Европа
Порошенко не го продолжи прекинот на огнот во источна Украина
Украинскиот претседател Петро Порошенко одлучи да не го обнови примирјето во источниот дел од земјата откако и 72-часовно продолжување истече во понеделникот во 21 часот по средноевропско време, но изрази подготвеност повторно да прогласи прекин на огнот доколку сите страни во конфликтот се придржуваат до мировниот план, се наведува во соопштението на интернет страницата на претседателот на Украина објавено во ноќта кон вторникот.
Во објаснувањето на одлуката, се наведува дека претседателот Порошенко смета оти не била искористена шансата за исполнување на мировниот план, поради „криминалните дејствија“ на проруските бунтовници и дека „претседателот презема дејствија во врска со прекинот на огнот во Донбас“.„Тие (бунтовниците) јавно ја изразија својата неподготвеноста да го поддржат мировниот план во целост и посебно прекинот на огнот. Повеќе од сто пати го нарушија примирјето“, се вели во соопштението.Се истакнува и дека за заштитата на територијалниот интегритет на Украина, безбедноста и животите на цивилите неопходни се не само дефанзивни, туку и офанзивни дејствија против бунтовниците.Порошенко порачал дека вооружените сили, Националната гарда, Државната гранична служба и Службата за безбедност (СБУ) повеќе не се ограничени со прекинот на огнот. Украинскиот претседател истакнал дека украинскиот војници нема да употребат сила против цивилите и нема да биде отворан оган врз станбени населби.Киев е подготвен да се врати на прекинот на огнот, само доколку сите страни се придржуваат до мировниот план, се вели натаму во соопштението објавено на веб страницата на претседателот на Украина.„Нашиот мировен план, како стратегија за Украина и Донбас, останува на сила (…) Во секој момент сме подготвени да се вратиме на прекинот на огнот. Кога ќе увидиме дека сите страни се придржуваат кон спроведувањето на основните точки од мировниот план“, се вели во пизмената изјава на Порошенко.Според него, украинските власти не се откажуваат од реализацијата на мировниот план, кој предвидува разоружување, децентрализација, слободна употреба на рускиот јазик, како и поврат на загубената сопственоста за сметка на државата.Примирјето коешто го прогласи украинскиот претседател Порошенко на 20-ти јуни, завршуваше на 27-ми јуни, но беше дополнително продолжено за уште 72 часа и заврши во понеделник навечер во 21 часот по средноевропско време.Во настојувањето да се прекинат повеќе од двомесечните судири, Порошенко и проруските бунтовници во саботата известија дека примирјето коешто требаше да заврши во петокот навечер е продолжено до 21 часот по средноевропско време во понеделник. Самопрогласениот премиер на самопрогласената Народна република Донецк, Александар Бородај во неделата соопшти дека следниот круг преговори со претставниците на власта во Киев би требало да се одржи во вторник 1-ви јули. Примирјето беше првиот чекор од мировниот план на претседателот Порошенко во 15 точки, кој предвидува и децентрализација на власта, како и делумно враќање на употребата на рускиот јазик во училиштата и претпријатијата, откако го загуби статусот на службен јазик кога кон крајот на февруари новите прозападни власти го укинаа законот за јазиците./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.