Европа
Швајцарците уверливо против законот за депортирање на странците
Швајцарските избирачи во неделата со 58,9 отсто од гласовите го отфрлија контроверзниот предлог закон на десничарската Швајцарска народна партија (SVP) за автоматското депортирање на странците коишто ќе сторат какво и да е кривично дело, покажаа конечните резултати од референдумот.
Швајцарскиот референдум се одржа во периодот кога немал број европски земји ги заострија своите политики кон имигрантите, а тамошните јавности жестоко се спротиставуваат на доселувањата, откако над милиони бегалци во 2015 година влегоа во Европа, а воедно според неговите противници претставуваше и тест за швајцарскиот правен и политички систем на директна демократија.
Според конечните резултати, 58,9 отсто од избирачите гласале против предлогот странците коишто живеат во Швајцарија да бидат автоматски протерани доколку сторат кривично дело, без разлика на тежината на прекршокот и независно од тоа колку долго живеат во Швајцарија. Пред шест години Швајцарците со 52,9 отсто од гласовите ја прифатија Швајцарската народна партија (SVP) за депортирање на странските криминалци, но парламентот тој закон го дополни со одредба со којашто на судиите им се овозможуваше во некои случаи да го избегнат автоматското прогонување на осудените странци.
„Таа иницијатива одеше против правната држава, таа на судиите ќе им ставеше улар. Од таа причина се мобилизиравме во кампањата“, изјави Кристина Гагани, челничка на организацијата која ги претставува бизнис круговите во Швајцарија, пренесува агенцијата AFP.
Според објавените податоци, 63 отсто од Швајцарците излегле на референдумот, што е значително повеќе од просекот во оваа земја кој изнесува малку повеќе од 40 проценти.
Освен SVP, сите други партии во парламентот се спротиставуваа на споменатиот предлог, а против него беше потпишан и манифест од група од 120 правни експерти и 270 поранешни и сегашни парламентарци.
Според законот што го предлагаше SVP, државата не би ги депортирала само странците кои сториле убиство, силување или трговија со луѓе, толку и за помали прекршоци, како давање лажни сведочења, закани кон државни службеници или вандализам. Обвинувачките пресуди автоматски би воделе кон депортирање, а судиите повеќе не би имале право да ја проценуваат индивидуалната ситуација на секој обвинет пред да му биде одредена таквата казна.
Критичарите сметаа дека новиот закон би бил особено неправеден кој околу 400.000 ткн „секондоси“, втората генерација странци, коишто се родени во Швајцарија, но немаат швајцарско државјанство. Се предупредуваше, исто така, и дека таквиот закон би го кршел договорот на Швајцарија и Европската унија за слободното движење, што би можело дополнително да ги влоши односите меѓу Брисел и Берлин, веќе нарушени со швајцарската одлука да го ограничи доселувањата од земјите членки на ЕУ и другите земји.
Пред три месеца анкетите предвидуваа дека ќе победат приврзаниците на депортацијата на странците, но две седмици пред референдумот, резултатот беше многу тесен.
Инаку на секои три месеца Швајцарците преку плебисцит се изјаснуваат за различни прашања.
Во неделата 57 отсто, според конечните резултати, гласаа за изградба на втората цевка од тунелот во алпскиот масив Сен-Годар, на главната сообраќајница север-југ. Владата сака да изгради втора тунелска цевка за да може да ја обнови постојната којашто датира од 1980 година, а притоа да не мора да биде попречен патниот сообраќај.
Третото прашање за коешто се изјаснуваа на неделниот референдум швајцарските избирачи, бише изедначувањето на венчаните и невенчаните двојки кон даночната управа. Многу тесно, со 50,8 отсто од гласовите гласачите овој предлог на Христијанско-демократската партија го отфрлија, па невенчаните и натаму ќе бидат помалку оданочувани./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.