Европа
Оланд, Меркел и Путин побараа од Пoрошенко продолжување на примирјето
Рускиот претседател Владимир Путин го повикал украинскиот колега Петро Порошенко да го продолжи прекинот на огнот кој истекува во понеделник навечер во новиот телефонски разговор во неделата попладне во кој учествувале и францускиот претседател Франсоа Оланд и германската канцеларка Ангела Меркел, соопштија Елисејската палата и Кремљ.
„Повикот е упатен до Порошенко да го продолжи прекинот на огнот кој би требало подолго да потрае“, соопшти Кремљ по телефонскиот разговор на четворицата челници.„Претседателот на Републиката и канцеларката Меркле во првата половина на денот имаа телефонски разговор, во текот на кој повеќе од два часа ја разгледуваа ситуацијата во Украина заедно со претседателот Путин и претседателот Порошенко“, се вели во соопштението на кабинетот на францускиот претседател Оланд.Според Елисејската палата, челниците на Франција и Германија „ја истакнале неопходноста од преземање натамошни конкретни чекори со цел да се стабилизира ситуацијата во Украина од аспект на безбедноста, од продолжување на прекинот на огнот и остварување на мировниот план претставен од украинските власти“.Челниците, исто така, ги истакнале надежите искажани по состанокот на Советот на Европската унија од 27-ми јуни, и очекувањата на првите резултати до понеделник 30-ти јуни.„Франсоа Оланд и Ангела Меркел, ги повикаа претседателите Украина и Русија да работат на воспоставување на механизмот за набљудување на прекинот на огнот и ефикасна контрола на границата со мониторинг на ОБСЕ, почеток на реализацијата на мировниот план на претседателот Порошенко, како и натамошно ослободување на заложниците“, се вели во соопштението на администрацијата на францускиот претседател.Во соопштението на Кремљ се потврдува дека четворицата челници во текот на разговорот се договориле за можноста за испраќање на набљудувачи на Организацијата за безбедност и соработка во Европа (ОБСЕ) на граничните премини на руско-украинската граница. Притоа било позитивно оценето ослободувањето на набљудувачите од мисијата на ОБСЕ и продолжување на преговорите.Украинскиот претседател Порошенко најави дека во понеделник повторно ќе разговара со Оланд, Меркел, и Путин, и истакна дека четиристраниот телефонски разговор ќе биде воден неколку часа пред истекот на примирјето во рускојазичниот регион Донбас во кој живеат повее од седум милиони луѓе. Во настојувањето да се прекинат повеќе од двомесечните судири, Порошенко и проруските бунтовници во саботата известија дека примирјето коешто требаше да заврши во петокот навечер е продолжено до 21 часот по средноевропско време во понеделник. Самопрогласениот премиер на самопрогласената Народна република Донецк, Александар Бородај во неделата соопшти дека следниот круг преговори со претставниците на власта во Киев би требало да се одржи во вторник 1-ви јули. Засега не е познато дали ќе биде договорено уште едно продолжување на примирјето. Примирјето е првиот чекор од мировниот план на претседателот Порошенко во 15 точки, кој предвидува и децентрализација на власта, како и делумно враќање на употребата на рускиот јазик во училиштата и претпријатијата, откако го загуби статусот на службен јазик кога кон крајот на февруари новите прозападни власти го укинаа законот за јазиците./крај/мф/сн
Извор: AFP/РИА Новости/Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.