Европа
Гранатиран центарот на Донецк, загина швајцарски активист на Црвениот крст
Центарот на источниот украински град Донецк, главното упориште на проруските бунтовници повторно е бомбардиран во четвртокот од страна на украинските сили и покрај прекинот на огнот потпишан на 5-ти септември, при што загинал и швајцарски претставник Меѓународниот комитет на Црвениот крст (ICRC), соопштија властите на самопрогласената Донецка народна република.
Според агенцијата Итар-Тасс, која се повикува на началникот на штабот на министерството за одбрана на самопрогласената Народна Република Донецк, Едуард Басурин, во артилерискиот напад загинал претставникот на Меѓународниот комитет на Црвениот крст, 38-годишниот Швајцарец Лоран Етјен.
Дописникот на агенцијата јавува дека станува збор за најинтензивното бомбардирање на Донецк последните денови. Потврдено е дека има настрадани, но нивниот број засега е непознат.
Градот е бомбардиран со ракетните системи „Ураган“ јави во четвртокот вечерта репортерот на РИА Новости од местото на нападот. Јави дека на улиците во центарот на градот има и неексплодирани гранати од кои една се зарила во приватна куќа, а неколку домови биле оштетени.
Според очевидци, во артилериското гранатирање биле оштетени болница, трговски центар и тениски терени.
Донецк е бомбардиран еден ден откако во средата утрото беше гранатиран градот при што една граната падна во близина на основно училиште на денот на одложениот почеток на учебната година поради воените дејствија кога украинската армија се обидуваше да навлезе во предградијата. Притоа беше погоден минибус кој случајно минувал пред училиштето при што загинаа 11 луѓе а 40 беа ранети.
Во четвртокот по артилерискиот гранатирање во Донецк се слушнале и серија експлозии од проектили, најверојатно од минофрлачи. Локалните медиуми јавуваат дека интернет страницата на градскиот совет објавила оти биле погодени станбени повеќекатници како административни објекти.
Челникот на донецките бунтовници, Александр Захарченко, изјави за РИА Новости дека влошувањето на ситуацијата во Донецк, каде што украинската армија го држи уште само блискиот аеродром, може негативно да влијае врз процесот на преговорите што во Минск ги води Контактната група за Украина, односно претставници на Киев, Москва и Организацијата за безбедност и соработка во Европа (ОБСЕ) како посредници во мировните преговори меѓу проруските бунтовници и прозападните киевски власти./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.