Скопје
Жерновски и Заев ќе ги забранат улицата на кејот на Вардар и шпанските скали
Забрана за изградба на пристапна улица на кејот на Вардар, шпанските скали и други планирани градби во централното градско подрачје ќе донесе во вторник Советот на Општина Центар, на иницијатива на градоначалникот Андреј Жерновски.
Забрана за изградба на пристапна улица на кејот на Вардар, шпанските скали и други планирани градби во централното градско подрачје ќе донесе во вторник Советот на Општина Центар, на иницијатива на градоначалникот Андреј Жерновски.
„Прогласувањето на туристичка зона, апсолутно забранува секаков вид градби и се работи за појас којшто го ограничува кејот, улицата пред хотелот „Холидеј ин“, улицата пред парламентот, вклучувајќи ги скалите и секако овде кадешто завршуваат градбите до плоштадот во Скопје. Решенија мора да се изнајдат преку јавна дебата со граѓаните. Да помине улицата овде преку сите овие настрешници, кафулиеа, што се поставуваат во средина, апсолутно е дрскост и безобразие“, рече лидерот на СДСМ Зоран Заев.Тој смета дека централното градско подрачје во Скопје станува сé попроблематично место на живеење.„Од бомбите, од прислушуваните разговори, чувме дека Никола Груевски е главен планер и архитект за градбите и спомениците во Скопје. За проектот ‘Скопје 2014’ нема анкета и граѓаните не се прашани за инвестицијата од 600 милиони евра. Сообраќајниот метеж, со ова, бидејќи нема инфраструктурна поставеност, дополнително се компликува. Ние од СДСМ, градоначалникот Жерновски и опозициските советници градиме партнерство со граѓаните“, рече Заев.Додаде дека пред очите на скопјани се сечат десетлетни дрвја и се уништуваат паркови.„Доаѓа време, кога власта ќе се врати кај граѓаните, бидејќи се работи за нашиот главен град. Не се работи за инает и реваншизам, туку за заеднички интереси. Решение мора да се изнајде, и тоа заедно со граѓаните, бидејќи дрскост и безобразие е тука на Кејот да се гради улица“, рече Заев.Градоначалникот на Општина Центар, Андреј Жерновски посочи, дека небулозните градби и скулптури од проектот „Скопје 2014“ не им носат корист на граѓаните. На само две недели до назначувањето на новите министри, рече тој, има офанзива на нови градби од „Скопје 2014“.„Денеска на седница на Советот на општина Центар, ќе донесеме забрана за градба на овој потег, кој ја опфаќа и улицата на Кејот, но одлуката ќе ја опфати и изградбата на Шпанските скали, а не само на оваа небулозна улица. Нема да дозволиме и изградба на Шпански скали. Ја повикуваме власта да се откаже од изградбата на вакви градби, во спротивно ќе изгласаме забрана на истите. Упатуваме покана и до стручната јавност да се вклучи во ова, ги повикуваме и граѓаните и невладините организации, бидејќи ова е битка за интересот на граѓаните“, вели Жерновски./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.