Политика
Опозицискиот совет повика на сеалбански протест во понеделник
Опозицискиот совет односно во име на Советот за организирање на протестот кој го закажа во понеделник под мотото „Ден Д: Правда, Достоинство, Демократија“, во неделата на прес-конференција повика на сеалбански протест против „антиалбанскиот режим“ .
„Како што сте веќе известени, во понеделник, на Денот на Европа, но и на денот кога се потсетуваме на немилиот настан од минатата година во Куманово, Опозицискиот Совет повика албански протест под мото ‘Ден Д: Правда, Достоинство, демократија’“, беше прочитано на прес-кофнеренцијата.
Организаторите утрешниот протест најавија дека освен албанските политички партиите, невладините организации и интелектуалци кои се дел од Опозицискиот совет, на нивниот повик се одѕвале со своја поддршка и други опозициски политички партии, невладини организации и познати личности од академскиот, публицистички и уметнички живот „во Македонија и пошироко“.
„Оваа листа на поддржувачи е доста долга, десетици имиња кои заслужуваат благодарност, но за да не заборавиме некој од нив без да го спомнеме, ќе им се заблагодариме воопштено на сите тие кои го подржуваат нашиот протест. На овој начин тие, освен што помогнаа, исто така покажаа дека се против овој анти-албански режим ВМРО-ДУИ и дека се за европските вредности, за европска интеграција но и за Правда, Достоинство и Демократија“, соопштија.
Протестниот марш ќе тргне од паркот во населбата Чаир во 17.30 часот и ќе застане пред зградата на Владата во 18.30 часот. Таму ќе видена прочитана декларација на протестот и ќе со одржат само два говора од два преставника на Опозицискиот совет.
Притоа беше истакнато дека протестот е албански, така што знамињата и симболите треба да бидат само национални без никакви партиски знамиња.
„Ве повикуваме да дојдете заедно со своите семејства, па и со вашите деца и заедно да протестираме. Затоа што албанскиот глас е веќе непретставен, затоа што нашиот интерес веќе не се артикулира никој, нас не ни преостануваше ништо друго, освен да протестираме и да се изјасниме дека, иако дуото ВМРО-ДУИ веќе скршнале од европскиот пат, Албанците не гледаат друг пат освен патот кој води кон Европа. Овој протест треба да го крене и гласот против сите тие кои дозволија, учествуваа или самите подготвија монтирани политички процеси, за кои денес десетици невини Албанци гнијат по затвори. Ако не реагираме, тие се подготвени да го повторат сценариото. Затоа, треба да реагираме и протестираме. Треба да протестираме и затоа што нам ни е одземено демократското право на глас, затоа што дуото ВМРО-ДУИ отсекогаш манипулирале со нашата волја и затоа ние секогаш сме биле поразени“, се вели во соопштението прочитано на прес-конференцијата,
Од Опозицискиот совет сметаат дека најважното е тоа што протестот е начин да се изјаснат дека не се сите Албанци „покорени и понижени пред шефовите на ВМРО, туку дека имаме човечко достоинство кое нема да дозволиме никој да го покори“.
Ги повикаа сите Албанци „каде и да се“ да се „обединат на протестот“ да го кренат граѓанскиот глас на незадоволство и протест, затоа што така ќе му „помогнат и на Специјалното јавно обвинителство и на меѓународната заедница за да и тие да можат да ја извршат својата работа од горе, така што ќе се измели криминалот, корупцијата, предавството, манипулацијата и понизноста“ беше кажано и порачано дека „тие што нема да протестираат сега, утре немаат право ни да се жалат“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.