Европа
Филе: ЕУ сепак соработува со Русија
Европската унија ја осудува Русија за военото вплеткување и нарушувањето на суверенитетот на Украина, но со Русија соработува во решавањето на голем број горливи проблеми.
Станува збор за борбата против исламските терористи и спречувањето на Иран да произведе нуклеарно оружје.
Тоа во вторникот за време на расправата за соработката на ЕУ и Украина во Европскиот парламент во Стразбур го изјави европскиот комесар за проширување Штефан Филе.
Тој додал дека ЕУ со санкциите врши притисок врз Русија со цел да издејствува политичко, мировно решение за украинската криза.
Тој нагласил дека властите во Киев побарале до крајот на 2015 година да се одложи примената на нејзиниот договор со ЕУ за поврзување и за слободна трговија, бидејќи владата во Киев сака да направи темелни подготовки за овој договор.
Филе напоменал дека Русија се заканила дека ќе ги повлече сите трговски дозволи за Украина доколку ваквиот договор веднаш стапи на сила.
Европскиот комесар нагласил дека кон крајот на оваа година ќе се одржи донаторска конференција за економско – финансиска помош и обнова на Украина.
Тој укажал и на тоа дека наскоро со Казакстан, Белорусија и Ерменија ќе разговараат за зајакнување на трговијата, подвлекувајќи дека тоа како и спроведувањето на договорот со Украина значи дека е можно да се спроведе замислата за создавање слободен економски простор.
Во расправата на Евро – парламентот во вторникот биле поделени и оценки на политиката кон Украина и прашања за тоа дали се потребни заострени санкции за Русија поради кризата во Украина или пак потребно е „изградба на мостови“ за преговори и решавање на кризата со Москва./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.