Политика
Партиите задоволни од изборот на специјалниот јавен обвинител
Претставниците и на власта и на опозицијата се задоволни од постигнатиот договор околу законот за специјален јавен обвинител, како и од личноста предложена за функцијата, Катица Јанева, иако ниту едните, ниту другите не откриваат чиј предлог е таа.
Претставниците и на власта и на опозицијата се задоволни од постигнатиот договор околу законот за специјален јавен обвинител, како и од личноста предложена за функцијата, Катица Јанева, иако ниту едните, ниту другите не откриваат чиј предлог е таа.
Според извори од партиите, изборот на Јанева е усогласен откако сите партии имале предложено по пет имиња, сепак изборот паднал на гевгелиската обвинителка.Од двете страни велат дека очекуваат таа да заврши добра робота, со оглед на тоа што ја сметаат за професионална и со искуство во обивинителството.Од ВМРО-ДПМНЕ истакнаа дека се задоволни од договореното, како и дека сега ќе се тргне `маглата` од периодот досега кога сé се засноваше на манипулации и шпекулации. „Сите процедури сега ќе влезат во фаза на имплементација, како што доликува на една држава“, велат од владејачката партија. „Ваквиот закон дава добра шанса за реструкција на институциите и дестимулација на партиските послушници кои ќе се позамислат пред да решат само да исполнуваат“, велат од опозициската партија.Од СДСМ, исто така, велат дека добиле и повеќе од тоа што барале, со оглед на тоа што тие инсистираа, а и во договорот од Пржино беше дефинирано да се избере специјален јавен обвинител, а со утринското решение специјалниот обвинител има право сам да избере тим, колку луѓе и кои луѓе ќе му помагаат, а за тоа да се овозможи во Собранието, попладнево ќе биде донесен позебен закон по итна постапка.Законот треба да помине на матичните комисии за политички систем и на законодавно-правната комисија, а потоа да помине на пленарна седница, по што ќе биде предложена Јанева, за која ќе заседава Комисијата за избори и именување, по што предлогот ќе биде доставен до Советот на јавни обвинители, каде таа ќе поднесе и заклетва. Седница на Советот, неофицијално, е закажана вечерва во 22.30 часот. Пратеникот Павле Трајанов, предложи еден амандман, на предложениот закон, со кој се одредува казнена одредба. Имено, тој предложи да постои казна затвор од три години за оние лица кои нема да достават докази, или ќе достават лажни докази до јавниот обвинител, или пет години казна затвор за истото дело за службените лица. Предлогот на Трајанов беше одбиен со образложение дека казнени одредби постојат во другите закони и позитивното право во Македонија.Од партиите очекуваат во следната една недела, до десет дена, да се формира тимот на обвинителката и тој да започне со работа. Од опозицијата најавија дека транспарентно ќе објават кога ќе ги достават сите предмети за случајот „Прислушување“, а оние кои веќе се предадени во обвинителството, а ги има 27, обинителката ќе ги преземе од таму. Таа ќе има време од примањето на материјалите 18 месеци да формира предмет. Токму затоа, појаснуваат нејзиниот мандат е четири години, со можност за реизбор од уште една година, затоа што новиот закон има трајност од пет години. Од опозицијата очекуаат власта да прави опструкции на работата на обвинителката, но од партија на власт уверуваат дека таа ќе може непречено да ја работи својата работа.
За својата работа, обвинителката ќе дава отчет пред Собранието, а конфликтот или јурисдикцијата над предметите ќе го одредуваат обвинителите. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.