Домашен
Червар: Скејрн, нов натпревар, ново искуство
Ракометарите на Металург, в недела, ќе го одиграат последниот натпревар пред домашната публика оваа сезона во Лигата на шампионите. Противник на Металург ќе биде екипата на Скјерн, од која четата на Лино Червар, во првиот меч загуби со гол во последната секунда.
Металург, во досегашниот тек од сезоната, има скор од две победи и шест порази, додека Скјерн се бори за пласман на една од првите две позиции на табелата во Д групата.
„Задоволен сум од тоа како одигравме на седум од осумте натпревари во ЛШ, без оглед на поразите кои ги доживеавме. Во тие седум натпревари никој не не надигра, дури можевме да имаме и повеќе бодови. Последниот меч кој го игравме против Шафхаузен, паднавме психички во последните 10 минути и поради тоа не сум задоволен. Ние сме млад тим, но не смееме да се предадеме однапред, мораме стално да се бориме. Во тој стил сакаме да ја завршиме ЛШ, да се бориме до крај независно од резултатот. Ние против Скејрн во Данска го одигравме најдобриот меч во сезоната, бевме борбени и сконцентрирани, а загубивме само поради наивноста и неискуството“, рече на прес конференцијата во пресрет на натпреварот Лино Червар.
Двата тима се комплетни за овој натпревар, Скејр во Скопје, доаѓа со искусните Мирхол и Сондегард, а за Металург ќе може да смета на Мраковчиќ кој целосно е рехабилитиран од повредата на дланката.
„Скејрн е вистински предизвик, на последната средба да го дадеме максимумот, без оглед на тоа што тие имаат неколку исклучително квалитетни играчи. Имаат добра надворешна линија и добри крила. Скјерн е екипа која секогаш игра брз центар, играат длабока 6-0 зона, карактеристична за Скандинавците. Нашите надоврешни играчи поради таа зона мислам дека ќе имаат многу проблеми. Ќе се обидеме сето тоа да го надополниме во одбраната, ќе треба да играме длабока зона, со многу контакти.“
Металург и Скјерн совојот натпревар в недела ќе го започнат во 18:30 часот во СЦ „Борис Трајковски“. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.