Европа
Собир за поддршка на Лех Валенса
Поранешниот полски претседател Лех Валенса во неделата доби голема поддршка од илјадници луѓе во Гдањск кои се собраа јавно да ги отфрлат обвиненијата дека тој времето на комунистичкиот режим бил платен доушник на тајната полиција, пренесуваат агенциите.
Легендарниот полски синдикалист и подоцна политичар Лех Валенса, кој одигра историска улога во уривањето на комунизмот во источна Европа, според некои неодамна пронајдени документи, работел како платен разузнавач за истиот комунистички режим против кој подоцна се борел.
Валенса, кој сега има 72 години, призна порано дека потпишал документ во 1970-те во кој се согласил да дава информации на комунистичката тајна полиција. Но, тврди дека никогаш не дал никакви информации, како и дека не земал пари. Во 2000 година судот го ослободи од обвинението за соработка со комунистичкиот режим, заклучувајќи дека за тоа нема докази. Најновото објавување на документите Валенса го карактеризира за лажирано, и најави борба да ја тргне дамката од неговото име. Тој вели дека како остар критичар на актуелната власт е цел на прогон и одмазда.
Гдањск е местото на првите победи на Валенса, кога како водач на синдикатот Солидарност предводеше протест на работниците на бродоградилиштата. Славата којашто ја стекна му го отвори патот подоцна да стане претседател на Полска.
Обвиненијата за соработка со комунистичката полиција фрлија дамка на неговиот углед последните седмици со откривањето на нови тајни полициски документи кои наводно покажуваат дека под кодното име „Болек“.
Овие обвинувања ја поттикнаа полската левица која се бори со новата конзервативна влада по нејзината надмоќна победа ланскиот ноември. Обвинувањата се сметаат за напад на една од најистакнатите личности на левицата, како и на самата историја на Полјаците.
Данута Валенса, сопругата на Лех, во неделата говореше во името на својот сопруг, кој е инаку добитник на Нобеловата награда за мир, која и своевремено беше проблематизирана како идеолошка. Таа истакна „Сакам да проговорам против владата и малиот човек кој стои зад неа“, изјави алудирајќи на челникот на владејачката партија Правда и справедливост (PiS), Јарослав Качински.
„Не беше во затвор (за време на воената власт). Се заклучи во своите четири ѕида со својата мачка. Доколку мојот сопруг не влезеше во преговори со комунистите, денеска немаше да стоиме тука“, рече Данута Валенса.
Качински инаку не учествува во владата, но во јавноста е утврдено мнението дека со премиерката Беата Шидло, е клучната сила на власта. Качински и Валенса во еден период задно работеле, но се оддалечија по падот на комунизмот во 1989 година и повеќепартизмот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.