќе се даваат стипендии“, истакна Груевски.
Груевски потенцираше дека во Радовиш се отвориле 2.300 нови работни места, се завршија повеќе локални патишта како и магистрални патишта. Исто така се изградија неколку мостови, се изградија четири нови училишта како и се направи реконструкција на 8 други училишта. Се направија и спортска сала, како и здравствениот дом е беше реновиран, а во иднина следува експресен пат помеѓу Радовиш и Штип. Вети и отворање две нови градини, дневен престој за старите лица, како и за лицата со посебни потреби, кошаркарски игралишта како и ски терени на Плачковица, /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.