Европа
Самитот во Минск последна можност за мир во Украина?!
Челниците на Украина, Русија, Франција и Германија треба да се се сретнат во среда во белоруската престолнина Минск на таканаречениот „самит на последната можност“ со кој треба да биде ставен крај на десетмесечната граѓанска војна во Украина во којашто според Обединетите нации досега животите ги загубиле повеќе од 5.300 луѓе.
Средбата на претседателите на Украина, Русија и Франција, односно Петро Порошенко, Владимир Путин и Франсоа Оланд и на германската канцеларка Ангела Меркел., доаѓа како резултат на француско-германската мировна иницијатива преземена минатата седмица со посетите на Киев и Москва, во моментите кога се разжестуваат судирите во југоисточна Украина. На пример, само во вторникот најмалку 37 луѓе загинаа, а стотина беа ренети.
Украинскиот претседател Петро Порошенко кој при изборот во мај минатата година вети завршување на војната со ставање под контрола на одметнатите рускојазични региони, но сепак во Минск на почетокот од ланскиот септември се согласи и донесе закон со кој има се даваат специјални статуси на самопрогласените ткн „народни републики“ во Донецк и во Луганска, задачата што претстои во белоруската престолнина ја ремизираше како да се понуди „една од последните можности за воспоставување безусловен прекин на огнот и повлекување на тешкото вооружување“, што се всушност некои од 12-те точки од ткн Минска спогодба за кои се договори со рускиот колега Владимир Путин, но кои двете страни не ги почитува.
Порошенко, ноќта кон средата за време на посетата на Краматорск, град во регионите опфатени со судири кој е под контрола на украинските трупи кој беше бомбардиран и за што повторно меѓусебно се обвинуваат двете страни, изјави дека во Минск од „за да започне политички дијалог“.
„Ние ќе најдеме компромис внатре во земјата. Должни смет ада го заштитиме мирот, да го заштитиме спокојството на граѓаните на Краматорск, мораме да ја заштитиме Украина. И токму затоа јас одам во Минск, за бведнаш, безусловно, без какви и да се услови да се воспостави прекин на огнот и да започне политичкиот дијалог. Ние самите ќе се разбереме“, изјави Порошенко.
Украинскиот претседател, исто така, додаде дека Киев бара мир без никакви услов. „Бараме прекин на огнот, повлекување на странските војски, затворање на границата. Тие се оние што тука дејствуваат. Кај нас нема никаков конфликт“, додаде Порошенко.
Претставниците на одметнатите региони, кои сé почесто се споменуваат под заедничкото име Донбас, во вторникот вечерта два часа во Минск разговараа со претставниците на Киев, со посредство на претставниците на Русија и на Организацијата за безбедност и соработка во Европа (ОБСЕ), односно ткн Контактна група. Притоа претставниците на Донецк и Луганск поднесоа предлог решение за судирот. е. Според донецкиот претставник, Денис Пушилин, кој не ја обелодени.
Ноќта ко средата американскиот претседател Барак Обама телефонски го повика рускиот претседател Владимир Путин, и според соопштенијата и на Белата куќа и на Кремљ, биле повторени ставовите на двете страни, односно Вашингтон се заканува со „зголемување на цената којашто Русија ќе мора да ја плати“, додека Москва го третира судирот како „внатрешно украински“, и ја истакна „важноста од политичкиот, преку дијалог, решавање на внатрешната украинска криза, скоро прекинување на крвопролевањата и обезбедување на сите права и интереси на населението на сите региони во Украина, вклучително и на југоисточните“…/крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.